السلام عليكم ورحمه الله وبركاته



ماني عارفه ابدا موضوعي لاني اصلا ماعمري نزلت موضوع هنا كت دايما اكتفي بالقراءة ومع بعض الردود لكن لاحظت بالفترة الاخيرة كثرة مواضيع بهالقسم مواضيع تحبط الواحد فيها تشاؤم



فقلت مايبغالها لازم اكتب موضوع اقول لكل البنات هنا او اغلبهم توكم الحمدلله صغيرات للان



والى يشوف مصايب غيرة تهون عليه مصيبته يعني اغلب الى بالقسم لاحظت اعمارهم ماشاء الله ماتعدت26 يعني توكم ان شاء الله بعمر الزهور صحيح ان الى كبرنا اغلبهم متزوجات وصاروا امهات بس هذا مايمنع ان فيه ناس اكبر منكم ومتعذبات اكثر منكم



واكبر دليل اختي وانااختي عمرها 28 سنه وللان ماتزوجت ولاوظيفه والاغيرها وعلى كذا حالتها من سي لأسواء الله المستعان يعني كل ماقلتلكم حالتها زفت زفت يعني تقدرون تقولون نفسيتها بالحظيظ كل الى كبرها معاهم عيالهم , وزيادة على كذا اختي الى اصغر عنها بسنه انخطبت وهذي كانت الشعرة الى قصمت ظهر البعير صارت ماتتكلم مع احد حالتها حاله والواحد مايقول كلمه ترد عليه بعشرة لكن ربي ولك الحمد اشوفها يوم اجلنا زواج اختي اشوي, لعل وعسى يجيلها ولد الحلال ان شاء الله قريب مو بعيد عاجلا مو اجلا لها ولي ولبنات المنتدى صارت تتكلم معانا وتضحك بس للان اذا جبنا طاري زواج اختي تنهار نفسيتها الله المستعان




وانا يالي مكلمتكم عمري 25 سنه وعاااااااااادي الحمدلله موقنه بالله كل خير وان شاء الله بقدوم هالشهر ان الله يرزق اختي ويرزقني ويرزق كل بنات المنتدى عاجلا غير اجلا وشيلووووو فكرت التشاؤم والنظرة المشؤمه ماعند الله غير كل خير




يعني توكم يابنات صغنونات



وانا ماكتبت موضوعي غير تشجيع لكم ولي ولاختي ولكل بنت تاخرت بالزواج:14:




واخيرا لاتنسوووووووووووني انا واختي من صالح دعاكم

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

السلام عليكم ورحمة الله وبركاته



ياسلام على مواضيع التفاؤل

وعلى الروح المشرقة



انا اكبر منك بسنة ولما قريت موضوعك صدقت عمري صغنونة

موضوعك يونس الصراحة

بعدين غاليتي أختكِ حساسة شوي لازم تحاولين تكلمينها بكل هدوء

وفهميها إن كل الخير بلي يكتبه لنا ربي

وإن لكل شي أجل


وإن الإنسان راح ياخذ رزقه ولا بد فلا الحزن يقدم ولا يأخر

وربي أرحم بها من نفسها ومن أمها وما يقدر لها قدر إلا هو الخير لها

وحاولي تهدي من نفسيتها وتبينين لها إن هذا إختبار من ربي لها يختبر صبرها

يختبر إيمانها ويبي يسمع صوتها بالدعاء

وإن ربي كريم رحيم ماراح يردها

وقولي لها قصص البنات

وبيني لها إنها بنعمة وخير وأفضل من غيرها

وقولي لها ربي اختارك من بينا يختبرك لأنه يحبك

يعني حاولي تطمنيها وتهدين من نفسيتها


أسأل ربي الكريم الرحيم أن يرزقكِ وأختكِ وإيانا أجمعين الأزواج الصالحون بالقريب العاجل

إنه ولي ذلك والقادر عليه

__________________


سبحان الله وبحمده عدد خلقه
ورضا نفسه وزنة عرشه ومداد كلماته

ماشاء الله على روح التفاؤل عندك..
ياليت كل البنات هنا مثلك..
واختك ماتنلام صراحه صعب اختها الصغيره تتزوج قبلها لكن لازم تقنعينها أنه هذا نصيب اختها ونصيبها يجي متى ماأنكتب..

الله يزيد التفاؤل عندنا يارب ..ويعطينا على قد هالتفاؤل كلنا يارب
ويرزقج واختج وكل البنات الأزواج الصالحين يارب

عليكم السلام ورحمة الله وبركاته

الله يديمها عليك من نعمة والله يرزقك من فضله ويرزق أختك وبنات المسلمين جميعاً

صدقيني ياغموض المسألة ليست تشاؤم ولله الحمد ، لكن هذا المكان الوحيد اللي أفضفض فيه

من غير خوف أو قلق وبكل شفافيــــة

الحمد لله داخلياً عندي إيمان كبير بأن الله أراد لي الخير حتى لو إني لم أطيق هذا الوضع

والحمد لله كثيراً أنه رزقني الصبــر والتصبر أيضاً

قد تسوء النفسية لموقف ما أو كلمة من هنا أو هناك لكن بالأخير أيقن تماماً بأني بأفضل حال

قسمنا هنا مكاننا اللي يسمعنا ونسمع اللي فيه ونرتـاح ونريّح

ولا تزعليين تونا صغــار وأبشرك أنا أتعامل بالميلادي علشان أقول عمري 24

وانا اكبر منكن جميعاً عمري الان 28 سنة ولكن يعلم الله ليس في قلبي الا ان الافضل قادم لانني ذات مرة وتحت ظرف مؤلم جداً ولقلة ايماني وقتها احبطت جداًومالجأت الا لله وتوسلت اليه بكل ماأستطيع وانهمرت دموعي كثيراً في تلك الليلة فسألت الله بعدها راحة البال والطمأنينة ومنذ ذلك اليوم ولله الحمد والمنة لم اشعر باي شعور تعاني منه اخواتي المتأخرات بالرغم من ظروفي الصعبة والحمد لله على كل حال ويالله نعيش دنيا غير مليانة حب مليانة خير .

__________________
((رب اجعلني مباركا حيثما كنت.))

المفروض العشرينيات يطلعن برا القسم <<<< مطالبة للمشرفين

امزح



الله يوفقكم
.
.
.
.
.
.

بنان

__________________

من وجهة نظري
عنوسة افضل من زواج فاشل وطلاق

حلو التفاؤل

بس المشكله اللي مو متفائل من قلب يعني كلام يبرد قلبه شوي
وباقي الوقت يقعد يداري نفسه

الله يكون بالعون واختك لازم تكلمينها و توقفين جنبها و تهدين نفسيتها

لاني مريت بهالموقف و الله يكون بالعون انهارت نفسيتي و صحت من قلب و صرت بحاله نفسيه الله العالم فيها

بس لجاءت لربي كنت خايفه على نفسي تصير فيني سكته و الا شي بس الحمد رحت لصديقتي و صحت و فضفضت وكانت كفو ريحتني و طمنتني
قالت لو كنتي مطلقه وش راح يكون موقفك ونفخت راسي بكلمتين انتي احسن و اشطر و من هالكلام و احمد الله عدت الحاله على خير ل=بس اوقفوا جنبها و لا تحسسسونها بالنقص وخلوها تفضفض
هي صدقوني متفشله من اهلها تحس بالنقص تمام مثل اللي حسيت فيه

الله يكون بالعون
وشكررا على الطرح لمميز

أيوه للحين مازلنا في عمر الزهور << تصبر عمرهـــــا

أن شاء الله إذا دخلنا عمر الشجر يكون معنا عيالنا