السلام عليكم و رحمة الله

هذي اول مشاركة لي و اتمنى انكم تساعدوني

مشكلتي ان لما زوجي بغى يجامعني جماع كامل(اقصد الايلاج و فض الغشاء)
من اول ما حاول يدخل حسيت بألم و قلت له يوقف ما اقدر...
و حاولنا مرة ثانية و نفس الالم
و مرة ثالثة ...بس هالمرة مسكت نفسي و استحملت..بس كان الالم فظيع....مثل لما يكون فيني جرح في جدار المهبل
طبعا صارت مرات حاول يجامعني و يدخل..بس لاني اكون متوترة و ماخذة على نفسي ما قدر بالمرة يدخل لاني اكون خايفة
و مثل ما قلت لكم ان لما عطيته المجال..صرت اتألم ..و نزل دم قليل جدا

و لما رحت للدكتورة انها تكشف علي..قالت لي ان ما فيني شي..و ان هذا الالم هو نتيجة الدخول و ان المنطقة عندي رقيقة و حساسة عشان جذي انجرحت..و قالت لي ان بعد فترة ان شاء الله راح يصير كل شي طبيعي و ان هذا شي يصير عند اغلبية النساء
بس من اللي اقراه انا في المنتدى..ان في الحالات الطبيعية ..عملية الجماع تكون سهلة و ما فيها اي آلام

فانا خايفة من محاولة الجماع مرة ثانية .اخاف تفشل..و هذا الشي يأثر على زوجي

احيانا اقعد افكر و اخاف اني اكون مسحورة

فهل اللي يصير لي شي طبيعي و لا انا فيني شي غلط؟؟؟

بليز طمنوني