السلام عليكم
افتقدتكم لفتره اخواني واخواتي اعضاء المنتدى
اتمنى ان تفتوني في امري هذا
انا متزوجه من 6 شهور...زوجي في معظم هالفتره مسافر لاستكمال الدراسه
موضوعي هو
زوجي الحبيب...اعلم علم اليقين انه يحبني
حتى اذا قلت له اني ( اموت فيك) يزعل لانه ما يبي ان أتكلم عن الموت أبدا .. اذا زعلت ما يهناله ينام او يطلع بدون ما يراضيني ...حنون حنون حنون
بس اللي يحز بخاطري انه من سافر عني عشان دراسته وانا اكلمه كل يوم...كل يوم يطيح تعليقات فيني...
مره على شكلي
ومره انه لازم استانس انه هو خطبني واني محظوظه فيه
يعلق على اي شي يخصني...حتى من كم يوم اذكره بيوم ميلادي...قالي نسيت ولا حد ينولد بهالتاريخ اللي ماه طعم !
يمكن يكون هالشي سخيف
بس جد صارت كل مكالماتنا تعليقات
كأني أكلم صديقتي مو زوجي !!

انا ما ارد عليه ما احب هالاسلوب ولا احب اجرح في حد
لما يعلق علي احس انه يهز ثقتي بنفسي

حاليا احاول انه ابين له اني مو مهتمه برايه واني واثقه من شكلي و امس قلت له انك انت المحظوظ والخطاب قبلك وايد
وبعدك اكثر

وناويه المره الجايه ان علق انهي المكالمه معاه بعد

هل انا حساسه بزياده؟ وانتو يا متزوجات تواجهون هالشي؟ وكيف تتصرفون؟
وانت يالرجاجيل تسوون هالحركات لحريمكم .؟؟؟ وهل هذا معناه انه حبكم لهم نقص؟

عادي يا اختي يبدوا انك حساسة جدا ،، ربما هو لا يقصد تجريحك وانما يمازحك ....

__________________

انتي كثير حساسه حبيبتي.. يمكن يمزح معك .. ردي عليه .. علقي عليه انتي بعد ... شوفي شردة فعله

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

ما اتوقع انه من صجه
اكيد يمزح معك
مشكلتنا احنا البنات حساسات و الرجال دفشين شوي في المزح
لعلمك انا دايماً ازعل من زوجي و من كلامه و هو ينقهر اني ازعل و يحلف لي انه قصده يمزح
حتى آخر موقف قاللي آخر مره امزح معك لانك ما تتحملين
هم مزحهم كذا بدفاشه و ثقالة دم فأحسن شيء تصيرين زيه
اذا هو يتطنز على شكلك اتمسخري على شكله و قلبوا الموضوع ضحك
عااااااااادي حبيبتي هونيها و تهون

الله يسهل عليه و يخلص دراسته و يوفقكم

حساسه حيل لا تخلي شي في قلبك علقي وارضي خاطرك

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

اذا علق عليكي مرة اعطيه عشرة وتشوفيه يضحك كانك تمدحيه

سبحانك ياااااارب

دفاشة x دفاشه

__________________

[blink]استغفر الله العظيم الذي لااله الا هو الحي القيوم واتوب اليه

[/blink]

لا لاتعلقي عليه على كذا ما حتنتهون هو حيعلق عليكي وانتي نفس الشي

انصحك بالنقاش والحوار اللين اللطيف

مادام انه حنون زي ماتفضلت قوليله حبيبي هذا الاسلوب يجرحني كثييير

بليز اذا من جد تحبني لاتعاملني بهالاسلوب

لانه يخدش ويجرح احساسي

ومن هالكلام اكيد انتي اعرف وادرى

وشوفي ردة فعله الله يسخره لك

مزح البعض يكــــون ثقيل على القلب

زوجك من النوعية هذي

ماأنصحك تزعلين في كل مره علشان مايقول إنك زعـول وماتتحملين مزحي

وتصير مشكلة من لا مشكـلة !

أعطيه خبر بطريقة حلوة منك إنك ماتحبين كذا ، وهذا المزح يضايقك ويعكر مزاجك

وإذا تعكر ماراح تنبسط معي

وإذا مزح كثير معك ومثلاً قالك إنتِ محظوظة فينـي

قولي : إيـــه والله مليون مره محظوظة فيك

وإذا مدح نفسه إمدحيـــه أكثر

بالطريقة هذي ماراح يكون فيه شي مثير بالنسبة له لأنه ماقدر ينرفزك وهذا هو اللي يبـيه

بيكون مبسوط منك أكثر لأنك مدحتيه والرجل يطيير بالمدح وبكذا تكسبينه

أأه ياقلبي

حاااااااااااااااااااسة فيج

البارحة معصبة عليه مسوي فيني حركة مو حلوة ويوم اتصلت عليه قاعد يمزح ويعلق

انا مشكلتي عصبية

وسكرت التلفون بوجهه

اتصل علي وصارت بينا مشكلة البارحة بسبة هالشي

تعليقاته شي مو طبيعي

بس بصراحة ماقدار احيانا اضحك ضحك

بس صارات مشاورات ومناورات بيني وبينه

استغلي هالفرصة تراج في تلفون تقدرين كلمينه يمكن وجه لوجه ماتقدرين

صارحيه ترى تعليقاتك صارت ثقيلة
الواحد يمزح ويعلق
بس مو لدرجة الاهانة
وانا بشر ماني ملاك منزل من السما
علشان كل شوي تنزل من شخصيتي
مثل مافيني عيوب فيك عيوب
وكل انسان مو خالي
الكمال لوجه الله سبحانه

وانا اجوف فيك واقدر اعلق
بس الي يحب يجوف كل عيوب حبيبه ميزات
ولاحب انزل من مقامك
اتمنى تعاملني بالمثل

صارحيه بالبداية بالهداوة وبدلع واستعطاف
لا تسترجلين ولا تعصبين وتتحسسين
وتقبلي لو قال اي شي

لاتسوين سواتي
مع انه اهو الغلطان بس
البارحة قلب علي يبي يزعل
انا كنت ابيت اهلي لانه عندنا عرس
وهو في شقتنا وصار هالحجي كله بالتلفون
لو وجه بوجه كان صارت السالفة اكبر

انا حليتها بنفس الليلة ماحب ابات وزوجي زعلان وهو مثل الشي ... مع انه كان فيه تعصيب مني ومنه بس الحمدلله تصافت القلوب



تصدقين،،،،


انا حتى مناطق ديرتي يعلق على اسمائها كاني انا مسميتها بس من باب مزح.....

وصراحة صرت مثله اعلق بعد بس اهو يتقبل ويضحك.....


وحبابة نصيحة لا تتحسسين وااايد من كلامه طنشيه

واذا تحسين نفسج تحترقين من تعليقاته علقي عليه بمزح بس بدون لا تمسين شي من شعوره وكرامته

اكيد راح يحس انه غلطان لانه بيحرقه االتعليق

تراهم تركيبة مادري شلون صايرة

الله يعينا عليهم
ويعينهم علينا بصراحة


الله يهديه لج يارب
ويسخر قلبه لج
ويجعلج درة بعيونه
الله يهدي سركم يارب
بالتوفيق جبيبتي

__________________

في رأيي أن زوجك يحاول أن يُـصبر نفسه ويتحاشى الأحاديث الحميمية

لأنه بعيد عنكِ .. اعتقد أنه يحاول السيطرة على مشاعر الحب

والشوق والحنين إليكِ .. حتى يستطيع التركيز في دراسته


لذلك هو يستخدم أسلوب ساخر في الحديث معك

ويضحك حتى على أشياء تافهه لكي لا يضعف ويبكي .


أخيتي

أقدر مشاعرك وحاجتك لحب زوجك

ولكن أعتقد أنه من الأفضل أن تظهري المرح عندما تحادثينه

وأن تسأليه عن دراسته وتشجعيه

حاولي أن تتماسكي مثله كوني قوية حتى يستمد قوته

ونجاحه وتصبره منكِ ..


وكلما شعرت بالرغبة في التعبير عن مشاعركِ

استعيني بصديقة وفضفضي لها

أو امسكي ورقة وقلماً وسجلي مشاعرك

شعراً أو نثراً كما تجيدين

اكتبي مشاعرك على الورق ووجهيها كرسائل

لزوجك الغائب .. تهدينها إليه عند رجوعه بالسلامة

ليقرأها وهو قريب منكِ .. ويشعر مدى معاناتك في غيابه .



أسأل الله الذي لا إله إلا هو أن يرده إليك سالماً ناجحاً

ويقر عينك به ويقر عينه بكِ .

__________________