اولـــ موضوعــــــ ليــ عندكمــــــ ــ ــ

ا ن شاء الله ينالـــ اعجابكمـــ و تلقونــــ لهــــ حلـــــ
هيــــ مشكلهــــ تطرحــــ عنــــ طريقــــ قصهـــ قصيرهـــــــــــــــ ــ ــ




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ




كان يامكان في قديم الزمان كانت في بنت حلوه تربط شعرها قرنين وكانت

صغيره عقلها كبير لكن كانت عوبه ولسانها طويل, وتعيش اكبرمن سنها حتى اصلا مكان لها طفوله من كثر ماتقتبس

شخصيات الكبار وتخالطهم بمجالسهم وتسوي فيها بريئه وماتفهم شي, ومن يومها وهي طفله تبي تتزوج ,كبرت البنت

وصارت احلى من قبل وتغيرت كثير مثل (قبل و بعد) اي بفرق ..


وهي مازالت تبي تتزوج وكل يوم تدعي بصلاتها ان ربي يرزقها الزوج الصالح.........


مرت الايام..












ويوم من الايام في بيت قرايبها شافها قريبها وكان راجع من السفر بعد دراسه

قضاها في امريكا ولم تكتمل دراسته فكر انه يتزوج ويرجع لذيك الديره برفقة عروسته ,هذا القريب كانت البنت قبل

مايبعث للدراسه, مطيحه الميانه معه , شافها ولقاها متغيره عليه كثير شكلاا ومضمونا ,وصارت تتغطى منه, وهو كان

يطاردها يبي يشوفها ومستثقل دم غطاها, بعدين يوم شافها اعجب فيها, وقاموا خواته شجعوه انه يتزوجها ,وبالفعل

استجاب وهو متشقق ومتولع فيها ,وخطبها طبعا ,وهي خبركم مشفوحه ع الزواج وافقت عليه خلال بضع ثواني البنت

تبي تتزوج اليوم قبل بكره




وكانت في سن مبكر تمت الخطوبهــــــ











بعد مانخطبت وتخذت قرار مبني على قلبها قبل عقلها ,بدت البنت تعقل وتدرك

معنى للحياه الزوجيه ,هذي الخطوبه دفعتها تفتح مكتبه بغرفتها يضم جميع الكتب الي تخص بعلاقة الرجل والمراه,

البنت بعد ماقرت وتثقفت بدت تدرك اهمية الموضوع ,وتراجع قرارها, لكن خطيبها قام يولعها بقصص الغراميات ,حتى

اصبحت قصتها لها جماهير يتابعونها ,وكان الحب اتصال روحي ,وجسر المحبه خواته,كانت البنت تراقب تصرفاته مع امه

وخواته لاحظت خصلات فيه ماعجبها لكن الحب غلبها,ورضت فيه بعيوبه ومحاسنه, طالت فترة الخطوبه ومصخت, ورجال

قام يلمح ياجل العرس بعد التخرج,

قالت :اذا الدعوه كذا اجل ليه خطبتني .

هو رد بواسطة السان اخته ,انه هو يبها وحجرها لجل مايرجع بعد التخرج يتزوجها ,هو باقي له اكثر من سنوات,

البنت ماتطيق هالسالفه(الحجز, والتعليق), وبعدها مرتاحت لأفكاره الغريبه ومخططاته الغربيه حست انها مخطوبه من

أجنبي غربي ماهو من بلدها,خطيبها كان واجد متحررر لكن كان حبيب وخفيف دم ,بعدها وبستخاره واستشاره فركشتها


بكل عقلانيه



مسكينه ماله لها نصيب لكن كانت مؤمنه بالقضاء والقدر وانها خيره للجميع .....




ومرت الايام والسنينــــ














ومن هينا تبد الحكايه ركزوا معي




ومرت الايام وسنوات والبنت قامت تكبر وتنضج اكثر والعين عليها تكثر , وجاها من الخير مايعلم لكن الاهل ردو لهم

بالخبر, ماالله كاتب لهم لنصيب ,وراحو هم في طريق ...






بعضهم ربي وفقهم وتزوجو وحضرت وردحت باعراسهم وبعضهم ماتيسرة وهذه حال هالدنيا..





تقدم لها بعدها شاب غريب ,وهذا الغريب كان لها لقا مع أمه, بعدها اعجبت بهالبنيه,


بعد ما ان تشر الخبر عند اقاربها فز واحد من جماعتها يبيها وامها تقدس زواج القريب عن البعيد,


انهت امها امورها مع الغريب وكانت البنت قلبها متولع ع الغريب الا تبيه وهي بعد ماتدري عن اعلومه ولا كيف شكله,


وصارت مخيره بين اثنين, بس امها سدت المجال للغريب وراح في سبيل ..





وهالقريب الي امها استلطفته ,كان خال الخطيب الاولي, في البدايه البنت استقبلتها بضحكه وطنازه ,و قالت :يما فلان

اخبره اصغر مني,وردت عليها وشفيها ماتفرق , هذي فلانه وعلانه متزوجين وازواجهم مسعدينهم وهم نسوانهم اكبر من

رجاجيلهم, قالت يميمتي انا ابي واحد,معدي العشرين ويتبختر ع الثلاثين ,وياملحه لجا شعره يغزو عليه الشيب ,يمه ابي

رجال ناضج ومستريح وصاحب خبره وتجارب ,مهب يقولون خذو الخبر من اكبركم سنا ,وكانت في بدايتها بالموضوع

مستهتره ورافضه الفكره.




لكن حست ان الموضوع بد يكون جدي ,واهلها قاموا ينشدون عنه, وهي بدت تفكر بالموضوع بجديه, وترددت كثير


بعدها ردت عليهم وقالت مانيب مقرره الا على يقين اي بعد الشوفه .




وصارت الشوفه وكان رجال عقله كبير ومنطقه منطق رجاجيل واثق من نفسه وشكله على بعضه حبيب ,تمت

الشوفه ,بعدها بسبوع وافقت ,وحست انه هالرجل بيسعدها, لكن كانت محنتره على عمره, ماودها يكون اصغر منها

وغير كذا شكله يناسب سنه يعني ياليت شكله اكبر من سنه قلنا معليه نمشيها ,مع انه الشاب مليح وجسمه جيد جدا

لما اخطبوها كانت على بالها العرس قريب والخبر الي جاها ان الرجال مستعجل وهي انبسطت بدى الحلم يتحقق وتتزوج


لكن تجري الرياح بما لاتشتهيها السفن..

مرت الايام والبنت تبي تسمع خبر تحديد شي ... ملكه زواج وتحتري هالخبر ,

لكن مر الشاب بظروف صعبه ماديه واسريه .





قامت البنت حست ان الموضوع ماتيسر ,وان وجها القمري, كان وجه شر عليهم لان انقلبت احوالهم الى اسوء, وطالت

الفتره ومرة عشر شهور يحسب عليهم سنه ,والبنت مازالت تصلي وتستخير وتستشير وجاها وسواسها قهري من جديد

الي غزاها قبل موافقتها, وزاد ترددها عن قبل ,البنت تبهدلت ماعد عرفت تقررر تستمر بالموافقه ولا ترفضه ,الموضوع

اعتفس اعراضها كلها تتضح بـ رفضه ,بس لاجات تقررر خلاص ترفض ترجع تتراجع,وتنعاد الاسطوانه من جديد , مع ان

اهلها ماهو غاصبينها بالعكس مخلينها على هواها, البنت حالتها صارت مستعصيه وكل ما تبي ترفضه تذكر الشاب انه

متولع فيها وشاريها ويهديها هدايا ,البنت كل ما ستخارت تشوف الامور ماتيسرت ,وتحس بعدم راحه, وتشعر انها بتخذله

وبتظلمه, اذا تزوجته مع ان الشاب مافيه قصور .,بس هالاحساس ينتابها ., وكلما تذكرت لحظه الشوفه وحست من عيونه

راح يسعدها



ترجع تتراجع ماعاد عرفت لنفسها حل ,كيف تقنع نفسها وترضى به نفسيا, عشر شهور وهي تحاول من البدايه وقبل

الخطوبه انها تقتنع فيه ,مشكلة البنت انها حاطه في بالها مواصفات لشريك حيتها مع ان مواصفاتها جداا متواضعه,


هذي البنت قريبه لي حبيت انكم تحلون مشكلتها لانها بجد تعاني حتى انها عافت الزواج من هالقلق الي جاها..


حتى توصل الامر معها تراجع عن دكتور نفسي يحلل قضيتها الي معاد لقت له حل


كلما ارفضت وقررت بين نفسها حست بذنب وخافت من الغد انها ماتعرس (عادها تفكر بالعرس مؤشر تمام عاد قلبها للعرس)





المهم الشاب مافيه عيب ملتمس اي ملحوظ ,عيبه من ناحيتها انه اصغر منها بسنه تقريبا, وحلمها الي مايفارقها انها تحط راسها على صدر رجال يكبر منها بفرق اعوام يعني 13 ....الخ ,وهذا بعد الي جننها, وماهي قادره تتخيل تتجاوب مع هالشاب ,تحس انها مستهينه بسنه المبكر ,وماتحس حتى انه مخطط لحياته صح, يعني عاده متهور وطايش, مهب محكم باموره ومرتبها صح..

لان خطبها هو ماكون نفسه, كان متامل مع سوق الاسهم بس خسر والله يعوض خساراته ويوفقه, حازنها هالشاب لانه شكله متأمل وفرحان فيها كثير
وتذكرو انها قد سبق وانها رفضة من نفس اقارب هل سيكون الامر جيد حينها...
وهل اهل القيل والقال بمشونها لها!!!!


ها ياجمااااااااااااااعه شرايكم !!!
طولتهاااااااااااااااااااااا وهي قصيره
بس حبيت تتعايشون معها....

وتشفون لها حل.....