السلام عليكم ورحمة الله وبركاته
هذي اول مره انشر بيها موضوع في هذا المنتدى لان ضاقت عليا وما اعرف كيف افكر تعبت
سامحوني رح اطول عليكم شوي وتحملوني قصتي طويله ما اعرف من وين ابدأ
انا متزوجه عن حب وزواجنا استمر سنتين كنا انا وزوجي نمر بكثير ظروف صعبه ومشاكل بس عديناها مع بعض تخيلت هالشي كان يقوينا مو يهدم بيتنا !!
انا كنت تقريبا مو مقصرة بشأن واجبات البيت كنت كل يوم أطبخ أشهى الأكلات وأحاول أنوع, البيت كان نظيف دائما ويلمع لانو زوجي يحب النظافه, أصوم وأصلي واقرا قران الحمدلله, كنت افاجئ زوجي بالمناسبات والاعياد ميلاد وحتى بدون مناسبه اجيبله هدايا حتى اعبرله عن حبي, كان عندي دوامين (دوام حكومي الصبح والعصر في عيادة) وكنت اعطي الراتب كله لزوجي, طبعا انا ماكان عاجبني اداوم كل هذا الوقت وانشغل عن زوجي بس هو كان يشجعني لانو ظروفنا ماكانت كويسه, هالدوام سوالي كثير مشاكل مع زوجي ع التأخير او انو صار يحس انو انا الي اصرف عليه بس كنت اتحمل لأنو هو كان مضغوط وكنت حابه اساعده خاصة هو كان يتندم بعد ان يقولي لا تداومين دائما كان يقولي لاتصيرين كسلانه داومي وضعنا مو كويس, بنفس الوقت كنت افكر الى متى اعطيه كل الراتب؟ هو صراحه ماكان مقصر معايا لما نطلع سوا صح الفلوس بجيبه بس يشتريلي اي شي أبيه, بس لما أكون وحدي وأحب اشتري شي ماكان عندي مصروف يادوب يكفي للدوام, واذا اقوله أبي مصروف كان يحاسبني ويقولي ليش شنو راح تشترين وكذا, صراحة اني طقت روحي مو طفلة علشان واحد يحاسبني على مصروفي خاصة انا كنت قبل الزواج اصرف بدون حساب واطلع واستمتع بالحياة ماخذة كلشي بسهولة..
هاي كانت احدى المشاكل بعد سنتين طقت روحي قلتله أبي مصروف حتى بكيت وهو تفهم قالي حقج, بعدها داومت واعطيته راتبي كالعاده ورجع اعطاني مصروف يكفي ليومين وانا بطبعي استحي احكي بالفلوس والله غيري تستلم راتبها وتصرفه على نفسها اصلا..
الشغله الثانيه أهله كانوا يعملولنا مشاكل بس زوجي فعلا كنت احسه رجل ماكان يتأثر بكلامهم وكان يقول اني عارف انو همه الغلط وتحمليهم وكذا, طبعا انا من النوع الي يحب بر الوالدين وصلة الرحم كنت دائما اشجعه يواصل اهله ولايقاطعهم ولما كانت تصير مشكله سببها أمه كنت اقوله اكيد ماكان قصدها ولاتزعل منها خلينا نروح عند أمك ومانقاطعها, هو كان يقولي نقاطعهم احسن راح يظلون يعملولنا مشاكل, انا بصراحه قلبي طيب ونظيف ماكنت متخيلة أنو المشاكل الي عملوها علشان كارهيني تخيلت انو المشاكل مجرد سوء تفاهم, حتى كنت اشجع زوجي يبر بأمه (طبعا ابوه متوفي) كنت اشجعه يشتريلها فواكه ومستلزمات البيت وكنت اذكره باعياد ميلادهم حتى عيد الام وكنا نشتريلهم احلى الهدايا, كنت اطبخلهم الاكلات الي يحبوها واخذها معايا لما كنا نروح عدهم حتى الحلويات الي يحبوها كنت ارسمها على شكل قلب لهم, كنت احاول احببهم فيني ماقصرت بشي تجاههم حتى صحونهم كنت اغسلها ومرات انظف معاهم البيت وهمه كانو يجاملوني كثير ماكانوا يبينولي حقيقتهم!
اخير فتره اكتشفت انو امه كانت تحرضه ضدي خلال هالسنتين لذلك كان يبعدني عنهم بس هو كمان غلط لما بعدني عنهم صاروا اكثر عداوه معي يتخيلون انو انا الي بعدت ابنهم عنهم, استوعبت كثير اشياء مع الاسف بعد فوات الاوان, كنت اعتبرهم اهلي مع الاسف قلبوا كلشي ضدي, مره اتصلت فيني امه غلطت علي وعلى اهلي وانا ماجاوبتها كانت تتهمني انو انا بعدت ابنها عنها, انا احترمتها واحترمت زوجي وماكنت اجاوب عليهم لما يغلطون.. مع انو غلطها كان كبير ومستحيل في مرة تتحمله وتسكت, حتى ماكنت احكيه لأهلي حتى ماتصير عداوه بينهم!!
طبعا صارت غير مشاكل بيننا بعد أهله وتغير علي فجأه صار يشوفني شيطانه, يعني معقوله شخص كان يحب يتغير بهالشكل؟؟ يعني صار يشوفني شيطانه بمعنى الكلمة كأنو مسحور, انا اخر فترة حسيت مشاكلنا زادت وبعضها انا كنت السبب فيها بعضها هو كان السبب فيها بس ماكانت مشاكل كبيره لحد الطلاق تفاجأت كنا مسافرين رجع هو وتركني وقالي روحي بيت اهلك وانا انهاريت بعدها قلت الي يبيعني وللي يعمل فيني كذا مايستاهلني وقويت بعدها لقيته يقول نتطلق خلص انا ماصدقت اني بكون بهالمصيبه يعني مامعقوله يبيعني عن جد وشفت اخته عاملتلي بلوك ع الفيس بوك قلت خلاص الظاهر الكل تأكد انو بيطلقني وفرحانين!!
رحت راسلته قلتله والله راح اسوي اي شي تبيه بس مو طلاق انا احبك ما اقدر ابتعد عنك واذا صار شي غلط مني انا مستعده ابوس ايد امك كمان واعتذر منك امام كل الناس, انهاريت بمعنى الكلمه كان يقولي خلاص ماظل حب عندي تجاهك وروحي شوفي حياتك, رحت راسلت اخته قلتلها انتي اكيد راح توكفين معاي انا احب زوجي ما اقدر على فراقه اموت قالتلي انسيه عيشي حياتك يبي يسافر قلتلها والله بغير نفسي اذا يحب حتى بسوي قائمه بالاشياء الي بغيرها بنفسي قعدت تضحك علي!!
قلتلها ماشي خلي احكي مع امك اكيد راح تتفهمني وتوقف بصفي وتحلها قالتلي حياتي امي تقول انا اصلا ماراضيه على هالزواج وهو خليه ياخذ قرار الانفصال وحده مثل ما اخذ قرار الزواج وحده, انا انهاريت ظليت اسابيع ما اكل شي ضعفت 8 كيلوات الكل لاحظ انخفاض الوزن وشكلي الذبلان ماكنت انام ايام وكنت بس اقرا قران واصلي وادعي يرجعلي, شفته كان يدرس دراسات خلص نجح وماطمنني ولا قالي نجحت وخلاص عايش حياته وانا بهالحال راسلته قلتله مبروك حبيبي كنت انتظر هذا اليوم سنوات وكنت اتمنى افاجئك بيه ولا جاوبني واهلي كمان باركوله ولا جاوبهم وبعد فتره اهلي قالولي رافع علينا قضيه ويبي يطلق.. وصارت القصه بالمحاكم الحين واهلي مقهورين يمكن اكثر مني ما احترمهم ولا جاوبهم لما باركوله وكانوا يعتبروه اكثر من ابنهم مع انو اخر فتره صارت مشاكل بينهم وبين زوجي بعد ان قالي روحي بيت اهلك, بس كانوا ناوين ينسون كلشي ونبدي صفحه جديده كنا نتصور انا واهلي انو هو مضغوط ويبي يرتاح فترة الى ان يخلص امتحانه بس انصدمنا بالحقيقه الي صار عليها..
الحين صار 5 اشهر منفصلين, اخر مره حكيت معاه كانت برمضان وخلص استوعبت انو الله بعده عني لانو مافي خير الي بس مصدومه كيف هالرجل الي كان يبين لي انو انا حبه الوحيد كيف صار ع هالحال جد صار يشوفني شيطانه وما اعرف شو السبب معقوله حكي اهله؟؟ وقلتله الله يخليك لا تصدق اهلك قالي انا من متى مصدق اهلي؟؟ طيب ليش؟؟؟ مو مصدقه للحين يعني صار يقنع نفسه انو انا كنت غلط بكلشي وهو مو مقصر, صار يكذب الكذبه ويصدقها بس حتى ينهي هالزواج..
طبعا في مليون شغله ثانيه والاسباب الي هو يتحجج انها سبب في الطلاق
للعلم انا تنازلت عن حفلة الزواج حتى ما اكلفه والمؤخر كمان شي تافه كله تقديرا لظروفه, اسفه ع الاطاله بس حبيت اشارككم تجربتي واشوف اذا في احد مثلي وشصار بعد سنه سنتين؟؟ صراحه الحين انا وايد احسن الحمدلله تقبلت الواقع بس اتمنى يشوف العذاب الي انا شفته اتمنى يجرب غيري ويشوف خيري انا كنت احاول ارضيه بكلشي والله صرت بس اتمنى يتندم ولا اقدر ادعي عليه ماتهون علي العشره والعيش والملح