كان عددنا تقريبا 16 والغالبية متزوجات وأنا أكبر البنات .. وعلاقتي معهم ممتازة الا وحدة أحس انها ماترتاح لي

لذلك ماآخذ معها كثير في الكلام ويمكن هي لاحظت الشي هذا..

أثناء الكلام والسوالف والضحك فجأة قالت.. بنات في واحد يبغى يتزوج ويبغى يسوي خير في العوانس!!

يبغى يتزوج وحدة بعمر 25 وفوقها وشرطه ان يكون شكلها كذا وكذا وكذا << نفس مواصفاتي بالضبط

ويبغاها تكون من المنطقة الفلانية <<< بجانب منطقتي تماما ومافيه فرق بينا يذكر ابدا

تعرفون يابنات وحدة بهالمواصفات ؟

أنا قلبي صار طق طق وعيوني ترمششش وضقت من قلب وقلت بنفسي والله لأوريك يالحقيرة اصبري علي بس.

حطيت رجل على رجل وعدلت جلسي << لازم تطلع الثقة

بدأ النقاش.. والكل يتكلم ... انا اعرف وحدة بس تراها سمراء.. انا اعرف وحدة ساكنة عند جدتها بس من المنطقة الفلانية

انا اعرف وحدة وملتزمة مرة..

لازلت ساكته وحاسة نفسي بنفجججججججر

الي جنبي بصوت واطي: شوبارد تراها تقصدك

انا بابتسامة لاماأظن..

سمعت صوت عالي ... طيب شوبارد عندك بس هي من المنطقة الفلانية

التفت علي وقالت هاه شوبارد تعرفين بنت بهالمواصفات هم يبغون يكسبون فيها أجر تعرفين العوانس كثرو لاحول ولاقوة الا بالله وانا أقنعته قلت يكفي الأجر اللي بتحصله!!!

قلت .. ايه اعرف

قالت.. اهم شي نفس المواصفات اللي انا ذكرتها واهم شي انها عانس

<<< واشوف العالم كلها تناظرني

وحدة قالت.. عيب عليك وش هالكلام عانس؟؟

أنا.. المهم انا اعرف وحدة وعلى مستوى من الجمال وماتاخذ اي احد قولي وش مواصفات اللي عندك عشان اقولك ترضى ولاماترضى <<< شرايكم بالحركة هههههههه احسن

قالت تحمد ربها بيجيها خاطب هالعانس

قلت يجيها بس سبحان الله مايصير نصيب

وش اسم عائلته هذا؟

قالت.. ولد عائلة الفلاني من نفس عائلتي

قلت.. لالالا البنت من عائلة مرة معروفة ومايتنازلون ياخذون من عايلتك معليش يعني والنعم فيكم.

قالت.. وش فيها عائلتنا احنا اصلا مناسبين العائلة الفلانية والفلانية

قلت.. انا مانقص من حقكم .. وهاذولا انتم مناسبينهم ..لكن انتم وش انتم؟؟

الله يرزقه خليه يدور من اللي يناسبونه ياعمري مسكين كسر خاطري يبي الأجر أجل << اقولها وانا اضحك

قولي له يروح لأقرب جمعية ويتصدق عشان يكسب أجر

البنات صارو يضحكون وقالو ايه صدق خليه يروح لجمعية ولا يكفل يتيم ... قولي له الزواج من الأعمار الناضجة مكسب لك بس اذا هذا تفكيره حرام ياخذ وحدة بهالعمر

ياخذ مراهقة احسن له.. وان كانك انت مقنعته اسمحي لي تفكيرك عقيم جدا انا تزوجت وانا كبيرة واموري من احسن مايكون

أنا.. والله نكتة قال ايش بيكسب أجر قولي عن الجمعية الفلانية ترى يجونك حد البيت وياخذون اي شي مستغنية عنه << وبعدها ضحكت

صارت تناظرني من فوق لتحت وتنهدت بقوة قالت نشوف من تاخذين .. ولد من يللي شايفة نفسك

ضحكت بصوت عالي واعطيتها نظرة << معناها لاتجين حولي مرة ثانية

شرايكم؟ تطورت صح؟

__________________
اللهم لك الحمد والشكر
"ولئن شكرتم لأزيدنكم"

صج انا متكدره بس ضحكتيني من قلب منتي سهله و زين سويتي فيها الله يرزقج ان شاء الله و نفرح فيج

هههههههههههههههههههههه

والله ضحكتيني يا شوبارد

انا من زمان متابعه القسم بس ما عندى الجراءه اكتب

و موقفك حلو اظن حرمت بعدها حتى تفكر مجرد تفكير

والله ناس عندهم نقص في شخصيتهم و جايين يطلعوا عقدهم على الناس

بس يلا عطيتها جواب قدام الكل سوا عمرها

الحمد لله لحقت على موضوعك قبل مايصير اكثر من صفحة)))))))))))))))))خاطرها ترد في الصفحة الاولى

المهم والله انك رهيييييييييييييييييييييييييييييييييييييييييييييييي ييبه
تطورات

اول ماشفت الموضوع قلت اكيد شوبارد

هذا انا احلف لك انها غايررررررررررره منك

قوليلها تقول طلة الخير

الشرف للي بياخذ شوبارد

شوبارد حبيبتي الدرر(اللي من امثلك) مو حق اي احد لازم لها واحد يستاهلها



الله يوفقك ويخليك ويريح بالك وينولك مرادك


تحياااااااااااااااااااااااااتي

__________________
وعلى الخير تمم يآالله

حسبي الله عليها .. بس لو ذاقت اللي ذقناه كان اتغيرت هاذي المتكبره


والله قويه ياشوباردماشالله .. ياليتني اعرف اسوي مثلك .. انا خوافه .. ومااقدر اسوي كذا على طول اتلعثم وارتجف .. كل اللي اسويه اعطيهم ابتسامة وحده ضعيفه ..وطيبه لكن بهباله ياليتني اقدر ادافع عن نفسي ..بعد اعطي نظرة .. يارب اني اصير مثل شوبارد قويه وارد كيدهم عني ..

الله يحميكي.. والله خوش تطورات وعقبال التطور اللي ننتظره ياااااااااااارب

__________________


اللهم فرج كربتي ويسر امري واكتب لي الخير يارب

مشكورين جميعاااااا

صح وقتها فرحت اني سكتها وانه مابان علي الإحراج.. لكن في البيت ضاق صدري من كلمتها عانس حسبي الله عليها

وماكان ودي الأمر هذا يصيرعند مجمموعة كبيرة..

العام..
انا لماقلت مايتنازلون من عايلتكم << قلتها بوقت كنت مرة شايله بقلبي ومعصبة مرررة بس كنت ابتسم أمثل يعني
وانا اعترف لما أعصب يطلع مني كلام وخري عني بس

ولا بحالتي العادية استحالة يطلع مني هالكلام اصير خايفة مثلك ههههههه
العصبية تجيب فايدة احيانا ههههههه

اما النظرة سهلة انا اكثر تعاملي بالنظرات أكثر من الكلام!!

ترى اول مرة بحياتي يصير معي زي هالموقف اول مرة استقوي انجاااااز بحياتي
اخ بس الى الحين قاهرتني
تصدقون لها 6 سنوات متزوجة وتعالج من مكان لمكان ماحملت المفروض تخاف الله لأنها في بلاء ماتروح تتشمت في الناس!

__________________
اللهم لك الحمد والشكر
"ولئن شكرتم لأزيدنكم"

كنت اكرهها ولما شفت العباره هذي تقطع قلبي عليها ... والله اني حسيت فيها وفي ألم ها..
انا صار لي سنتين ماحملت واحس هموم الدنيا فوق راسي وماقدر اتحمل اكثر من كذا ..
اجل كيف اللي صار لها 6 سنوات ... <<<<<<< الله يرزقها بالذريه الصالحه عاجلا غير اجل..

__________________

لا حبيبتي انا مو معاك مو عشان ماتخلف تقوم تحرج بنات الناس مفروض تكون اكثر واحده تحس بمعاناة غيرها وماتحاول تحرج احد عشان ربنا لايبتليها وبصراحه ماتقطع قلبي عليها وماابغى اشمت فيها لانه مو من طبعي و الله يرزقها

هههههي الله عليج قويه علمتيها درس يا ابله

__________________
اللهم انت ربي ، لاالـه إلا انت ، خلقتني و انا عبد وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك على وابوء لك بذنبي فاغفر لي ، فإنه لا يغفر الذنوب الا انت


يا رب إن عظمت ذنوبي كثرة~ فلقد علمت بـأن عفوك أعظمُ
إن كان لا يرجوك إلا مُحسن~فبمن يلوذ ويسـتجير المجـرم ُ
أدعوك رب كما أمرت تضرعا~فإذا رددت يدي فمن ذا يرحم ُ
مــالي إليك وسيلــة إلا الرجا~وجميل عــفوك ثم أني مسلمُ

احسنتي يااختي شوبارد ..
كان ردك راقي وجميل ومفحم جدا ..
وانا ارشح ردك لكتاب (الاجوبة المفحمة) للشيخ القحطاني

بس ترى الاخت هذي فيه بنفسها شيء منك من الاول والا ماتجروء على هذا الكلام

الله يصلح النية والاحوال
واسأل الله ان يرزقك الزوج الصالح

__________________
الفضاوة إما تصنع مبدع أو مريض