السلام عليكم اخواني اتمنى ان يكون صدركم رحب لاختكم
مشكلتي منذ ان وعيت على هذه الدنيا ابي متزوج على امي مند عشرين سنه ومن بدات احس بالدنيا امي وابي في مشاكل بسبب زوجتة الثانيه تخلق مشاكل انا اول اقول امي تبالغ عشان الغيره بس كنت مره طالعه وشفت مره ابوي طالعه من بيتهم وبدات تعايرني وتقول على وعلى امي كلام مهين بس انا مارديت دخلت البيت وقعدت ابكي انا احب ابوي بس ليش يتزوجها حياتناكلهامشاكل انا مابي امدح امي بس والله امي ماعمرها ضرتها حتى خواني الي من ابوي ادا جاو ماتقولهم شي احيانا مرة ابوي تسافر لاهلها بالشهور وتخلي عيالها عندنا امي تهتم فيهم ولا تقول لهم شي بس اذا جات امهم تغيروا مانشوف اي احد ولا يزورنا الا واحد منهم بس اختي يمكن ماتصدقوني ان قلت اني ماشفتها من سنين المشكله مو هنا المشكله ان ابوي تزوج مره ثالثه بالسر ماحد يدري الا انا واخوي بس اخوي مره كان طالع وشاف سياره ابوي عند شقق مفروشه وكلمه وقال تعال ودخل اخوي الشقه توقع انه واحد من اصدقائه جاي من منطقه ثانيه بس يوم دخل قاله ابوي انا متزوج ودخلت زوجته اخوي انصدم ابوي قاله لاحد يدري استغرب اخوي قال شلون متزوج يعني مالها بيت تقعد في الشقق المفروشه سكت ابوي اخوي طلع زعلان مايدري شيسوي حنا نعيش ماساة زواجه الثاني يتزوج الثالثه ومن جاء اخوي سكر عليه غرفته وقعد يدخن بشراهه وجيت اشوفه واساله قالي كل شي بس قال لاتقولين لامي انا قعدت ابكي من القهر شسوي هذي امي وهذا ابوي وانا احبهم بس ماقدر اشوف امي الي للحين مصدومه من زواجه الثاني اقول لها انه متزوج ثالثه احيانا لشفت ابوي يجيني شعور بالكرهه بس استغفرالله ابوي حنون علي انا بالذات وانا بصراحه واجهته بس انكر وقعد يخانق اخوي اخوي بعد انكر انه قالي تكفون انا لجاءت لكم بعد الله قولولي شسوي واسفه على الاطاله