بنتي كملت شهرها الرابـ4 ـع أمس ودخلت في الشهر الخامــ5 ـس


بس مشكلتها أحس أنه فيها رخاوه شوي يعني ماتعرف تمد يدها للعبه ولاتعرف تمسك يعني

مسك عشوائي ..وحتى راسها يعني يمكن تجلس 5 دقايق رافعه راسها بس فجأه ترتج

انا كنت عادي احسها ما فيها مشكله بس كل من شافها يقول ليش رخوه؟


عرضيها لأشعه الشمس ...وقريت بكتاب عن الأطفال المفروض تكون أنقلبت الآن بس هي لا

هي صحتها زينه ماشاء الله تبارك الله بس مادري ليش هي جسمها كذا؟؟؟


المشكله بيتي شقه صغيره مافيها نور الشمس .. وش أسوي فيها ؟


وعندها موعد الأسبوع الجاي هل أقول لطبيبها أنه يعطيها :20: فيتامينات تقويها شوي ؟



و أنا ناويه بأذن الله أبدأ الاسبوع الجاي أعطيها اغذيه غير الحليب فواكه مهروسه وخضار مهروسه

بس هل بتفيدها والا ماينفع لها ؟


محتارة معها وش اسوي فيها أبيها تثبت راسها زين وتعرف تتحكم بحركه يديها وتعرف تمسك الأشياء

هي الآن بس تشبك يدينها مع بعض وتدخلهم في فمها!!!

__________________

والله يا اختي اتوقع وضعها طبيعي لانه انا لي عيال اخ زي كذا يطولون لين يقلبون او حتى يحبوون ومافيهم شي بعد تسع او عشر اشهر بيصير الوضع طبيعي وصحتهم طبيعية جدا

السلام عليكم ورحمة الله وبركاته

إذكري الموضوع للطبيبة وهي ستجري لها تحليل دم للتأكد.

وإذا كانت الرخاوة ناتجة عن عدم تعرضها للشمس فهناك عدة ادوية المكون الأساسي لها هو فيتامين "د"

وهي الحل ان شاء الله.

ولكنني ارى انها لا زالت صغيرة وليس كل الأطفال سواء.

بالتوفيق ان شاء الله

تحيتي.

انا أحس انها طبيعيه


بس كل من حملها يقول لي بنت ليش رخوه؟


مدري وانا احس انها طبيعيه حتى لما كملت شهرين واخذتها لطبيبها عشان التطعيمات


قال لي كل شي فيها طبيعي وسليم وممتاز




بس هالناس حيروني في بنتي وش فيها رخوه ليش ما تمسك راسها زين وليش ما بعد ثبتت؟؟



حتى يسألوني يقولون اخافك ما ترضعينها زين يعني ما تعطينها رضعتها الا قليل او ما تكملها؟


بس انا اعرف نفسي زين أرضع بنتي زين يعني ما أفوت وقت الرضعه عليها واخليها تشربها كلها



واعطيها مويه التمر حتى تقويها شويه..


بس من جد ما صرت أحب أحد يشيلها بيجلس يفتح لي هالمواويل ...

مع ان امي لما تشيلها تقول عاديه ولا فيها شي وأهل زوجي كلهم يقولون رخوه ؟


وانا ضعت بينهم ..

__________________

انا والدي طبيب وكان دايما ينصح الام انه تعرض ابنها لا شعة الشمس في الصباح الباكر جدا واذا اختي شقتك ماتوصلها الشمس اخرجي انت وايها لخارج البيت معليش اختي اتعبي لبنتك شوي هم اغلى من الروح وربنا يعافيها

اكيد بنتك طفلك الاول

والاول كل التجارب تسير عليه وكل انواع الفلسفه تنقال عنه

بنتك عاديه وطبيعيه مافي حراره والبكاء طبيعي وتتحرك وتلعب عادي وتضحكلك الحمد لله

والله الناس مايتركون احد في حاله لاتسمعي لهم وتقلقي نفسك

امك اخبر منهم وتقولك مافيها شي

والله انا مارتحت الا بعد ماطنشتهم صدقوني الأم اعلم بأطفالها

ريحي بالك واتركي عنك كلامهم يخلوك تشككين في اهتمامك ورعايتك لبنتك صح ولا لا

الله يحفظلك بنتك ويصلحها لك

__________________


اللهم اعنا على ذكرك وشكرك وحسن عبادتك

ألا كل شي ماخلا الله باطل ـ ـ ـ ـ ـ ـ ـ ـ وكل نعيم لا محالة زائل


في درب الحياة ضيَّعت نفسي ثم وجدتها في فناء الله،
وفي متاهات الطريق فقدت غايتي ثم ألفيتها في كتاب الله،
وفي زحام الموكب ضللت رحلي ثم وجدته عند رسول الله .

الله يخليها ليك ويحميها من كل شر

رسول الغرام صادقه هم شككوني في رعايتي في بنتي أحس اني مقصره في شي معها


والله حيروني..!!

__________________

رخوه هذه جديده ما مرت عليه



عادي خوف الجدات

الله يصلحها ويبارك فيها ويرزق كل محروم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

السلام عليكم ورحمة الله وبركاته ...

لا تحاتين وماعليك من حد .. والي يتكلم سويله طاف...

بس الصحيح .. انك لازم تعرضينها للشمس.. هذا مايعني ان بنتك فيها شي.. بس عشان تكسب فيتامينات ..

الله يحفظ لك بنتك .. ويخليها لك ..

واذا رحتي للطبيبه هي ان شاء الله بتقولك .. ان مافيها شي..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...