حبيبتي اعرف انو كل ام همها الاكبر مع اولادها صحتهم ولدك الله يحفظو عمره اكتر من سنه يعني يقدر ياكل اكل البيت العادي اللي انت تاكليه بس طبعا انتبهي للفلفل
حاولي ما تخلي قدامه اي حلويات لانها تسد شهيتو وعندي كم فكره مجربه ان شاء الله تناسبك
1/اعمليلو اشكال غريبه بالاكل يعني مثلا قطعلو التفاحه على شكل بطه او اعملي التمره او اللبنيه على شكل دبدوب
2/نوعيلو في الاكل لان الاطفال يطفشو من الاكل اللي دايما زي بعض
3/حاولي تلاحظي ايش الشي اللي ياكلو بالعافيه و اعمليلو هو بس لا تستسلمي لانو ما يحب نوع معين مثلا الحليب ممكن تعمليلو هو اسكريم او مهلبيه
4/ دايما جلسيه معاك وقت ما تاكلي وحاولي تخلي الجلسه بسطه امزحي معاه و لعبيه وازا عندو اخوان كبار اجلسو كلكم مع بعض الان الاطفال لما يشوفو الكل بياكلو حيشتهو الاكل
5/لا تجبريه بالقوه عشان لا يكره الاكل ازا ما رضي ياكل حاولي معاه بعد نص ساعه
اما بالنسبه الافكار الخاصه بطبخ اكله
ممكن تعملي اي شي يجي على بالك اول مره اعملي كميه صغيره وجربي عشان لو ما حبها لا تترمي
يعني اعمليلو شربةخضار ممكن تحطيلو المكرونه الحروف الصغيره معاها
اعمليلو مكرونه ملونه بالبشامل (بما انو ما يحب الحليب)
اعمليلو سلطة فواكه وحطي عليها عصير فراوله
ممكن كمان تعمليلو عيدان الفواكه هادي الاطفال مره يحبوها (قطعي الفواكه اللي تختاريها باحجام و اشكال مختلفه و غمسي نصها بشكولاته سايحه و بعد ما تنشف الشكولاته حطي الفواكه في اعواد ساتي)
اعمليلو حليب بالموز او الفراوله او الافوكادو
__________________
من الخير ان تشعل شمعه بدلا من ان تلعن الظلام