اخواني او اهلي في منتداي الغالي

اشكي حالي لربي ثم لكم انا في غربه بعيده عن الوطن والاحباب والاهل

وصار لي سنه ماشفتهم وغربتي اصعب من الصعب نفسه ليس لي صديقات ولا اقارب

مالي الا زوجي وابني وزوجي مااقدر اقوله مشكلتي

مشكلتي امي

لالالالالالالالالالاتهتم بي ابدا ابدا

لااتصال ولا سؤال وهي تدري اني في حاله لايعلم فيها الا العزيز القدير

جيت للغربه وتعبت وحم بعدين ثقل وبعدين ولدت وانا لحالي وانا اقول ماعليش هذا المكتوب لكن وش اسوي اذا امي اغلى الناس ماتسال عني ولاتهتم فيني

وبعد الولاده صار فيني مرارة والمها عذااااااااااااااااب اخر

ابغاها بس تتصل تسال تشوفني حيه والا ميته

تشوف بنتها كيف وضعها يقولون كل مازاد الغلى زاد العتاب وانا والله من كثر مااغليها انتظر منها مكالمه بس..

مايكفيني تعب ؟؟؟؟؟ مايكفيني اني بوحده قاتله لايعلم فيها الا الله

انا والله مااقصر دايم انا اللي ادق واسال عنهم

لكن انتظر مكالمتهم وينهم؟؟؟؟؟؟؟؟ ماكانهم اهلي؟؟؟؟؟ والله اني اكتب لكم هالكلام وانا ابكي من كثر الهموم اللي فيني.....

اشوف انا ام زوجي كل اسبوع تتصل علينا تشوف اخبارنا وتسال عن ابنها وتدعيله

اشوف كذا انقهر ليه امي ماتهتم ؟ ليه ماتسال؟؟ ليه ماتحن علي ابد؟؟؟؟؟؟

الحين صار لي اكثر من اسبوعين مادقيت ولا دقت ولا سالت؟؟؟؟؟؟

ساعدوني اخواني لم اشتكي الا لله ثم لكم................


اختكم .............متغربه

لا حول ولا قوة إلا بالله ..
برايي إذا عندك أخت أو اخ تشتكين لهم ..
وهم بطريقتهم يوصلون الموضوع لأمك إنها مقصرة في حقك ولازم تتصل وتسأل ..

والله يعينك ..

مشكورة حبيبتي بحرينيه على مشاعرك واحساسك وانا اكثر من مره اوضح لخواتي الموضوع وهم يقولون لها

لكن يقول المثل غير جبل ولا تغير طبع

تخيلي يدقون علي خواتي بعدين يقولون هذي امي تبغى تكلمك وتكلمني كانها تكلمني غصب

ابيها هي بنفسها تحس فيني وتدق

عموما مشكوووووووووووووووورة جدا حبيبتي

الله يكون بعونك أختي

بس بودي لو عرفت هل لك إخوة أو أخوات غيرك

وهل تعاملهم نفس المعاملة أم أنتي فقط

وحاولي ياأخيتي عندما تتصلي بها أنا تبدي لها شوقك إليهم ولا تكون مكالمة جامدة بلا معنى

ثم بيني لها بأسلوب ملاطفة وينكم لاإتصال ولامكالمة

قولي لها إنك أخرتي مكالمتك لعلكم تسألون عني أو تفقدوني

قولي لها خلوني أحس بغلاي لو شوي

عموما أختي الغالية إذا لم تجدي إجابة لاتقطعين فيها بالعكس كثري مكالمتك لها لأنك إذا كنتي ماتتصلين إلا مرة كل اسبوعين راح يتساوي الوضع عندها

لكن لو كانت اتصالاتك متتابعة راح تفقدك لوتأخرتي يوم

واحتسبي أجرك على ربك فلن يضيع الله أجرك

__________________

مشكورة حبيبتي الالمعيه انا لي اخوات بس انا تعاملني غييييييييير

لما تزوجت مانزلت منها دمعه وحده

والحين لو تتخيل ان اختي الاصغر راح تتزوج تبكي وما تقدر تمسك نفسها

بس انا اللي معاي كذا انا مااقدر اجبرها على حبي لكن انا بنتها هي اللي جابتني

ليه كذا مو من حقي احس ان لي امي تخاف عليا

تخيلي حبيبتي انه قرروا المستشفى عمليه المرارة وهي لسى مادرت؟؟؟؟؟؟؟


عموما حبيبتي مشكوووووووووووووووورة والله انكم خواتي

الله يفرج كربتك وهمومك اختي العزيزه...

ما لكي غير الدعاء يالغاليه ادعي الله في صلواتك في حياتك عامتا ..

دعاء المظلوم مستجاب.

انت بدورك لا تقطعي اتصالاتك وخليها موجهه لامك وبينيلها شوقك لها وحبك وباسلوب بيني لها انك مشتاقه تسمعين صوتها كل يوم ولا كل اسبوع.

الله يوفقك وفي الختام اقول ما لك غير انك تشكين حالك إلى خالقك وخالقنا جميعا.

الله يوفقك ...............................................

__________________

	"اللهم رافةً بي" .. فانك على كل شي قادر .. ارزقني بالزوجة التي تقر ناظري .. وتسعى في ارضائي .. وتمشي في هواي .. وارزقني اللهم الجنان .. واجمعني فيها بزوجتي واولادي واهلي والخلان .. وزوجني يا ربي بالحـــــــــــــور الحسان .. "اللهم آمين"

مشكوووووووووووووور اخي ظلم الناس والله يكفيك شر الظلم

بس والله صعبه يجتمع همين هم غربه وهم كربه

بادعي ربي ان شاء الله بيفرجها

السلام عليكم ورحمه الله وبركاته


ولا اختى ادعى الله بأنه يحنن قلبها عليك والتمسى لها الاعذار

ومع هذا عاتبيها وصارحيها

والله يعينك يارب

الله يعطيك العافيه

لك فائق احترامى

مشكووووور اخي على مرورك واسال الله ان يحنن قلبها علي

اختي متغربه
اكيد حصل بينكي وبين امك فجوه من قبل ان تتزوجي وهذا ما جعلها تحمل في قلبها الى الان ليس كل الناس تنسى وربما والدتك من النوع الذي لاينسى بسرعه
حاولي ان تتذكري اي شيئ حصل وكلميها اعتذري منها واطلبي رضاها عنكي
وحتى لو كان ردك انه لايوجد شيئ قد حصل فأنصحكي بان تتوددي لها وتطلبي رضاها عنك باستمرار وتبينينا لها شوقكي لها ولهفتكي على رؤيتها ان شاء الله سيرق قلبها عليكي فهي اولا واخيرآ ام ادامها الله لكي دائمآ