السلام عليكم

والله العظيم تعبت بزياده من اهل خطيبتي

كل يوم والثاني مشاكل ليش ليش ليش

اخلص مشكله يطلعو مشكله جديدة
مشاكل في مشاكل

البارحة طالع مع خطيبتي اخذ اغراض الى الشقه
حجزة الفرشة الى غرفة النوم وحجزة مطبخ واغراض الصالة من مكتبة وتلفزيون وكنب وغيره

زوجتي عنها "مبلغ " تجميع المصروف الي اعطيها اياه قالت روح محلات التحف باخذ تحف قلت لها لا تاخذي شي الحين من عندك
قالت اني ابي اساعدك شوي
المبلغ الي عندي ما احتاجه قلت لها لا تحتاجية بعدين قالت روح الا ازعل عليك
قلت لها اهلك بسوو لينا مشاكل المفروض ماتاخذي شي
قالت مابيتكلمو
مو شغلهم
المهم هي اصرت تا خذ تحف ولحافات وشويت اغراض مطبخ "ادوات طبخ"
لما اخذنا ورجعتها بيتهم
تتوقعون شنو صار
قالوا لها اية لعب عليك هذا خلاك تاخذي اغراض
قالت هذه زوجي وابي اساعده
تعرفون شنهي ردة فعلهم

انتي وحده ماتستحي وخذ لك من السب وغيره من الكلام الىي يقطع القلب
هذا لاعب عليك بياخد فلوس وبعدين بطلقج
ولو تعرفون انا انا مافيه يوم من ايام الله قلت لها ابي ريال
حتى ادا قالت اني عازمتك على عشاء من مصروفي اوافق واروح معاها المطعم ونتعشى وبعدي انا الى اقوم بالدفع وتزعل علي

بس اهلها الله الايسامحهم لا دنيا ولا اخره كل يوم مشكلة

واسف طولت عليكم مشكلتي بس شنو اسوي ماعندي احد افض فض له

وارجوكم ساعدون بردودكم وخاص الى مجرب هذا الشي
ادا فيه احد مجرب
انشاء الله مافية احد ولا اتمنى احد يجرب هذا الشي لان بيظربه الوسواس والتفكير اذا مايستحملهم مثلي
:20:

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

والله انك حزنتني اخوي حالتك تشبه حالة زوجي لما كنا مملكين سبون فيه ليل نهار وخاصة ابوي مايستحي منه مع اني بنتهم الوحيده وهو زوج بنتهم الوحيدة بس خلاص هذولا اهلي طبع فيهم مو حلو بس انا كنت اوقف معاه دايما يعني مع الحق يعني دايما اقوله طنشهم مايهمك دامني احبك وتحبني وكلها فترة وتعدي بعدين لاعاد تقبل عالبيت حتى اخواني يضاربون معاه بس الحين بعد ماتزوجنا صار مايروح عندهم الا في المناسبات طبعا وهم برضو مو عاجبهم الوضع يعني اذا سوى خير سبوا عليه واذا طنشهم كمان سبوا عليه بس هو خلاص كذا تعود عليهم وانا ماازعل منهم لاني عارفتهم هو في البدايه كان يزعل علي يقولي اذا ماوقفتيهم عند حدهم ياويلك بس الحين صار زي الاطرش في الزفة ولا كانهم يتكلمون
ماعندك طريقة الا كذا عشان خاطر حرمتك المسكينة هي تحبك اكيد بس ماتقدر تسوي لامها شئ وبعدين انت لا تزودها عليها تراها مقبلة على زواج وحالتها النفسية بتتعب قولها مو مشكله على قلبي زي العسل وخفف عنها وعنك والله يهنيكم في بعض ويوفقكم :14:

__________________
اللهم لك الحمد حمدا كثيرا

طيب القلب

تسلمي علي ردك
والله يسعدك مع زوجك
وانشاء الله اقدر اصبر بعد هذي الفتره القصير
واسوي نفسي مثل ماقلتي اطرش في الزفه

مشكروه على ردك والله يوفق ويستر عليك

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

بسيطه قل لزوجتك ماتعطيهم اي خبر عن اي شي

واذا اسالوها ترد ب الحمدلله كل شي تمام

ولا تزود الكلام عن كذا

واذا تكلمو عليها او عليك الزمو الصمت لان الحقران يقطع المصران

__________________
[blink][blink][/blink][/blink]

تسلمي على ردك

زوجتي من كثر المشاكل ماتجيب اسمي على لسانها في بيتهم
هم الا يسالها
ويجيبو المشاكل
اوقات ادا طلعت معاها يسالوها كم عندك مبلغ
ليش حتى ادا رجعت يسلوها كم عندك
وادا كان ناقص
قلوا على شنو صرفتيه
كانهم هم الي يعطوها مصروف
مصروفها كله من عندي انا كل نهاية شهر اعطيها مصروف مايقل عن 600 ريال

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

ولا يهمك اخوي دواهم جدا بسيييييييييييط
اخي العزيز
بما انك انت وخطيبتك اخر تفاهم وحلاوة وخطيبتك متفهمه لوضع اهلها يعني انا حسيت انها مهتمه بك اكثر من اهلها وهذا تصرف صحيح منها
لكن اخي انت ابقى على محبه مطلقه مع خطيبتك وطنش
لما تتزوج عادتعامل معهم بهدوء وطولة بال ولا تثير مشاكل \احترام لزوجتك حرام يضلوا اهلها اولا واخيرا
واعتزلهم الا بالمناسبات ولا تمنع زوجتك من اهلها نصيحه حتى تضل متعلقة بيك انت ومع موقفك

تسلم على ردك والله يجزك خير
وانشاء الله هذا الي بيصير

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

اذا قالو كم المبلغ ترد الحمدلله بركه وخير يعني لاتعطيهم وجه بالجواب واذا سالوهاواصرو تقولهم ماحسبته ماادري كم لان المبلغ عندي يزيد وما يحتاج اني احسبه

وايضا لايدرون عن المصروف اللي تعطيها كل شهر ---افتحلها حساب بالبنك مثلا---خلي كلمة بركه وخير دايما على لسانها

او ترد---كل اللي يرزقناه ربي بركه------ليش تقول كذا---علشان تعلمهم انهم يتوكلون على ربهم اللي رازقهم ورازق بنتهم

لانه الظاهر اللي فهمته ان اهلها من باب الحرص على فلوسها يمكن جاهم موقف صعب مع بخيل وخايفين انه يتكرر مع بنتهم هذي

خايفين على رزقها ونسو ان الله اللي يرزقهم ويرزق خلقه

سؤال---هي تعطيهم من مصروفها شي؟؟؟؟؟؟؟؟؟

__________________
[blink][blink][/blink][/blink]

المشكلة يا اختي
مو بس يسالوها عن المصروف
الا يبون كلشي بمشاكل وحرصهم على الفلوس
الفلوس الي عندها كلها منعندي انا
وهم يبون كل مرة اعطيها مصروف يبونها تعطيهم
كانها جالسه بالايجار عندهم
وتاكل من عندهم لازم تدفع وغسيل ملابسها لازم تدفع
المشكله هم ياقدرو
بيتهم كله فوق راسها في تنظيف والغسيل
ويطالبها بفلوس ليش
الى هذي الدرجه هم غايرين من المصروف الى اعطيها وياه
كل يوم والثاني مشكله من قبل كنت ما اعطيها الاني ادرس وكل يوم مشكله
والحين من صرت اعطيها جالسين يطالبوها بفلوس جيبي قيمة الصابون جيبي قيمة الاكل الي تاكلية
مي حالة اسلام هذي لو كفار يمكن خافو الله فيها وفيني
بس شنو اقول حسبي الله عليك يا عمه وياعمي يلي مو راضيين توتعو الى انفسكم في شنو عايشين

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

صدقني اخوي

مادام هذا كلامك عنها

الله سبحانه وتعالى بينصرها

بحياتي ماشفت احد بار بوالديه الا وربي يوفقه


واعطيك الدليل

شوف ربي جابلها زوج طيب مثلك يعوضها كل اللي راح

نصيحتي لك اخوي خلك معها باللتي هي احسن

حاول ماتكبر الموضوع بعينها

اذا اشتكت عليك قولها يابنت الحلال هذولا والديك وان شاءالله بيجينا بكرة اولاد يبرون فينا

وما لك هم كل شي من طرفك عسل على قلبي

اما انت مالك الا الصبر وزي ماقلتلك هي تصبر عليهم لانه هذولا والديها مهما كانو وتحاول تخفي كل شي عنهم لو الشمس

حتى لو طلبو منها المصروف الشكوى لله خليها تعطيهم والله مالها الا الاجر
واعظم العمل عند الله بر الوالدين بعد الصلاة

حاول اذا طلعتو تعيشو جوكم وتنسون كل هم وضيق ترى ايام الملكه احلى الايام لاضيعها بالمشاكل حتى لو كان اللي مسببها غيرك


دعواتي لك بالتوفيق

__________________
[blink][blink][/blink][/blink]