يوميات زوجة سعيده وتعيسه - منتدى عالم الأسرة والمجتمع

10-08-2007, 05:37 AM

عضو نشيط جدا

تاريخ التسجيل: Oct 2005

المشاركات: 379

يوميات زوجة سعيده وتعيسه

السلام عليكم ورحمة الله
كيفكم ؟؟
أولا أحب أشكركم على دخولكم لموضوعي المتواضع..
وتانيا ..((هذا السيناريو يحكي عن يوميات زوجة تعيسة وليس أنا ))
كان يامكان في قديم الزمان كان هناك زوجة تحمل أعباء الدهر على ظهرها كانت تصبح على نكد وتنام على نكد
من يوم ماتفتح عينها تقوم تشوف أبو العيال وتقوم تحضر الفطور وأخ من قهر الزمان
يبدأ الملل والروتين اليومي وشويه تروح تحضر الغدى وتروح تشوف العيال.. وشويه تروح تكلم في التلفون وتمشي تتنهد من أبو العيال وإلي يسويه أبو العيال وأخ من أبو العيال
وشويه ياولد أقعد ويابنت أهجدي وتلبس لهذا وتغير لديك وتروش هذا وتمجغ داك وبعدين تسوي ترمس الشاي وترمس القهوه والمكسرات وتلبس لبس جنان ..ويجي أبو العيال ويقول ياسلام أناعايش في الأحلام ..
وشويه طال عمره يفتح موضوع للنقاش والمسكينه ياحرام.. تروح فيها وتقوله ياأبو فلان وش رايك نتكلم في شيء تاني ويقوم يقلها يووووووه الجلسه وياك تقصر العمر والمسكينه ياحرام تروح فيها وترجع إلى عالم الأحزان.. وهوه يروح يقلب في التلفزيون وتروح وتلبس أحسن لبس وتروح تتودد وتراضي في زوجها وتحاول تلفت نظره وهوه ياجبل مايهزك ريح ولا كلام ولاسلام..
وشويه تقوله العيشه وياك قرف وقرف ثم قرف ويقولها طقي راسك في الجدار وتقوله إنت طق راسك في ستين جدار ويقولها إنتي ماتستحي وقليلة أدب ومافيك خير وتقوله عاد إنت إلي فيك خير ويقلها أصلا أنا ألف وحده تتمناني وتقوله على إيش لا جمال ولامال ولاأخلاق ويقلها والله لاأتزوج ست ستك وتقوله أحسن فكه من خلقتك وهيه في قلبها تحترق وتقول ياليتني أملك عصى سحريه وأحوله لضفدعه
ويسمعها أسوأ كلام وتسمعه أسوأ كلام ويجي وقت النوم ويبغى يتخمد أبو العيال وتروح تبوسه بوسة النوم ونفسها تعطيله بكس النوم مو بوسة النوم وينام أبو العيال وتجلس أختنا في الله تشتكي لليل الطويل وتتكلم مع القمر والنجوم والمسكينه ياحرام تحاول تعمل جلسات إسترخاء عشان تسترد شيء من الهدوء والروقان
وتروح تنام ولمن تقوم وقبل مايجي أبو العيال تقوم وترتب البيت وترتب الاولاد وتجهز الفطور ويجي يفطر ويقلها صباح الخير والإحساس وتقله صباحك محبه وإخلاص ويخرج وتلوحله بيدها وتقله بيباي..ويبتسم ويخرج فرحان .. ويقول في قلبه الله يرضى على أم فلان ..المهم ويروح الدوام وتقعد هذه أختنا في الله تسوي الغدى ..وترتب نفسها وتوضب السفره وياسلام شيء يفتح النفس ويجي أبو العيال ويشم ريحة العطر من الباب ويقول ياسلام لا يكون غلطت في العنوان وتستقبله زوجته بحراره ولهفه وأبو العيال راح فيها مسكين

وجا وجلس على السفره وقالتله اليوم ياأبو فلان سويتلك كل الأكل إلي مشتهيه وقلها تسلم الأيادي وفي قلبه شكر وعرفان ((وأخ من هدول الرجال زي الصناديق المقفلة أي شيء حلو أو وحش على طول يتخزن))

وبعد ماخلص الغدى راح غرفت الجلوس وجابتله طشت مويه دافيه ومنشفه وجلست الحبيبه والرضيه عند رجوله تكبس رجله وعملتله( بدكير )وبعدين نشفتها وحطتله كريم وهوه مومصدق حاسس كأنه في عالم الخيال من الإنبساط خلصت وراح سلم على راسها وقلها والله ياأم فلان لو أدور العالم كله ألين ماتحفى قدمي والله ماألقى وحده زيك

المقصد ..
أختي الحبيبه..كوني دائما بلسما عذبا رقراق وكوني كالشمعة تضيءين الطريق لمن حولك ..
ومهما ضاقت بك الحياة فثقي أنها يوما ما ستنفرج كل الأحزان..
ولكن تفائلي غاليتي وثقي بالله ..
وحتى لو كان زوجك أشر الناس احتويه وأغدقي عليه بالحب والحنان ..واصبري عليه وستجنين الثمره يوما ما بإذن الله..
ثقي أنك تستطيعين أن تحولي بيتك جنه لو أردتي وتغاضي عن كل العيوب ..
تحياتي وتقديري

__________________

[font=Tahoma]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه