خطيبتي وطلباتها (( هل الانفصال حل ؟؟ )) - منتدى عالم الأسرة والمجتمع

16-07-2007, 02:33 PM

hisham_ah2003

عضو جديد

تاريخ التسجيل: May 2007

المشاركات: 23

خطيبتي وطلباتها (( هل الانفصال حل ؟؟ ))

السلام عليكم اعضاء الموقع

ترددت كثير قبل ان اطرح هذا الموضوع

لكن بصراحة يئست من حالي مع خطيبتي (معقود القران)

اولا انا من اسرة عادية جدا والحمد لله لا ينقصنا شيء

وخطيبتي ايضا

المشكله اني اوجه مشاكل مع خطيبتي مدري هي بسبب صغر سنها عمرها اللحين (17) سنه

أحبها اكثر من المعقول وتعلقنا في بعض كثير

كانت تطلب مني اشياء عادية وانفذها لها بدون ما اتردد

لكن بحكم ان زواجي قريب فصرت اصرف كل راتبي على تأثيث الشقة وتكاليف الزواج

وطلباتها اللي اقدر عليها انفذها لها واللي اشوف انه مالها داعي بقولها اجليها بعدين

ما افتكر اني شريت شي للشقه وقالت عليه حلو او مدحت فيه

كل شي عندها مو حلو

حتى قصر الافراح بحكم ان زميل لي عنده قاعه واعطاني هي بسعر مناسب

هي رفضت تقول ابى القصر الفلاني وانا طبعا رافض هالفكرة لان فوق امكانياتي وقاعة زميلي تعتبر ممتازة وكبيرة

وفي الاخير اتفقنا على قصر محدد وضغط على نفسي عشانها بعد ما نكدت علي وتزاعلنا

تقولي (متى طلبت منك شي وسويته لي ؟؟) هذا السؤال يخليني اتجنن يعني معقوله كل اللي سويته لكي وفي الاخر ماسويت شي .

- كمبيوتر وعطيتها
- جوال وعطيتها
- فلوس كل ماتطلب عاعطيها بس اذكر مرتين اللي رفضت
- بطاقات شحن كل يومين تطلبها واعطيها بكل طيبه نفس لاني احبها
- تماشي وخرجات لما نطلع مع اهلها ما اقصر معها في شي (رغم انها نادرة يمكن مرتين او ثلاث)
- المكله واللي المفروض انها تكون على اهلها تحملتها انا وكل تكاليف تجهيزها اهلها ما تكلفوا بشيء حتى تكاليف الكوافيرا علي ان كان في الزواج او الملكة .
- هدايا ومو مقصر معاها فيها وفي الاخر تقول لاختها (نفسي في يوم يجيبلي هديه عدله (يعني هدية حلوه) ) وهذا الكلام سمعته من اكثر من واحد مو منها وكنت اتمنى اسمعه منها .

غير كذا تقولي انت ماتعطيني مصروفي ولا مو من حقي ؟؟ وتقول اذا منت قادر تصرف عليا قول

يعني بعد هذا كله تقولين هالكلام ؟؟؟

غير كذا تحملت كثير من اهلها عشان خاطرها اهانات واسلوب زي وجههم

لكن كل هذا ماثمر فيها

اذكر في الملكة ما عطيتها طقم ذهب ماغير الدبل لان ماقدرت لان وقتها حفل الملكة كلفني كثير وغير كذا يوم شفتها عطيتها طقم

صارت كل بين كل فترة وفترة تسألني عنه وتقول ( هذا حقي ومن حقي اسألك عنه )

واخر موقف معها امس كنت اكلمها عالتلفون وكانت اختها المتزوجه جنبها وعلى ما اعتقد ان زوجها كان حيجي ياخذها قالتلها خطيبتي (قوليله يجيبلي معاه (حلاوة .... ما اذكر اسمها ) انا سمعتها قالت كذا قلت مع السلامه بروح انام (الظاهر انها حست)

والله حسيت الدنيا من جد ضاقت بي معقوله لها الدرجة ماتعرف تميز بين الصح والغلط

غير اسلوبها احيان ترفع صوتها وتنافخ (لكن في الاخير صكيتها في وجهها ونبهتها) وحست بغلطها

البنت حبوبه وقلبها طييييب لكن انا متأكد ابصم بالعشرة ان في حد وراها يمك (امها - زميلاتها)

وهذا الشي يخليني افكر الف مره اني انفصل عنها

لان اذا هي اللحين تفكيرها كذا كيف حيكون بعد الزواج حتكون تزعلني وتنكد علي على اي طلب تطلبه وما انفذه او ما اقدر عليه الواحد مايضمن ظروف الايام

والزوجه اللي ماتقدر زوجها بيت ابوها اولى بيها

ارجوا منكم المشورة والنصح

لان من جد تعبت معها

التعديل الأخير تم بواسطة hisham_ah2003 ; 16-07-2007 الساعة 02:41 PM

16-07-2007, 03:00 PM

أم _حمزة

عضو نشيط جدا

تاريخ التسجيل: Apr 2006

المشاركات: 503

السلام عليكم ...

أخي الفاضل ،،،

المفروض أنت من أول تكون صريح في كل شي معاها ومع أهلها،،

من ناحية المصاريف ومن ناحية التكاليف كل واحد يعرف إللي له وإللي عليه ،،

يعني الملكة معروفة أنها على أهل البنت والزواج على أهل الخاطب ،،

ومن ناحية تصرفاتها أخي المفروض أنك سألت وتقصيت عنها تمام من ناحية الأخلاق والطباع ،،

لأن ترى مو بس الشاب إللي يُسأل عنه ،،

لازم تصارحها يا أخي الكريم علشان تكون على نور وتوضح لها أمكانياتك وأنك قاعد تسوي كل هذا علشانك أنت وإياها واستقرار بيتكم مبني على التفاهم والصراحة إلى جانب الحب والمودة ...

وصارحها بشكوكك بطريقتك الخاصة وقولها أتوقع نبدأ حياتنا بتفاهم يعني لها شخصيتها اللي انت لازم تفهمها ولك شخصيتك اللي لازم هي تفهمها..

وقول لها تفكر في الموضوع وأنك شاريها وتبغاها او غير كذا انك ما تقدر تستمر بهالأسلوب ..

والله يوفقك ويسهل أمرك وبالتوفيق ...

أختك ,,, أم حمزة

16-07-2007, 03:12 PM

hisham_ah2003

عضو جديد

تاريخ التسجيل: May 2007

المشاركات: 23

اختي ام حمزة

اشكرك على مرورك ونصيحتك

وعسى الله يجعلها في موازين حسناتك

*********************

اما بالنسبه لردك

===========================

المفروض أنت من أول تكون صريح في كل شي معاها ومع أهلها،،

من ناحية المصاريف ومن ناحية التكاليف كل واحد يعرف إللي له وإللي عليه ،،

يعني الملكة معروفة أنها على أهل البنت والزواج على أهل الخاطب ،،

//////////////////////////////////////////////////

من البداية ما اتفقنا على مصاريف واشياء من كذا الا بعد الزواج

وابوها بنفسه قالها لي مالك دخل في مصاريفها انا اتحملها

وتفاجأت انها يوم تطلبه شي يقولها خذي من زوجك

يعني حتى (( طلبات المدرسه )) قالها خذي من زوجك وما اعتقد انه هي من عندها جت طلبتني (( والله اعلم))

انا مو زعلان على شي عطيتها هو هذي زوجتي وافرح يوم انها تطلب مني واحسها معتمده علي

لكن اللي يزعل انها تنكر هذا كله وتقول (( انت اش سويتلي )) او تزعلني اذا مانفذت طلبها

اما بالنسبه للملكه من البداية اتفقنا عليها ان انا اتحملها ورضيت بالشي هذا لان كانو يمدحون في البنت وفي اخلاقها وانها راح تساندني

وفعلا اخلاقها الحمد لله البنت مايعيبها شي لكن انها تساندني ( هذي تحتها الفين خط) الا تبهدلني
======================================

16-07-2007, 03:12 PM

أم وداد

عضو نشيط جدا

تاريخ التسجيل: Aug 2006

المشاركات: 1,771

ماشاء الله عليك انت مو مقصر معاها بشي.. مادري هي بالضبط شو تبي..

اقعد معاها وفهمها بهدوء لا تصرخ عليها ولا تسكر في وجهها... في البيت اقعد معاها وقول لها اني اسويلك الي اقدر عليه ..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

16-07-2007, 03:15 PM

hisham_ah2003

عضو جديد

تاريخ التسجيل: May 2007

المشاركات: 23

اختي ام حمزة

اشكرك على مرورك ونصيحتك

وعسى الله يجعلها في موازين حسناتك

//////////////////////////////////

اما بالنسبه اني اجلس معها وافهمها

كثيييييييييييييييير تكلمت معها في هالمواضيع

وافهمها ان لازم توقف معاي واني مو مقصر معها

احيان يكون ردها ايجابي وتعتذر

واحس في وجهها انها غلطت ومتأسفه

واحيان تتمسك بكلامها لا وترد بوجه

مدري احترت معها

16-07-2007, 03:43 PM

أم _حمزة

عضو نشيط جدا

تاريخ التسجيل: Apr 2006

المشاركات: 503

أخي الكريم ...

حاول مرة و2 و3 ،،،

وقول لها ما أبغى نتزوج وانا تضايق من بعض الأمور اللي تكلمتوا عليها ..

وقول لها أتوقع انك تكونين واقفة معاي قولا وفعلا وما أحد يأثر عليك برأيه (أي أطراف خارج أطار علاقتكم)

وحدد لها ايش تتوقع منها ..

وأمدح اللي عجبك فيها والكلام اللي سمعته عنها اول ما خطبتها وانك متمسك فيها وبعدين صارحها انها تجرحك لما تقول(ايش طلبت منك وسويتلي) وقول لها انها تخليني آخذ منك موقف يضاريقني ووضح لها من كثر طلباتها وعدم تقديرها انك فركت بالانفصال لان طلباتها فوق طاقتك ...

والله يسخرها لك قلبا وقالبا ...

وبالتوفيق أخي الكريم ...

أم حمزة

16-07-2007, 04:00 PM

samar84

عضو نشيط جدا

تاريخ التسجيل: Feb 2006

المشاركات: 524

كان الله في عونك

__________________
[SIGPIC][/SIGPIC]

16-07-2007, 04:01 PM

العازم

موقوف

تاريخ التسجيل: Jan 2006

المشاركات: 1,321

السلام عليكم ورحمه الله وبركاته
هي من جهه صغر سنها فهي صغيرها ...ومع احترامي الشديد لك من العيب ان البنت تشترط او تاخذ شي من الرجل وخاصه قبل الدخول عليها...اخي ان كان اهلها بالشكل التي تتحدث عنهم فاارجو ان تراجع نفسك في الزواج لان تدخل الاهل مشكله المشكلات وخاصه ان كانت البنت في طوعهم ولن تنتهي مشاكلك معهم بعد الزواج ..فبعض الاسر هداههن الله عيونهم شره لايستحون من طلب اي شي من زوج ابنتهم كأنهم لم يرو خيرا في حياتهم وهولا النوعيه من الاسر اقدر اقول عن من تزوج منهم (راح فيها )وفي النهايه طالما انك استشرت فلابد من الاستخاره قبل فعلا اي عمل واطلب من الله الخيره في امر زواجك...

التعديل الأخير تم بواسطة العازم ; 16-07-2007 الساعة 04:05 PM

16-07-2007, 04:09 PM

محمد هيا

عضو مميز

تاريخ التسجيل: May 2007

المشاركات: 2,470

الله يكون في عونك ،، بس انا اشوف صغر السن يمكن يكون السبب الرئيسي .. ويا اخي لازم اتشد اشوي عليها مو كل شي تطاب تعطيها انت الي دلعتها في البداية ...
والله الموفق ..

__________________

16-07-2007, 04:38 PM

#10

ساري10

قلب المنتدى النابض

تاريخ التسجيل: Apr 2006

المشاركات: 1,235

نصيحه لك يااخي لا تتهاون وتلبي كل طلباتها

اعرف لك شخص نفس حكايتك في ايام الملكه كل يوم زن عليه سو وفلانه عندها .. في الاخير طفش وطلق قبل الدخول وقبل لا يحطها في بيته .. عرفها قبل وصارت له خيره ..

خلك حازم وعلى قد ماتقدر سوه والا ماتقدر ... لا يكلف الله نفسا الا وسعها
ماهي معقوله وانا اخوك ان الحريم يجرن الرجال للتهلكه وهو الله الله

خلك حازم واقطع الاتصال بها الى يوم الزفاف .. ترى مضار التعارف قبل الدخول اكثر من الايجابيات مع مثل نوعيات اختيارك

فكر جيدا تراها صغيره ولا بد ان تعودها على نمطك وليس على نمطها .. فان وقع الفاس بالراس لن يبقى لك الا امرين : اما طلاق او رضوخ وديون وعذاب

الزواج يااخي بركه للي يقدره ويلقى وحده تعينه على الدنيا ماهو تعين الدنيا عليه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه