كثير من الاوقات فكرت اكتب الي حاسته حتى ارتاح لكن من بديت اكتب حرت منين ابدي لان حياتي كلها عتمه وافكاري راح تقتلني بس المنتدى المكان الوحيد الي اكدر احجي بيه الي احسه ما اطولها عليكم قصتي هي اني قبل فتره توفى زوجي بحادث مولم و وفاته حيل دمرت نفسيتي بس الي ديدمرني اكثر هو احساسي اني ممكن اكون سبب موته لان على الرغم من حبي الكبير اله بس كنا على ابسط المناقشات نتخاصم فا اتوقع انه رب العالمين حرمني منه لانه ما احمدت الله على وجوده بقربي والتهيت بالمناقشات يعني احس انه موته عقاب الي لانه ما انتبهت كلش للنعمه الي انطانيها رب العالمين على الرغم انه بعد كل مشكله الاحظ انه احنا نحب بعض وبقوه المهم تتوقعون انه صحيح اني ممكن اكون سبب موته [IMG][/IMG]