السلام عليكم بالرغم من وجودي بالمنتدى الا اني لم اكتب مشاكلي ولا مرة بس هل مرة احسسسسسسسس بنفجر

انا طبعا كما تعلمون عراقية ولكني مغتربه باحدى الدول العربية معضم حياتي انا ساكنتها بالخارج وما عشت بالعراق الا سنتين تزوجت من شخص عراقي طول عمره عايش بالعراق وكان له 3 سنين مغترب يوم تزوجن

راح تكولون وين المشكلة المشكلة انه شديد التعلق باهله (حلو ما فيها شيء) اهله ناس طيبين وبسطاء وطول عمري حاط نفسي بالمرتبه الثانية بعد والديه لان هم اولى والان صارو خواتو اهم مني وكلن يالة ما دمت انا بعيدة ماعليه

مشاكلن عادية كاي زوجين بس دائما احس زوجي يضايق يوم يشوفني مستانس واحلف يمين ما في مرة رحت على فرح اذا ما رجعت للبيت ونكد علي و بالغصب يخليني اروح على العزايم (طبعا فرحين بالسنة و اذا عزيمة كل شهرين اكول كثير ) المهم امس عل نت كان يحكي معهم وهو يحاول يقنعهم بالخروج من العراق وهم رافضييييييييين ومنطقتهم سيئة جدا (الرمادي) و متكفل زوجي بمصاريفهم و لو طلعو للخارج يكون هو ايضا متكفل فيهم بس مو هذه المشكلة (مع العلم هي سبب رئيسي لمعضم مشاكلن بس مو هذا موضوعي ) نرجع على الامس كان يكلمهم فقلت له شفيك شكلك متضاييق قال والله اهلي تعبانين قلت الله يعينهم فيرد علي ويكول هم يكلموني وانا اكول شوفي هذه ....(انا) وعيالها مرتاحين واهلي تعبانين[/SIZE] طبعا انا انجنيت وحسيت بقهرة موتتني يعني ترك نفسه وترك كل هل ناس البرة و بس انا المرتاحة ومن اناقشه واقول له ليش ما تروح انت يكول ما روح بروحي انت وعيالك لازم معاي اقوزل له تدريني اخاف وشلون اعرض عيالي للخطر يكول خلاص مو اهلي عايشين بتعب لازم كلن نعيش بتعب ماعرف هل هذا منطق هل معقولة في انسان مستعد يعرض اولاده للخطر علشان هذا السبب زين هم لهم خيار الخروج بس رافضين انا شنو ذنبي بصراحة مقهوووووووووووووووووورة قهر ماعرف شسوي واحس نفسية هينة عنده جداااااااااااااااااااا وعيالي (على رأيه مو غالين عليه

هلا بالفلوجة
أختي لا تفكري هيك هو بس ما عرف كيف يعبر عن الي جواته مثل كل هالرجال
وما في أب ما يحب أولاده
إنت ساعديه لتمر هالفترة بخير و إسأليه كثير عن أهله وأحبابه
والله الي نشوفه بالتلفزيون منه هين فأعذربه خيتو ولا تدققي كثير في كلماته
والله يحرر العراق


أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

والله غريبه حالة زوجك
الصراحة قطعتيلي قلبي عليك
ما اقدر اقول غير الله يعينك ويصبرك عليه ويهديه ليك
عليك بالدعاء

هلا اختي والله دائما اسأل عنهم وانا احدثهم واذا اسمع صاير شي بمنطقتهم اروح اطمن من ورة ضهره وبع ما اطمن اجي اقول له وانا اتوسل بيهم علشان يطلعون وهو يعلم بهلشي بس مادري شنو قصته عياله اكيد يحبهم بس على رأيه احب ولد اخوي واختي مثل ما احبهم وشمعن هذوك عايشين بتعب وعيالك مرتاحين اقلك منطق غريييييييييييييب عمري ما سمعت به

اي والله غريبةةةةةةةةة سلامة قلبك اختي
تتصدكين امس اسأله انا وعيالي (على رأيه ) باي مرتبة مخلين يكولي امي وابوي اولا (طبعا هذا لا اعتراض) وبعدهم اختي وانتو تجون وراهم

والله نفسي اهد له البيت وخلي يحس بقيمتي

ليشششششششششش محد يعطيني رايه

يا اختي انا عراقية مثلك وعشت 20 سنة في العراق قبل ما نهاجر الى الخارج وكانت حياتنا في الوطن حلوة من ناحية كون الوالد مهتم بينا ويحبنا وكانا عايشين بنفس المستوى المعيشي اللي اهل الوالد عايشين بيه يعني بيننا وبين عمومتنا محد احسن من حد

بعدين هاجرنا الى دولة عربية بس كنا دائما نتابع اخبار العراق اول بأول ولما كنا نسمع خبر سئ كنا على طول نتصل ونسأل عن الاهل

لكن المشكلة ان والدي في الغربة تغير حاله صار نفس زوجك تقريبا

والدي اللي كان في الوطن ما يبطل عزايم وطلعات وسفرات واللي كان مهتم بثيابه واناقته وشكله واللي كان يوصينا نلبس ونتشيك واللي يخطط للطلعات والفسح صار في الغربة انسان ثاني اهمل نفسه ولبسه وصار ما يطلع من البيت الا للشغل وما يسمح لنا بالخروج ولا يسمح ان نعزم حد للبيت ولا ان نلبي عزيمة وفي الاعياد الكل يطلع ويعزم وينعزم الا احنا ولما كنا نسأله عن السبب كانت الاجابة اللي دائما تجي هي نفس الاجابة ( اشلون انتو هنا تعيشون حياة كلها افراح وطلعات وعزايم واهلنا في الوطن عايشين حياة الموت والدمار ) ( مثل ما اهلنا عايشين غادي حياة الموت والكأبة انتم ايضا لازم تعيشون نفس الحياة ) (انتو مو احسن من ابناء عمومتكم حتى تنعمون بالحياة السعيدة وهم غادي معرضون للموت في اي لحظة )

صدقيني اختي انا لو ما كنت عارفة والدي وشلون كان عايش في الوطن كنت راح افكر انه انسان نكدي وما يحبنا بس لا هي حالة نفسية نصيب الرجال بالدرجة الاولى خلاص يحرم على روحة وعلى عائلته الحياة لان اهله مو بخير وانا بتصوري ان الحالة هذي نتاج شعور بالذنب لانه مش قادر على تغيير حالة الوطن او حالة الاهل طبعا هذا رأيي الشخصي اللي ممكن يكون خطأ ايضا

اختي ما اقول غير الله يعينج ويعين الجميع ترى كلنا مرينا وبعدنا نمر بيها ما لنا غير بس الدعاء ان الله يفرجها ويهدي النفوس ويزيح هالظلمة عن الجميع ان شاء الله

والله الحزن بالقلب مو بالتصرفات ......

من فينا ما فقد عزيز وغالي عليه ...... من منا أهله ما عندهم مصايب .......

في قصة عن لقمان الحكيم ..... لما جاءه الأجل واقتربت منيته وأحس أنه مفارق لهذه الحياة بعث إلى أمه وقال لها اعملي وليمة كبيرة واعزمي عليها كل بيت لم يدخله حزن ..... أمه لفت القرية كلها فلم تجد بيتاً لم يدخله الحزن .... كان يريد يوصل لها حكمة أن ما فيه بيت ما دخله الحزن في هالدنيا وبالتالي عشان يصبرها اذا مات .....

يا أختي لازم تفهمين زوجك أن الله لما يحب مؤمن يبتليه بس عشان يصبر ويحتسب الأجر ويحمد الله في الضيق قبل الفرج .. الحرب الغربة الموت الفقر الحرمان من الذرية المرض كل هذه المصائب ليست تعني نهاية العالم ...

ليه ما نغير نظرتنا للدنيا الدنيا ليست دار بقاء كلنا بنموت وكلنا بنروح بس مو معناته ننسى نصيبنا من الدنيا نستمتع فيها على قدر ما هو مباح لنا وبقدر ما قدره الله لنا ..... ونفكر بالأخره بدار البقاء ....

لازم يكون إيمان زوجك أقوى من كذا بكثير والبعد عن الأهل ليست نهاية الحياااة وخليه بدل ما يظلمك أنتي وعياله يدعي لأهله يقوم الليل عشانهم عسى ربي أن يفرج كربتهم .....

آسفة على الإطالة ..... والله يفك كربت كل مسلم

__________________

والله اختي اني مقدرة وضع العراق واموت باليوم مئة مرة على الي يصير و هم اهلن هناك بس شنسوي كل واحد ياخذ نصيب يعني مو المفروض نكول الحمد لله ان الله نجان من ذاك الوضع واكيد انت تعرفين احن هنا نكدر نساعدهم اكثر منما لو كنا هناك

ماما شلون متعاملة وية الوضع شلون متحملة نوريني بلكي الله تعرف احسن مني

والله اقول له هذا الكلام يقلي طبعا انت اهلك عندك وما حاسة بلي هناك وصدقيني ما يكلمني صار له يومين لان زعلان على اهله وكأن انا السبب وطبعا انا من النوع الي صبري قليل و متأكدة راح انفجر قريبا والله يستر