السلام على كل أعضاء هذا المنتدى العزبز على قلبي....//
الصراحة تواجهني مشكلة منذ شهر وهي أني كنت أرضع طفلي رضاعة صناعية كمساعد لي مع الرضاعة الطبيعية المشكلة الآن أنه طفلي صار مايحب يشرب من صدري وتعود على الرضاعة الصناعية فمالحل...؟؟؟وحاولت أوقف عليه الصناعي وأخليه يجوع ولكن بعد يرفض أنه يرضع مني ساعدوني أرجوكم
أنقذوني الله يجزيكم الخير

أختكم
أم أحمدي

والله مشكلة ..
أنا بنتي عانيت معاها معاناة شديدة ..
كانت ترفض أن تغلق فمها على الحلمة نهائيا ..
وتبكي بكاءا شديدا حتى أبعدها عنه ..
إلى أن استسلمت وبدأ الحليب بالجفاف وتركت محاولاتي اليائسة ..

أختي آنه ولدي يشرب شوي ويطلعه ليه يتملل ويصيح بصوت عالي ليه أسويه له حليب القوطي بعدين أحسه يرتااااح هذي غلطتي آنه المفروض أني ماعطي من قبل والله متحسفه قد شعر راسي مع أني ما أشتغل بس أمي كانت اتقول لي عطي حليب قوطي رضعة وحدة في اليوم يمكن مايشبع من حليببج لأنه كان في النفاس على طول يصيح وكله يبي يرضع مني لكن اللحين درا الزمن هههه وصار مايحب إلا الصناعي
تسلمين بحرينية على المرور والله يحفظ لج الصغيرة ويخليها لج...

انا ولدي نفس الحالة يكره الرضاعة الطبيعية مررررة من عمره 4شهور وهو الحين 9 شهور وكل يوم احاول معاه بس مافي فايد يجلس يعضضني ويعورني بس امي اقترحت علي فكرة هي وزوجي اني اشفط الحليب واعطيه اياه احس منه يجلس فيني ولا يستفيد منه بس المشكلة انه مافيني حليب كثير يعني لما اشفطه ياللا بالعافيه يطلع 10_60 مل بس يمكن عشان كذا طفش منه سوي هالطريقة تراها كويسه

__________________
اللهم لك الحمد حمدا كثيرا

أنا بعد ابني رفض يرضع مني ..

كنت أعطيع رضاعة وحدة في اليوم ..والباقي من صدري ..لكنه بعدين رفض يشرب وكان يعصب ..لين أعطيه الرضاعة ..وصار ما يشرب الا صناعي. .

أني أحس الصناعي أريح ..والحمد لله صحته ممتازة ومافيه شي ..

جوري وردي

اه ياربي انا العكس تماما .. انا بنتي تعلقت بالصدر ماشاء الله

لدرجه كبيره ... مع اني اعطيهاالأثنين وطول الليل على الصدر واثناء النوم

لكن تمسكت بالصدر لدرجه تتعبني .. اضطر اوقات اكون بالسوق ..اوخارجه لمكان من دونها

تبككككككككككككي وتعمل مشااااااكل ...حاولت كذه مره اخليها لين تجوع بس قلبي موكل مررره

يطاوعني وهي تبكي قدامي ومو كل مره تستسلم للرضاعه الصناعيه .... تعبت والله خاصة كمان انها

تبغى صدري أغلب اوقات نومها مثل اللهايه في فمها ... انا تعبت والله مااقدر انام مرتاحه

لازم نومه معينه عشانها ... ايش اسوي بعمري

__________________