السلام عليكم .........
راح ادش بالموضوع على طول. بصراحه بعد ما طحت على زوجي أكثر من مره , وجربت كل الطرق ألي بالدنيا عشان يرجعلي نفس أول و ماكو فايده ( وقولون المره ليش تخون) , قررت أغير تعاملي وسلوبي معاه من جميع النواحي حتى الصغيره , مو عشانه ! عشاني أنا مابي أنصدم من ردت فعله وحتر زياده.
فقررت أني ما أحتفل معاه بولا مناسبه (مع أن قلبي يفرفر من داخل لأني أموووت على هالسوالف )
ذكرى زواجنه الثاني ياي بعد أسبوع ! بحقره عشان يحس أني تغيرت , يمكن جذي أبدي ألفت أنتباهه
بس أخاف أنصدم فيه وكون هوا بعد حاقرني ؟؟مادري شسوي أنا وايد وايد تعبانه نفسيا !!
جربت كل الحلوول , زوجي تعبني وايد لدرجه أني مرات أنهار وفكر أني أطلع أركظ بالشارع من ألي فيني
أبي حل يساعدني أنا , مابي أفكر فيه , لاتقولون أحتفلي لأنه تعبني وايد وايد ولا أبي أكلمه وأذا طاف اليوم وسوا روحه ناسي راح أنا بعد اسوي نفسي ناسيه , لأنه سوا جذي بمناسبات طافت ولما شافني ناطرته و كاشخه ومزهبه الهديه يقول بكل برود ( سوري حبيبتي ناسي اليوم جم التاريخ؟ ومايبتلج هديه )

* لا تضعي الخيانه امام عينك فإنها طريق للهلاك في الدنيا والاخره.
* إذا تبينه يرجع لك مثل أول انتي بعد إرجعي مثل أول واحسن يمكن انتي ما صرتي تثيرينه انظري الى نفسك ملابسك ,مكياجك ,نظافتك وخاصة في الفراش لعلك تغيرتي وانتي لا تعرفين ابدأي بجلسات محاسبه وانظري في نفسك.
*
*بالنسبه لاحتفال زواجك ذكريه بورقه او رسالة موبايل لعله مشغول في عمله او عنده بعض الهموم تنسيه هذا اليوم فأقول لكي لا تخربي على نفسك وافرحي انتي وزوجك.
* أرجوا بأني وفقت بالرد عليكي.

__________________
أحبابي إتبعوا شرع الله فإنه الخير

ايه والله انك صادقه احنا يالحريم نتحمس ونجهز ونشتري وقمه الرومانسيه وهم يجون بكل برود ( والله نسيت ) والله العظيم شي يقهر ويطفش انا نفس حالتك بالظبط اللهم انه يزيد عليها انا ماحب هالحركات خخخخخخخ
وبالعكس انا بالنسبه لي مره مهتمه فيه وفي نفسي بس مافيه اي فايده الله يعيننا بس

لا يضيق صدرك ولا شي وان ضاق روحي بكل بساطه للخياط عشان يوسعه ههههههههههه
امزح لا تزعلين والله انا مثل حالتك واحترت معاه وبا الاخير تعبت من ها السوالف اللي تكلفني ماديا وبا الاخر ما يقدرها والظاهر اني با بطل ها السوالف لان زوجي مايقدرها واغلب ها الازواج نفس الشي

__________________

ســـــــكــــــــرتيـــــره الحـــــــــــب

اغلب الرجال لا ينتبهون لهذه الاحتفالات و المناسبات ...فلا تكبرى الموضوع

وحدة من صديقاتي كانت مثل معانتك وعانت سنوات لكنها صارت تطنش وتحاول تشوف لها اهتممامات ثانية مفيدة وما تخلي كل اهتمامها في زوجها يعني تهتم لكن مو مثل أول ..
ثاني شيء الاحتفال بعيد الزواج بدعة أقسم لك بالله يوم تركت هالبدعة الله سبحانه أصلح لها زوجه من أول سنة تركت فيها هالبدعة أتركيها لله وادعي الله انه يسخره لك
الله يوفقك

__________________

العابد لله ......إذا الزوجه مش مقصره مع زوجها....ودايما تكون حريصه بأن ترضي زوجها لدرجة إنها دايماً تسأله هل أنا مقصره في شئ؟ دخيلك قولي يمكن غاب عن بالي شئ أو سهيت عن حاجه....فيرد عليها با بنت الناس إنتي دايما تعجبيني وما أبيك تعملي زود ..............ومع هذا يخون!!!
فشو الحل؟


عزيزتي.... قلبج دايماً بيعورج بسبب هذي الخيانه بس ماعليك غير (الإستغفار).......أما بخصوص المناسبات فتوقعى كل شئ منه (توقعي الشئ السلبي) لأنه إذا فعلا نسى فبيكون تأثيرها على نفسج أقل لأنج متهيئه... أما إذا فاجأج فبتنفجرين من السعاده!

الإستغفار ساعدني كثير!

__________________
[FONT="Arial"]

أربع خصال من الجهل

من غضـب على مـن لا يُـرضيه
وجلس إلى من لا يُدنـــيه
وتفاقر إلى من لايُغنيه
وتكلم بما لا يعنيه

[/FONT]

أيش هالرجال الباردة ألللللللللللللللللي ماتحس وكأنهم من كوكب ثاني مانعرف عنا شىء
شو رأيكن نعمل عليهم أنقلاب.....
وأنتجاهلهم هم بعد.

الله يكفينا شر الخيانة

حسبي الله على كل خائن