
مشكلتي اللاتهابات؟؟؟؟وزواجي بعد شهر؟؟
السلام عليكم ورحمة الله وبركاته
أنا أول مرة اشارك في هذا المنتدى، فالله يخليكم اذا أحد عنده نصيحة أو حل يفيدني والله لأدعيلة طول عمري ،، لأن هالموضوع دااااايم شاغلني يعني أفكر فية 24 ساعة ، والحين ما بقي على زواجي الى شهر بس فالله يخليكم ساعدوني... لأن هالموضوع مضايقني أنا .. فكيف بيكون تأثيرة على زوجي؟؟؟
أنا أعاني من التهابات ... لونها أبيض جامد و أصفر ، ومرات يكون فيه حكة... رحت لدكتورة بعد ما خلاص ماكنت ادري اش اسوي ، وبتوفيق الله قدرت ادخل واحكيلها .. بس لما قلتلها عندي التهابات وانا بنت .. الدكتورة استغربت! حتى اني خفت كثير ... وبعد ما بغيت أبوس ايدها ، رضت تكشف علي ، لأنها قالت هذا مو عندي ... وأنتي بنت وأخاف ومدري أيش ... لأني قلتلها اني طحت مرة على السيكل وانا صغيرة مررة وأذكر أني شفت دم .. وفحصتني وسوتلي مزرعة ، وديت العينه للمختبر.. بعدين قالت النتيجة بعد اسبوع .. وقلتلها ما أقدر أجي بنفسي أقدر أكلمك؟ قالت طيب ...
وقعت أسبوع وأدق على المستشفى واطلب تحويلتها وما في أحد يرد . والله أني قدعت شهر وأنا أكلم ومافي رد.. وأخيرا . لما قدرت أوصل لتحويلة المختبر نفسة ، اعطيته رقم الملف .. وأنا أيدي على قلبي من النتيجة .. مع أني كنت محتاجتها عشان يتحدد العلاج الصح؟؟ تخيلوا ..يقولي ما في عندنا نتيجة ولا أصلاً عينة.. مع أن اسمي ورقم ملفي طالع عندة ..صح؟؟ وقعد يقلي جيبي ورقة المختبر وأحنا نحاسب المسؤول ومن هالكلام"المستشفى كبير ومعروف"
... بس أنا أيش بستفيد ..بعد ماأخيراً قدرت أروح للمستشفى وهو في منطقة بعيدة عنا ،وأتجرئت أن الدكتورة تكشف علي، وأصلاً أيش أقول لأهلي .. لأني في المرة الأولى رحت على أساس أني بعالج بشرتي؟؟؟
مع العلم أن الدكتورة أعطتني غسول"دش مهبلي" وقالت أستخدمية خارجي"أنا كنت أحط لتر ماء مع شوي منه وأغسل فيه عادي ،مو أجلس فيه ،وفي الأخير أغسل بماء عادي" ومرهم :استخدمة مرة وحدة ومضاد "حبه وحده بس في العلبة"، واستخدمتها .. صراحة أن الريحة أختفت ..بس الأفرازات ما زالت زي أول..
والله ما أدري أيش أسوي ... والله وأني كل يوم أبكي وأدعي أن يكون فيه حل .. لكن ماأدري أيش أسوي ؟؟
والحين دقيت على مستشفى أهلي قريب لنا .. وكلمت دكتورة النساء . وقلتلها: أنا بنت وعندي التهابات أقدر أجي عندك تشوفيني وتعطيني علاج ... والله العظيم أنها قالت : روحي المستشفى الفلاني أحسن"مستشفى حكومي ومستحيل أقدر أروح" ؟؟ والله أنها بكلامها خرعتني أكثر: يعني أحتمال ماأكون أصلاً بنت ، عشان كذا هم خايفين يكشفون علي؟؟؟
ملاحضة: "أنا كنت العب بنفسي بالماء لما كنت في الثانوي "يارب توب علي ، والله ما كنت أدري عن شي أسمة عادة سرية وشي أسمة غشاء بكارة"
الله يوفق للي يرد علي .. الله يخليكم ..ساعدوني ..والله ماأدري أيش أسوي؟؟؟
"نذر" علي ، طول عمري لأدعي للي يساعدني بحل لمشكلتي، وادعيله كل ما دعيت لنفسي وأهلي ..
يارب استرني فوق الأرض وتحت الأرض ويوم العرض... الللهم أميييييييين