هلا اخواني و أخواتي..

صارلي قترة ما كتبت في هالمنتدى الجميل ...السموحة

المهم.يوم حصل الطلاق بيني و بينه انا اللي طلبت الطلاق لأسبااب عديدة...
المهم....صادف ان طليقي تزوج وحده من الأهل و يصادف اني دائما أشوفها في جميع المناسبات..أقصد الأعراس و الأعيااد .الصراحة أنا يوم أشوفها أحس بالخنقة و الضيق الشديد و أحيانا الحزن و الندم ليش تركت طليقي.يوم أشوفها أحقد عليها و أكره الساعة اللي شفتها فيها..
انا ما بيني و بينها اي احتكاك و كما سمعت البنت طيبة و ما عليها كلام ...
..يوم أرجع البيت أسال نفسي أسأله كثيرة ليش احس بهالمشاعر.. ؟؟أنا ما عدت أحبه نفس أول بس بعد ما نسيته..و هاي فالنهاية زوجته و أم عياله ..فانا ما اعرف ليش صراااحة تنتابني هالمشااعر و انا ما أردي احقد عليها لانها مالها ذنب..استغفر ربي دائما على هالافكار بس المشكلة انه هالافكااار تعاودني كل ما أشوفها..
ما أريد قلبي يكون حاقد عليها..و خلاص اصلا العلاقة انتهت من زمان بس أحياانا أندم على القرار اللي اخترته و اتمنى لو اني صبرت على ظلمه و ظيمه أحسن ما اكون مطلقة مع عياال.

لا تفهموني غلط .قد تكون مشاعري طبيعية و تحس بها اي مطلقة ترى زوجة طليقها الجديدة بس أنا أدري انها مو طبيعي بل بالعكس مشاااااااااااااااعر قد أحاسب عليها عند رب العالمين..

السموحة ....بس لا تفهموني غلط

__________________

من أجــــل غدا أفضــــل

( سبحان ربك رب العزة عما يصفون و سلام على المرسلين و الحمد لله رب العالمين)