بعد اعصار جونو خسرت حب زوجي
السلام عليكم
بعد غياب طويل تحسنت علاقتي مع زوجي فما حسيت بالحاجة للعودة ولكن اثناء انتظارنا للاعصار
جاتني حالة خوف شديد وهستيريا وسمعت زوجي كلام بسبب اصراره ان نبقى في البيت والبيت من ضمن الاماكن الغير آمنة حسب كلام الشرطة
وبعد ما وافق وطلعنا حسيت انه ما مهتم وما خيف عند فترة الاعصار ويطلع بالسيارة ويرجع وانا ميتة من الخوف عليه وعلينا وبدأت بحوار عنيف معاه المهم فهم شعوري تجاهه ذيك اللحظة اني ما احس بالأمان معاه وأنه ما يقدر يحميني
المصيبة الأكبر هي أنه بعد الاعصار طلبت منه يترك التدخين خوفا من اعصار ثاني وسمعني اعلم عيالي ان لازم ما نسوي ذنوب عشان الله ما يرجع الاعصار ولما يسألوني مثل ايش اعدد لهم الاشياء ومن ضمنها التدخين
هو أخذ في باله اني أشوه صورته قدامهم بس أنا ما قصدي
الفكرة اني بدون قصد عطيت زوجي انطباع اني ما اثق فيه وانه مو قد المسؤولية وان وجوده ما يعطيني الاحساس بالأمان وأنه سبب الاعصار بسبب التدخين و سابقا بسبب الخمر اللي تركه من شهرين فقط
كل ما أحاول اصلح الموضوع ما يقتنع ويحس ان شعوري الحقيقي طلع بسبب الخوف وان كل اللي اقوله الحين مجاملة فقط
ايش اسوي
احنا ننتظر اعصار ثاني اشد بعد ثلاث ايام
اخاف اخسره نهائي لاني بدأت أخاف كثير