تذكرون موضوعي مع شيطونة ..؟؟
هذا هو الرابط ..
http://www.66n.com/forums/showthread.php?t=99581

المستجدات:
بعد السالفة زوجي اعترف إنه كان يبغي يتزوجها بس بعدين غير رايه لأسباب كثيرة ..
منها إنه ماعنده ليفتح بيت ثاني ..<<<<<<<<<<<< وأنا قلت له هي مش أحسن مني تحطها في بيت مستقل وأنا مع أهلك..
وأسباب أخرى كثيرة..

قبل رمضان بيومين رحنا للديار .. وكنت قد حذرته من معاودة الاتصال بها..
وفي طريق العودة قال لي أنه كلمها لكي يقطع علاقته بها وأخبرها بان تنساه ولا تتصل به أبدا..
أنا قلت طيب .. وسكت ..

أول أمس ..
كنا في السيارة ..
وجواله بالنص ..
لما رن ألتفت عليه ولقيت اسمها..
وهو كان قايل لي إنه بيمسح رقمها ..
مسك الجوال .. وتوهق ..
وكانت مسوية رنة بس..
قال : اش تبي ذي ..؟؟
أنا طنشت ..
قال لي : عرفتي من ؟
قلت له: أي .. ببرود ..
قام سوى روحه معصب على اصالها وقال: أنا باتصل برفيجي في ديرتهم عشان يكلمها ويقول لها لا عاد تتصل مرة ثانية..
قلت له : أنا عارفة هي ليش متصلة .. لأنها رخيصة .. وبايعة نفسها ببلاش..
قال: في لعنة اللي تلعنها >>>>>>>>>>>> واسمحوا لي على الكلمة ..
وأنا كنت أتكلم ببرود ماعصبت ولا بينت له ضيقي..

في البيت ..
مادري اشلون انفتح موضوعها ..
قلت له ..
ترى أنا لحد الآن ماعندي دليل واحد إنك تركتها ..
وكل الأدلة تثبت لي العكس..
مسج تهنيك برمضان .. وهالاتصال .. ورقمها للحين مخزن ..
وأنا قلت لك كلمها جدامي ومارضيت .. وقلت لك أنا باكلمها ومارضيت ..
يعني لو تحلف من اليوم لي بكرة أنا ما أقدر أصدق لأن كل الأدلة المادية ضدك ..



إشرياكم ..
تصدقون إنه تركها ؟؟