__________________

في الحديث الذي لا يحضرني نصه:
(كان رسول الله صلى الله عليه وسلم يعلمنا الاستخارة في الامور كلها)

فالاستخارة من الدين

ورأيي انك تسألين جيداً حتى يتبين لك
اخلاق الرجل تماما
ثم استخيري
ولعل الله ييسر لك الخير بفضله

طيب انتي كيف تحكمين على الاستخارة جيدة أو لا

انا سمعت ان الاستخارة مالها علاقة بالنفسية لان النفسية أصلا بتكون مشوشة ..وماراح تقدرين تاخذين قرار ..

والاحلام في ناس تعتمد عليها بس مو شرط الوحدة تحلم يعني ..اذا حلمت خير وبركة واعتبرها هدية من رب العالمين ..لكن اذا ماحلمت ..شي ثاني

أنا اعتقد ان الاستخارة لها علاقة بالتساهيل ..يعني تمشين في الموضوع وتشوفين اذا الأمور تيسرت أو لا..

أنا مثلا لما يتقدم لي حد ..

يجون الأهل يشوفوني واذا عجبتهم ...وكلموا عشان الرجال يبي يشوف ..مايدخل البيت إلا بعد مايسألون عنه اهلي زيييييييييييييييين ..واذا سألوا عنه وطلع أوكي ..

يجي يشوفني واشوفه ,وإذا صار قببول من الطرفين ..ومشى الموضوع أنا اعتبرها نتيجة استخارة ..

يعني عن نفسي استخير مع أول خطوة وأشوف الموضوع شلون يمشي ..واللي الله كاتبه لي يصير

بس مو دايما الاستخارة تضبط ..
يكون فيها حكمة يعني ربي يشوف صبرج ورضاج بالقدر

أنا لما خطبني طليقي سويت هذا كله واستخرت ..واخر شي انفصلت بعد الملكة ..سبحان الله ..انا اعتبرها نتيجة استخارة..

خليها على الله وربج كريم ..وبالتوفيق يارب ..

كملي الاجراءات واذا مافي نصيب او غير جيد الله سبحانه وتعالى سيصرفه عنك

اختي غزالة البوادي ..

كيف يعني الاستخاره جيده او غير جيده ؟؟

الاستخاره هي : الشىء الذي يختاره الله لك .. يعني مليون بالميه جيده (على حد تعبيرك)

اذا سألتوا عن الرجال .. وطلع كل المواصفات زينه .. فتعملين الإستخاره : اي تقولين لله (إلهي انت اختار لي) ..

فإن تيسر الامر وكتب الرجل من نصيبك .. فأعلمي بانك في سعاده معه إن شاء الله .. من غير حلم ولا شىء .. فقط تيسيير الامر .. الحلم مو ضروري ابد .. مثل ما قالت وحده من الاخوات .. (فيعني ان الإستخاره جيده .. فأمورك تيسرت)

اما اذا ما تيسر الامر .. فأعلمي ان الله قد صرف عنك هذا الرجل لانه سوف تتعسين معه .. (وايضا في هذه الحاله الاستخاره جيده)

الله ينولك إللي ببالك .. وييسر لك الزوج الصالح .. ويكون لك مثل ما تريدين وتكونين له مثل ما يريد ..

__________________

السلام عليكم..

أسير..
شكرا لك عالمرور.. وإن شاء الله..
سأسأل جيداً عمن سيتقدم لي..

اعذروها..
شكرا لك أختي العزيزة..
انا قصدي إني أحكم على الستخارة عن طريق الحلم أو الراحة النفسية مثل ما ذكرتي!!
الله يوفقج يا اختي وان شاءا لله ربي يعوضج باللأحسن..
عشان جذي انا ما ابي اتخبط.. معتمدة على ربي إنه يختار لي الزين..
ويااااااااااااارب يسهل لي الموضوع.. وأخبركم بأني عرووووس!!

الرماني..
شكرا لك على المشاركة..
وجزاك الله خيراً عالنصيحة..

عابرة سبيل..
انا أقصد يا اختي.. أنني اقوم بعمل الاستخارة..
وبعدها لا اشعر بإرتياح.. لكن على ذلك..
أوافق على الشخص!!
وبارك الله فيج على هالدعوة الطيبة اللي أثلجت صدري..
ولك بالمثل يالغالية..

__________________

السلام غزالة شلونج ...

انا للحين مااتصلت فيني الخطابة ..يارب اذا كان في اتصالها لنا خير تتصل ..وتتيسر امورنا يارب

__________________

يوووووووووه 4شهور.....الظاهر انا كثير مستعجلة ..

الله كريم ان شاء االله بس خلنا نكثر الدعاء هاليومين..وربي يكتب لي ولج وكل البنات النصيب اللي يفرح قلوبنا يارب ..

إن شاء الله نبشر بعض قريب يارب

الاستخاره مثل ماقالت اعذروها .. مو لازم ترتاحي .. لكن ممكن ينقبض قلبك في حالات


وممكن انها تتيسر الزاوجه وممكن لا ..


انا بزواجي الاول صليت الاستخاره وسألنا عنه وتغاضينا عن عيوبه الكثيره .. ومشينا الامور من غير اي منغصات .. وبعد الزواج بشهرين انفصلنا وطلعت العيوب اللي تغاضينا عنها هي سبب الطلاق ..


ولمن سألت الاستاذه عن حالتي واني صليت الاستخاره لكن ماتوفقت .. قالت هاذا ابتلاء من ربك واختبار ..


وفي خطوبتي الاخيره كان العريس مواصفاته واخلاقه جدا حلوه غير انه راتبه قليل جدا ووافقنا عليه ..

وشافني ولبسني وكان ممكن اتزوج بالصيفيه هاذي .. لكن سبحان الخالق صليت الاستخاره قبل الملكه واتفركش الموضوع كله .. بعد ان كان ميسر ومسهل لمدة شهرين من الشوفه الشرعيه .. مع العلم ان العريس جدا جدا ممتاز .. لكن توفيق الله والنصيب فوق كل شي


انتي خذي بالاسباب واسألي عن المتقدم لكي وقبل كل شي صلي الاستخاره واللي مكتوب على الجبين لازم تشوفه العين


الله يرزقك الزوج الصالح الطيب اللي يقر عينك ويعيشك ايام حلوه

__________________


اللهم فرج كربتي ويسر امري واكتب لي الخير يارب