انا متزوجه من سبع سنوات و توني والده بنتي الثالثه والحمدلله صار لي شهر ونص بس الي لاحظته في زوجي مؤخرا انه صاير دايم الانتقاد لي !
يعيب علي شكلي وجسمي تخيلوا يقول لي هالاكلام وانا بشهور الحمل الاخيره اكيد بيكون جسمي منتفخ!
ويعيب على بشرتي ويقول لي ليش لون ايدج اسمر من وجهج وغيرها من التعليقات البايخه
ويعلق على لبسي انه مو ماركات!! واني اروح الاسواق الشعبيه وهو يبي زوجته كشخه علشان يكشخ فيها جدام الناس!! ومن هالكلام الي يفور الدم
والافظع من هذا ان قام يشتكي من الجماع ويقول ل قمتي ما تعرفين!!
ويقول لي تعليقات بايخه اخجل من اني اذكرها بس صاير على طول ما يعجبه شي
وفي مره كنت اسولف معاه بين لي بصراحه ان الزوجه الي يزيد وزنها بعد الزواج تعتبر خاينه ! ويحق لزوجها يخونها!!!
انا وايد انصدمت من وجهة نظره لانه عارف ان زيادة وزني بسبب الحمل والولاده
انا مو مهمله نفسي وحريصه على نظافتي وترتيب مظهري جدامه حتى لو ما كان لبس غالي بس نظيف ومرتب وتوني مسويه نيو لوك بعد الولاده وشاريه تجهيز كامل مثل العروسه كل هذا علشان اعجبه بس للاسف شفت منه العكس
وصاير ما يفكر الا بنفسه وبكشخته وطوحاته الوظيفيه وقاط على راسي كل المسؤوليات !
وانا خوفي كل الخوف انه يكون ناوي على نيه مو زينه لان اعز اصحابه توه متزوج الثانيه واخاف ان هذي مقدمات علشان يسوي مثل صاحبه!!
انا وايد خايف ومنصدمه بنفس الوقت
ساعدوني احافظ على زواجي

أختي والله مدري وأش أقول لك من كلامك أنك مومقصره معاه بس أتمنى من ألأخوه أن يفيدك خاصة الرجال لانهم أدرى بأنفسهم


الله لا يفرق بينكم وجعله قرة عين لك

أختي العزيزه ليه ما تشترين من الماركات الي يحبها انا لا ادعوكي لتبذير لكن لو شريتي لك قطعتين ان شاء الله ما بكون فيهم تبذير بعدين اصبغي شعرك وقصيه وشوفي النتائج واشتري جهاز رياضه خلال شهر بتكوني ملكه جمال بشويت تغيرات وبتغير شكلك هم هيك الرجاجيل يحبون يشوفون زوجاتهم كل يوم شكل غير الله يعينا على ارضائهم وابحثي بالمنتدى عن ليله رومنسيه واعمليها بعدا عن الاطفال وشوفس النتائج اتمنى لك حياه سعيده مع زوجك

__________________
سبحانك اني كنت من الظالمين

زوجج يبيج تغيرين شكلج

اختي الغاليه

هذه ليست تنبيه للخيانه بقدر ما هوتنبيه للاهتمام بنفسك

هناك جوانب افتقدها فيك كنوع لباسك وطريقهاهتمامك بنفسك فحاولي تلبين طلباته واشتري الماركات واجعلي الاهتمام بنفسك والتجديد شغلك الشاغل وان شاء الله تتصلح الامور

يمه منهم الرجااااااااااال !!!!!!!


هذا تعليقي وكــــــــــــــــــــــــــــــــــــــفى!!!!!!!! !!!!!

__________________

عزيزتي اذا زوجك حاط براسه انه يبغي يتزوج بثانية ... والله لو شو سويتي راح يتزوج ... واحتمال شكك بمحله ... انا اشوف انك توقفي كل هالتفاهات اللي زوجك يسويها وتصارحينه .. تقولينله اختصر وجيب من الآخر .. شصاير فجأه صرت مو عاجبتك .. صارحني

عزيزتي خلك صريحه معاه واتمنى انه ايضا يصير صريح معاك ... اكره شىء لما تعيشون تحت سقف واحد وبينكم الغاز ونوايا خفية ... حتى لو كانت صراحته قاسية مثلا لو صارحك برغبته في الزواج من ثانية .. احس كثير اهون من انك تعيشين معاه في حيره وقلق

__________________

كفاني عزاً أن تكون لي رباً ... وكفاني فخراً أن أكون لك عبداً