السلام عليكم ورحمة الله وبركاته

اخواني واخواتي احببت اليوم ان اعرض عليكم مشكلة اخوي بعد ان فشلت في مساعدته واتمنى

منكم الاهتمام والمساعدة برأي او حل

باختصار امي حلفت اخوي انه يتزوج بنت عمي علما بأنه هو المسئول عنا بعد وفاة الوالد وانا اصغر منه

وتزوجت قبله المهم القصة ان تبعا للعادات القديمة التي تعود عليها آباءنا واجدادنا انهم يخطبون او يختارون

العروس للولد وهم صغار يعني يقولون ( فلانه لفلان ) الى ان يكبرون ويزوجونهم حسب الوعد متجاهلين

مشاعرهم وآراءهم واخوي طاح في هذي الورطة كانوا مختارين له بنت عمي والحين بعد ما استقر يبونه

يتزوجها والمشكلة ان اخوي يحب وحدة من بلد خليجي غير بلدنا ويموت فيها ويبي يتزوجها لكن ما يقدر

يتركنا ويروح لانه مسئول عن العائلة ومن 4 سنوات وهو يأجل ويخترع اعذار علشان ما يتزوجها وصارح

الوالدة وقال لها انه ما يفكر فيها لكن كثر الكلام وقاموا بعض الاقارب يتكلمون عليه في المجالس ويقولون

انه ( شاذ ) علشان كذا ما يبي يتزوج وهالكلام بصراحة يطعن ويهين رجولته فحلفت امي اخوي انه يملك

على بنت عمي الخميس يعني بكرة واخوي منهااااااااااااااااااااااااااااااار ومو عارف شو يسوي وحاس انه

بيظلمها معاه وقلبه متعلق في بنت ثانية اللي ساهمت بشكل كبير في تعديل سلوكه وتصرفاته الطائشه

ولم يلتقي بها ابدا مجرد كلام في الجوال ونواي بكل صدق انه يتزوجها ارجوكم ايش الحل برايكم ؟؟

وشكرا لكم

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني