السلام عليكم ورحمة الله وبركاته

مساكم الله بالخير جميعا

بدون المقدمات ابي اطرح المشكلة على طول

والمشكلة تخص بنت عمي الله يهدي زوجها

السالفة ومافيها

عندي بنت عم عمرها بعمري 22 سنة وزوجها عمره 24 سنة متزوجين (فترة الخطوبة 3 شهور ملجة + الزواج شهرين)

الحصيلة اهي مع زوجها الحين 5 شهور بالخطوبة والزواج

حطو لهم انترنت بتاريخ تقريبا 8/9/2007 ومنها ابتدت المشاكل والاتصالات الطويلة الي تاخد بساعة وساعتين

اول شي بدت تشك فيه وماصدقت وقالت له انا متضايقة من اتصالات البنات هذولي قال لها هذولي زميلاتي في العمل الاولي ويتصلون يسألون قالت له طيب يسألون نص ساعة وساعة وساعتين وبرى البيت المكالمات
يطلع ويقول لها بروح اشتري دخان لصديقي ويطلع مايرد الا بعد ساعة او نص ساعة وادا اتصلت فيه تحصله على الانتظار

يطلع من الدوام مايرجع الا بعد انتهاء الدوام بساعتين او 3 ساعات
في يوم قال لها بطلع شوي البقالة وبرجع

واخذ له ساعتين بعدين رجع

ودخل الحمام وفتشت تلفونه وطلعت اخر رقم اتصل منه

واخذته يوم ثاني راحت تلفون عمومي واتصلت منه وطلعت بنت وهزأتها تهزأ كلام كبير واايد وقالت له انا زوجة الي تكملنيه يلي ماتستحين

والبنت تقول لبنت عمي والله انا وش دراني انه متزوج ماقال لي وهذا مو شغلي بقواة عين

اخذته كم مرة على جنب وصارحته ويصير اوكي يومين فقط وترجع حليمة لعادتها القديمة
وهو كل البنات تركهم الي قبل بس هذي البنت قوية العين للحين تكلمه ويكلمها
ورجعت تكلمه وتفهمه اكثر من 5 مرات يمكن

وفي مرة وحده تغيرت عليه وسألها ليش تغيرتي قالت له لاني مو مرتاحة معاك وانت تكلم بنات وتبديهم علي وانا الي حبيتك واخلصت لك وضميتك ولميتك وهذا جزاي؟ قال لها بس انا احبج قالت الي يحب مايسوي الي تسويه ويخلص ويوفي هو سكت ورجعت قالت له انا بعد اقدر اخذ ارقام اولاد عمي واولاد جيرانا او اعطيهم رقمي واتصل اسأل عنهم ويسألون عني مو عادي المسألة عندك مثل ماتسوي انت ترضى؟ قام يصرخ عليها ويقول لها انا وقت مابيي البيت بيي والي بتصل لهم بتصل لهم كيفي وعصب

وقامت كلمت امها وامها تكلمت معاه وقال لها ليش تكلمين امج ترى ان كررتيها مالج الا بيت ابوج برجعج له
وامها الحين قالت انا ماراح اتكلم هذي مشاكلج حليها معاه

واختها تقول: لها لازم نكلم ابوي وعمي(ابوي انا ) نعلمه بفعايله والبارحة اتصلت لي تعلمني السالفة وتبي حل وانا والله انصدمت فيه ماتوقعت بذات من هالشخص يسوي جذيه

واعطتني رقم البنت وقالت انها اتصلت على شركة الاتصالات تبي الرقم بس قالوا لها هذي اشياء خصوصيه مانقدر نعطيج اسم صاحب الرقم

هذي القصة

وهذي اقتراحاتي عليها :
- نتصل على البدالة ونعطيهم الرقم يمكن يعطونا اسم صاحب الرقم
- واذا ماصار نشتري شريحة جديدة واكلمها انا واتعرف عليها على اساس بخطبها واخذ اميلها واعرف اسمها وعمرها وبعض المعلومات عنها وبنت عمي تقول انتي بس ييبي لي اسمها ومعلومات عنها وانتي ماعليج

مع ان الحل الاخير مو مقتنعه فيه لانه طيب وعرفنا البنت وعلمنا اهلها هو بيرجع للجات وبيجوف له بنت ثانية
انا ابي حل يخليه يشيل الجات من راسه وينتبه لبيته وبنت عمي حرام شهرين بس زواج ويسوي فيها جذيه
وماصار جذيه الا يوم حطوا لهم انترنت ومن قبل علاقاتهم ممتازة وبعد تعرف الرقم السري لايمليه وتدخل عليه بس ماتسوي شي وتجوف انه فيه بنات وفيه شباب بس هو مايهمه المسنجر و الجات يعني ياخذ رقم البنت ويبتدي يكلمها بعيد عن الانترنت

والحين بس ماسك على ذي البنت بس
وبنت عمي مقهورة وفي حوسة

وقالت بتكلم وحده من صديقاتنا علشان تكلم البنت من تلفون الشغل بس انا قلت لها لا توسعين الدائرة وتفضحين زوجج والكل يعرف عنه كل ماتقدرين داري على الموضوع الحين

وكلمت انا زوجة اخوي لانه عندها بنت خالة تشتغل في شركة الاتصالات مسئولة وبعد ماقدرت تعرف اسم صاحب الشريحة لانه خصوصيات مثل ماقالوا من قبل

وقلت لها احذفي الجافا سكربت الي يشغل الدردشات في اي كمبيوتر بس مثل مافهمت من بنت عمي انه يفهم للكبيموتر وايد يعني يمكن بيرجع يسوي داونلود للجافا من جديد من النت
واقترحت عليها بعد انه تحجب الموقع لانه هو موقع واحد الله ياخد هالموقع الي مسوي بلوى لنا
انها تقفله من النظام داخل لكن بنت عمي ماتعرف للكمبيوتر ولا تفهم له زين تفتح الموقع وتصفح المنتدى وتفتح اميلها وتسكره

واخاف تجيبه لي واحجب لها الموقع واحذف الجافا بعدين يكتشف انها مو هي لانه يدري انها ماتعرف للكمبيوتر ويمنعها تقرب للكمبيوتر

ولا ادري تصرفي معاها صح

وشلون افيدها احرقت قلبي عليها

دلوني فيدوني نورني

مع العلم هو ساكن مع اهله في بيت عمي
يعني تقدرون تقولون ساكن في بيت زوجته
لانه صارت له سالفة قبل مع ابوه وطرده هو امه واخوانه من البيت وصفوا في الشارع ابوه واحد مو زين
وبنية عمي قالت لابوها يعطيهم بيتهم الثاني(عمي عنده بيتين) تسكن فيه هي وزوجها واهل زوجها وماقصرت معاه ضفته هو واهله وهذا جزاها!!

والليلة بتيي عندي وتبي حل قلت اخليكم تشاركوني هم بنت عمي ومشكلتها يمكن تقدرون تجفووون حل معاي
نوروني بحلولكم بلييييز

__________________

شوفي يا أختي


مسألة انكم تعرفون البنت اللي يكلمها زوج بنت عمك ، أحس أنه حل غير مجدي


إذا عرفتوا البنت يمكن يكلم وحدة ثانية



أنت حاولوا تقنعون الزوج بأن هذا تصرف خاطئ بطريقة ( إياكِ أعني وأسمعي يا جارة)




مسألة ثانية : خلي بنت عمك تعامل زوجها معاملة الطبيب للمريض ، وليست معاملة الشرطي للحرامي
( صحيح إن كل التعاملين فيهم قسوة ، لكن التعامل الأول للمصلحة ، والتعامل الثاني للإنتقام)



عموما الأعضاء بيفيدونكِ بالطرق المناسبة




أسأل الله أن يسعدكم في الدنيا والآخرة

__________________

حبيبتي الله يعينكم على مابلاكم

الله يهدية

كلام اخي زوج من المستقبل كلام سليم ومنطقي جدا

عالجوا المشكلة من الجذور وجذورها هو الزوج نفسه لأنكم لو اقنـعـتم البنت بعد الاتصال به نهائيا لن يعدم وسيلة أخرى ليجـد بنت أخـرى يؤدي معها نفس الدور وبنات الحرام كثيرون .

إذن المشكلة الاساسية في نيـة الزوج نفسه واخلاصه لزوجته وضعف وازعه الديني ..

يجب عليها ان تعالج زوجها بالطرق الممكنة حتى تستطيع حل المشكلة ..

زوج في المستقبل

اهلا بك اخي اسعدني مرورك جدا


كلامك لا بأس به
جيد جدا

الطريقتين ينتفع بهما ولكن كيف ؟؟؟

مثلا تطرش له رسايل على اميله عن قصص مماثلة وذكر النهايات الاليمة مثلا؟


وهذا كان راي بعد اني المشكلة مابتنتهي بمعرفة البنت واهل البنت وتحذيرهم

فعلا الموضوع محتاج حل مجدي

شكرا لمرورك الكريم



لليانة

اهلين غناتي
شرفتي

تسلمين على الدعاء
والله يعين الجميع



حارس الازواج
اهلا اخي بحضورك الكريم
صح هو ماراح يرتدع الجات موجود ويدور له بنت ثانية ومثل ماتفضلت بنات الحرام وايد
هذا الي نبيه نعالج المشكلة من الجذور
واذن ماهي الطرق؟؟
لاني احس نفسي عاجزة عن ارشاده ونصيحتها
عندك طريقة او خطة نمشي عليها مثل ماقلت ومن الجذور نقتلع ممارساته؟؟
اكون لك شاكرة من الاعماق

واسعدني مرورك واهتمامك وتعقيبك


اريد حلول منطقية وتبدأ بالصفر معه مو مشكلة

بس ساعدوني عطوني حلول الله يسعدكم

__________________

معقولة ماحد عنده حل ؟؟!

مو هذا العشم فيكم

ساعدوها يوفقكم الله ويفك ضيقتكم ان شاء الله

مثل ماراح تفكون ضيقتها

__________________