ادخلو حلو مششكلتي :

بسم الله , انا بنت عمري 16 سنه عندي مشكله ماني قادره وشلون اسوي فيها
انا اول شي ابوي دكتور ومايهتم فيني ومخليني بالشقه جنب احد اقاربي
مدلعني بالفلوس ويفكر ذا كل همي
اما امي متوفاه من يوم وانا صغيره
والحين ابقولكم انا هاديه وخجوله ومابحب احكي الي بقلبي
بس مقدررر لازم اقولهااا انا كنت عادي وماهمني غير دراستي
لكن سرت افتح " الــنـــت " وللاسف بسبب الصحبه السيئه
صاحباتي دخلوني موقع بلياردو " قيمزر" < وهنا مشكلتي
كنت عادي ادخل مع اي واحد اسولف وبعدين سرت عادي اتعرف كنت اقول عن طريق فكاههه ولعب وتسليه
وكنت اقول مستحيل اي واحد يخدعني ومستحيل احب اي واحد بالنت
بس فجاءه تعرفت على واحد بالبدايه بصراحه وكان ينصحني مااكلم شباب وماكان له هدف لكن انا كنت ملقوفه عشانه اول شاب اتعرف عليه زين
حبيته كثير , بس جا فتره قررت اتركه و انفصلت مده 3 شهور < سافرت مع احد اقاربي
بغرض اسلي نفسي وبنفس الوقت اشغل حالي عن النت
بعدين يوم من الايام فتحت ودخلت اللعبه < للمعلوميه انا ماعطيته ايميلي لانه كنت حالفه ماادخل
مسني شباب < .. لكن للاسف جا يوم بكل لهفه وشوق دخلت معاه ولعبت وسرت احببه اكثر
لين ماعشقته وسار كل تفكيري وقررت اضيفه وقويت علاقتنا < وهو الي بعرفو عنه مو من النوع
الي ماهمه يكلم بنات بس, حتى ماايكلم والدليل عطاني عضويته وسرت ادخل فيها وعادي
سار كل تفكيري وااحبه من كل قلبي , قالي بتزوجك لـــكـــن
لكن مع الاسف اناا مريضه يعني تعبانه وهذا الي يزيد علي ماابيه يتزوجني لانه بيكره حياته بتعبه كثيرر مع اني احااول لكن .. , انا من جد وحيده ماللي اي احد صاحباتي يموتون فيني بس طبعي مااحب اكلم اي احد وصمتي كثير وفيني نوع من العزله , بالاضافه لاشياء مايعرفها
مثل اني اتعب كثير وانهان بالبيت مع اني تعبانه انا الحمد لله مو تعبانه يعني مااقدر اقوم
لكن انا بس مترابطه بالمشفى وكل فتره لازم اروح واحيانا اثقل وكذا
وانا ادرس وعادي ,
بهالايام احس اني مااعاد اقدر اتحمل شي ولاا اقدر اصبر مره تعبانه وسرت اطيح كثير
احس كل هذا من ذنوبي الي مثقله علي انا الحمد لله اصلي وكل شي لكن مشكلتي اكلم هالشاب
والله شاب واحد ماغيررره لكن مااقدر احس انه من جد ماكنت واعيه يوم تعرفت عليه كذا
يعني كبرت الحين وفهمت , بس يوم من الايام صحيت وحلفت على نفسي
مااعاد ادخـل المسن واصلا حالي كنت تعبانه بالحيل
احيانا يطلب اتصل عليه , بس اناا كان عندي بلاك بيري وضاع علي انسرق
بسبب اهمالي كان فيه كم صوره لي ورقم مليووون وحده ., يوم كنت مااعرفه
عشان كذا عاهدت نفسي مااعاد امسك جوال غير ان تزوجت او للضروره , هو كان غالبا يطلب اتصالي
لكن عني احب واموت على صوته لــكـــن , لكن مااكلمته غير كم مره بجوال رفيقه الي ,
بس الحيييين خلاص رااااسي يعوووووووورني مدري وشلون انساه وااخلص حالي
والله بجد انا اتمنى انه يكون زوجي , او حتى اخوي او حتى ابوووي لانه يشعرني بامان وراحه
انا ماعندي لا اخوان ولا اخوات
مدري وش اسوي خلاص , حالتي ساءت وسرت مره اتعب , انا صغيره وحلوه , لكن الحين احس
ربي غاضب علي من الي اسويه واحاكيه , سرت اتعب وخلاص احس اني بموت
اعاهد ربي من الحين اني ابتركه وبترك هالنت كله وافضى لدراستي
و*ربــي* بحاول انشغل افضلي بالطاعات
ابي اريح قلبي من هالذنوب , لكن الحين الي احبه ويحبني بيقول علي " خاينه "
اي خاينه لكن وش اسوي اصلا حتى لو بغاني مستحيل بيرضى علي لانه مريضه ومالي احد
احبه بجنون وكلي شوق وقلبي بيتعذب الحين ,, لكن بحاول انسا واقوم بطاعه ربي
للمعلوميه كان عمري يوم ماتعرفت عليه 14 سنه يعني صغيره
ودامت علاقتنا سنتين وكم شهر , هو كبير والي اثبت لي انه يحبني
انو كان يكلمني وعادي مع اني كنت بزره بمقامه عشان كذا عششقتتته
احس اني تربيت على يده لان مالي احد حتى بالبدايه كذبت عليه وعطيته اسم غير اسمي
وجا يوم واتعرفت قلت كنت اكذب اسمي كذا .......... بدل مايتركني قال عادي وجلس يمدحني ...
حاولت ببعض التصرفات اخليه يكررررهني ويتركني بنفسه بس ماافاااد ..
ذا كل شي اسفه لاني طولت عليكم وانا اكتب وانا خجلانه من حالي بس ابيكم تساعدوني ,
اتمنى مااحااد يسفلني بس كتبت لاني ابي اقوي قلبي وانسااه يارب ... شكرا الكم ,,...

__________________
عففوآ قصدت " آستغفرك يآرب " آتمنى آلتعديــل >

حبيبتي المراهقه الصغيرة .........ز لا تحملي نفسك فوق ما تحتمل ... ان الله غفور رحيم ... استغفري كل يوم وانوي انه يكون اليوم توبتك انصوح .. ولو غرك الشيطان وخلاك ترجعي ..ارجعي بعدها على طول توبي واعيدي انيه باتوبه بعدها .. لن هدف الشيطان ارئيسي بعد ان يخليك تعملي الذنب انك تحسي انك منبوذه وربنا غاضب عليك ..ليحزن المسلمين .. ببساطه انتي في فترت مراهقه .. وواضح انك انسانه منغلقه اجتماعين وللاسف لديك حاجه عاطفيه كبيرة للحب والاهتمام .. وهذا هو مدخل الشباب على البنات.. عمومآ اعرفي حاجه وحده .. هو هدفه ارئيسي انه يستمتع بكونه ارجل الصياد .. وانتي كانثى تستمتعي انك محط انتباهه...تراها شغلت هرمونات مو فجور منك .. ودامك بديتي توعي لنفسك معناته انتي بديتي تتحكمين في نفسك وتصحين من تحكم حاجتك ورغبتك في انك تكوني مصدر اهتمتم معناته انتي اوعا من عمرك واكثر قرب من ربك مما تتوقعينه... ارسول عليه الصلاة والسلام قال للصحابي " رفقآ بالقوارير" وهو كان يتلي القران فقط.. لعلمه ان المرئه عباره عن جسد شفاف رقيق يعكس حاجاته بوضوح .. مما يمكن اصحاب النفوس الضعيفه من استغلال نقاط ضعفهم وعكس الشئ الي هي تتمناه عليهم ليشعروا بتفوقهم .. بس بكل بساطه .. هذي هي لعبت المراهقين ... استغفري واعرفي ان الله معك واقرب لك من حبل الوريد واحن عليك من الام على طفلها...

أختي بحكم أنك صغيرة + ماعندك أخوان حولك + أبوك بعيد عندك + عندك وقت فراغ كبير

كل هالأشياء تسبب فراغ عاطفي في حياة أي واحد .. فإذا جاك أي شخص - حتى و إن كان إنسان عادي - وبدأ يهتم فيك مثل ماذكرت أنه نصحك ماتكلمين شباب .. طبيعي تكون النتيجة تعلق قلبي وميلان عاطفي ..

أنت فتحي باب مسكر على نفسك يوم بديتي تكلمين شباب .. و الشيطان يمشي مع الواحد حبه حبه .. ماهو يستعجل النتايج خصوصاً إن كان عند الإنسان وازع ديني .. يعني لو أحد قال لك إن دخلتي موقع الفلاني بعد مدة بتضيفين شاب عندك في الماسنجر .. متأكد أن إجابتك بتكون : مستحيييل أنا عارفه نفسي ..

لكن الحين أنت وقعتي في هالشي وصدقيني لو أستمريتي على ما أنت عليه بتسوين شي أعظم !

من كلامك أظنك إنسانه عاقله حتى مع طغيان العاطفة تحكمين عقلك .. وهذا شي إيجابي ..

وهذا الشخص ماهو صادق معاك - واسمحي لي لو كنت صريح - جالس يتسلى ويضيع وقته ... لو كان فعلاً ناصح لك كان ماتعدى الحدود في علاقته .. يعني في البداية كان يقول لاتكلمين شباب وكان يكلمك وطور العلاقه .. وصارفيها ماسنجر ...
لو كان صادق كان ماطلب هالشي .. وحتى لو كان الطلب الإضافه منك ماراح يستجيب لك ..


في المقابل : الإعتراف في المشكلة هو بداية الحل ..

تحتاجين وقفه صادقه مع نفسك .. إن كان هناك قريب من بيتك دار تحفيظ فسجلي فيها ..

علقي قلبك بالله .. أكثري من الدعاء .. ابتعدي عن التفكير في هالموضوع بقدر المستطاع .. في البداية بيكون الموضوع شوي صعب .. لأنه ماخذ حيز كبير من تفكيرك ...

هذه بعض المقاطع الصوتية الجميلة ستفيدك بإذن الله :

الفتاة ألم وأمل

بركان العواطف

أين قلبك ؟

صفحة الشيخ : إبراهيم الدويش

---

ضحايا الحب

---

صفحة الشيخ محمد العريفي

آششكرك من آعمآقق قلبي , جزآك الله كـل خخير , ان شاء الله .. صصدقتي ..

__________________
عففوآ قصدت " آستغفرك يآرب " آتمنى آلتعديــل >

يعطييك العافيه شكراا لك من اعمااق قلبي , صدقت ..

__________________
عففوآ قصدت " آستغفرك يآرب " آتمنى آلتعديــل >

ابنتي (استغفرك يا رب)
- ماشاء الله تبارك الله صرتي الحين بنتنا واختنا وكلنا أهلك هنا وكلامنا هنا ولله الحمد كله خير وبركه وسعة صدر لك ومفيد جداً لك في حياتك المستقبلية بإذن الله كزوجه وأم.
وبدوري هنا أقول لك
- كل ما نفقده نبحث له عن بديل له ثم نمنح البديل مشاعر الأصل وهنا الخلل ونعتقد أننا لا نستغني عنه والصحيح أنه لا مكان له حقاً لدينا لأنه سيتبرأ منا عند أول منعطف تتعرض فيه مصالحه للخطر ويضعنا حجرا يدعس عليه لينجو, والعبارة مشهورة ( لا يمكن اتزوج من كلمتني بالنت ماذا يطمني أن تكلم غيري بعد الزواج؟)
- كما قالت الأخوات ومثله ما ورد في كتاب تلبيس ابليس بتزيين الذنب وخلق الاعذار للتمادي فيه.
- التائب من الذنب كمن لا ذب له ولله الحمد فلا يزعجك الشيطان بحجم ذنبك فمهما كبر فهو لا شيء عند عفو الله ولو تكرر فكرري الاستغفار والتوبة.
- ابحثي عن بديل نافع وادخلي النت والجوال بثقة كاملة ولكن فيما يفيد وابحثي عن الصحبة الصالحة في جمعيات تحفيظ القرآن الكريم والأخوات الصالحات فسيعوضنك عن كل مفقود في حياتك.
- أشعري الوالد بحاجتك له وأنك تخشين على نفسك بغيابه.
- أحيانا من كيد الشيطان أن يعظم عليك ذنباً صغيرا ليجعلك تستمرين في ذنب أكبر منه مثل التراخي في الصلاة وهو يكبر في نفسك الحديث مع هذا الشاب.
- قال تعالى ( ومن يتق الله يجعل له مخرجاً ويرزقه من حيث لا يحتسب) والنتيجة مضمونة ومجربة فهي وعد من الله سبحانه.
أسأل الله العلي القدير أن ييسر أمرك ويحفظك من كل سوء وبنات المسلمين

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

آشكرك اخوي من اعماق قلبي , صدقت آن ششاء الله ,,,

__________________
عففوآ قصدت " آستغفرك يآرب " آتمنى آلتعديــل >

[SIZE="5"]اختي الصغيره
باين انك انسانه عاقله ومحكمه عقلك
الشئ الي تسوينه غلط مليون بالميه ومحكموم على اي علاقه
بالنت خارجه عن الشرع بالفشل
الشخص اللي تحادثينه مااهو الا احد شياطين الانس
الذين امرنا الله ان تعوذ به منهم
قال تعالى*قل اعوذ برب الناس*ملك الناس*اله الناس*من شر الوسواس الخناس*الذي يوسوس
في صدور الناس*من الجنة (((((والناس)))))
هذا الشخص لو فعلا يبيلك الخير كان ماتحدث معك وسوى نفسه يحبك
لانه اصلا مايعرفك فقط يريد سحبك حبه حبه الى ان
تسقطين في اوحاله
انتبهي لا تكونين ضحيه من ضحايا الشياطين
وياكثرهم
وبرضه انتبهي من صديقات السوء
واي موضوع يضايقك او تريدين المشوره في امر من امورك
فقط اطرحي موضوعك في هذا المنتدى الرائع
وستجدين اخوه واخوات لك في الله
يسدون لك نصائح كلها خير ونفع باذن الله
الله يحفظك من كل شر ومن كل سوء[/SIZE]

__________________
اللهم صلي على نبينا محمد وعلى اله وصحبه اجمعين