كل سنة يطلع مرض جديد – انفلونزا الطيور – الحمى القلاعية – الإيدز ال................

وجهود وأبحاث ووزارات ومضادات .......

لكن في مرض منتشر ومضر والمشكلة انهم مكتشفين المرض من زمان ..
طيب المصابين كم : ( مليون ونصف المليون ) + انا

طيب وين الوزارات الصحة والتعليم وخدمة المجتمع ووووووو

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

نبغى مضاد للعنوسة الفتيات

طيب اخصص البنات لانو انا منهم واحب اتكلم بلسانهم احب اوضح امور واشرحها ....

البنت تبدأ تخاف من عمر 22 تخاف من العنوسة ، البنات اللي حولها يبدؤون يتزوجون ...

تبدأ تسأل ليش ومتى ؟

وتبدأ مراحل المرض على مراحل :

1- اكيد انا فيني سحر ، مس ، عين ..

تروح لراقي ( الله يسامحه ) يعطيها زيت ويقول هذا ب (((((())))))) ريال لانه
مستخلص ( ركزوا على مستخلص ) من ............
وحبيبتي هالبنت ( بنت حلال ) ما انتبهت على كلمة (مستخلص ) واشترت وما في نتيجة غير الصبر على المصائب

2- تتعلق بالمنامات ..
تشوف انها تاكل تفاح ، تدور على رقم مفسر ( يقول لها المفسر الله يدخله الجنة ) انو التفسير ( لازم تتقي الله ) وبس ... صراحة التفسير دقيق جدا ...
في بنت ( بنت حلال مرة ( بس مو- انا - وحدة ثانية ) قالها المفسر انو الحذاء في المنام يعني ( الزوج ) طبعا على حسب نوع الحذاء ..
( بنت الحلال اللي هي مو انا ) حلمت ثاني يوم انها بسوق جزم ( نعال ) لكن ما لقيت جزمة على مقاسها ( صحيت من النوم تبكي )

العذر والسموحة لكل الرجل انتم على راسنا ( بس المفسر قالي كذا )

3- تقول في نفسها بنت الحلال هاذي لازم اروح ( الأفراح ) حتى يشوفوني الناس ونلاقي عريس ..

بنت الحلال تروح متزينة ماشاء الله واخر حلاوة ، تلاقي الحريم أخر وقاحة
( يؤ يؤ انت بنت فلان ؟ ما توظفتي ؟ )
( يؤ يؤ انت بنت فلانه ؟ ما اتزوجتي ؟
يا حليلك لين الحين ؟ بشكلك ما تغيرتي ؟
( يؤ يؤ انت اللي اختك اللي اصغر منك اتزوجت قبلك وجابت بنتين )

( ترجع البنت مخنوقه من الزواج وخلاص واصلة حدها .


تقول ايش تفتكر ايام زمان ( قبل ما اختها الصغيرة اتزوجت قبلها وعندها بنتين ههههههههه)

تفتكر انو جاها عشرة خطاب :

الاول _ اترفض لانو ( ما عنده دين ) ما سمعت يا ولي امري :
أقولك ما عنده دين .
!!!!!!!!!!!!!!!!!!!!!!
((( ليش في سعودي ما يشهد ان لا إله إلا الله محمد رسول الله ))
مستحيل ( قول مايصلي ما يصوم مقصر لكن ما عنده دين ( حرام هالكلمة والله )

طيب الإستقامة شيء مطلوب ، عذر مقنع ، بعدين لسى انا صغيره (22) والعمر قدامي ....

الثاني / ما عنده وظيفة / يعني مستقيم دينيا ( عنده دين ) / أقولك ما عنده وظيفة
طيب يا ولي امري ( خذوهم فقراء يغنهم الله )
اسمعي يا بنتي / اختي ( حسب ولي الامر ) لازم وظيفة حكومية اقل شيء دخل يدخل عليكم وعن الناس يغنيكم ..

لا والله انا مقتنعه باخلاقه ، بس ممكن مو نصيبي لسى انا صغيره (23) والعمر قدامي .....

الثالث / عنده وظيفة وعنده دين / الحمد الله ( من يقول الزين ما يكمل حلاه ) إيوه يا خالد الفيصل الزين ما يكمل حلاه لان ولي الأمر يقول ( اختي او بنتي مستحيل تخرج خارج المدينة وتبعد عننا ( نحبها ما نقدر تبعد عننا ) ..

يا ولي الامر عنده وظيفة ودين خلاص ايش تبغى / قال ايش قال ( نحبها ) ..

مو مقنع العذر وانا عاجبني خاصة انو مواصفاته حلوه جدا ،

بس لازم اطيع ولي امري هو يعرف الخيرفين ، بعدين لسى انا صغيره (24) والعمر قدامي .....
اقول مو صغيرة يعني وسط ..

الرابع / عنده وظيفة وعنده دين وبنفس المدينة / يا سلام ثلاثة صفر لصالح البنت :14:
ايش صار ؟

والله الحقيقة هو ( مو قبيلي ) ايش يعني ؟

يعني انت بدوية قبيلية وهو لا ...
ما فهمت يا أخوي او ابوي ؟
كل المواصفات تمام بعدين اهم شيء سعودي يعرف عاداتنا وخلصنا..

طيب انا ايش ذنبي وصل عمري ( 25 سنة ) وانت من فين تبغاني اجيب لك واحد قبيلي ..

اقول ممكن نصيبي لسى ما جا بعدين لسى انا ( صغيرة ) والعمر قدامي .....


الخامس / عنده دين وعنده وظيفة وبنفس المدينة وقبيلي ،،،،

يعني اكيد الزواج بعد كم شهر وننستر ؟؟؟

لا .

ليش ..

مطلق عنده بنت او ولد او ارمل وعنده بنت ولد

طيب القاضي راضي

قلت لا

الأرمل بكره ( تموتين ناقصه عمر ) ؟؟؟ كمان تربين اولاده ؟؟؟؟
المطلق بكره يرجعك لنا ؟؟؟

يا ناس تعلمون الغيب انتم ؟؟
بالعكس يمكن المطلق يسعدني لانه شخص مجروح وانا بحبي له راح انسيه جروحه وادا على اطفاله انا امهم ان شاء الله

والأرمل نفس الشيء ..

قلت لا ..

طيب انا عمري ( 26 سنة ) مو صغيره والعمر قدامي

الحلم اللي شفته صح ( ما لقيت حذاء على مقاسي )
او يمكن لازم ارجع للراقي .

ــــــــــــــــــــــــــــــــــــــــــــــــــ ـــــــــــــــــــــــــ
او يمكن لازم اصلي ركعتين لله واقول يا رب انت اللي خلقتني وانت اللي ترزقني انت اللي ترحمني وانت اللي تكرمني ، يارب كون انت ولي وانت ناصري ولا تولي على احد من خلقك ..


كتبت كلماتي بشيء من السخرية ، لأن كلامي صادق بكل ما تعنيه الكلمة ، ولكن احببت انا ابدا معكم بموضوع معروف لكن بإسلوب يؤثر في قلوبكم ..

فأجد منكم كلمات جميلة ، ووجهات نظر معقولة ، ودعوات صادقة ، وحلول عاجلة ....



تحياتي واشواقي لكل من قرأ عبارتي ، عليك بالدعاء لي في الصلواتِ