السلام عليكم أخواني وأخواتي وكل عام وأنتم بخير وعساكم من عوادة....
ماأطول عليكم ...سالفتي هي أني متزوجة من7 سنوات وعندي بنت وولد وحامل بالشهر التاسع عسى الله يرزقني بالذرية الصاحة وكل وحدة حامل ...
مشكلتي مع زوجي ماأقول كبيرة بس مسببتلي ألم وكآبة وملل وبعض الأحيان أفكر بالطلاق كل هذا بسبب إهمالة لي ولعيالة يعني مو متحمل مسؤليتنا على الإطلاق عايش وكأنة عزوبي للحين ...بس يبيني وقت الليل وهذا مسببلي إهانة ...
كذا مرة أفكر بالطلاق وأزعل وعمري ماشكيت لأهلي علشان مايأخذون منة موقف ويزعلون إلا قبل 20 يوم تقريبا ظلمني وسبني وخلاني مقصرة بكل شيء مع اني ويشهد علي ربي ماقصرت معاه طول هالسنين مقعدتة على كفوف الراحة بس للأسف مانفع ....ويقول مأحب أحد يتدخل بخصوصياتنا وهو موقادر يغير من نفسة ولو فترة بسييطة ...بعدها طفح فيني الكيل وكلمة الوالد وقعد يصبرني ويقول ماعلية هذا شيء طبيعي وبيتغير يعني أبوي ماعطاني حل لأنةمستحي يكلم زوجي وأنا صراحة مليت منة لأن ماني حاسة أني متزوجة إلا بشيء واحد اللي ذكرتة لكم في البداية...
الحين أكتبلكم والساعة 2 بعد منتصف الليل وللحين مارجع مع أصدقاءة اللي طيروا عقلة بأفكارهم السودة ....
مع العلم أني والله ما أمدح نفسي جميلة و خلوقة ودينة ومدرسة وبنت أصل وفصل وبغى يموت لو ماأخذني وعلى فكرة أنا من دولة وهو من دولة بس كلنا من الخليج ..يعني ضحيت بأهلي وديرتي علشان أحصل بالأخير على واحد يحبني بس لللأسف...( طبعا أبوي اللي مزوجني ماتزوجت دون رضاهم بس أوضح كلمة ضحيت)


شوفولي حل وآسفة طولت عليكم هذا من حرارة مابقلبي....جزاكم الله خير