اخواتي الارامل اسفه على ازعاجكم مقدما لكن عندي مجموعه من الاسئله اتمنى تجاوبوني عليها عسىولعلى يرجع التوازن لنفسيتي لاني احس اني راح انجن او اخسر كل الي حولي واحس اني بغيبوبه وما اريد اصحى منها والاسئله هي 1- كيف يمكن تجاوز السنوات الاولى من وفاة الزوج بما فيها من لوعه وحزن؟ 2-متى يبدا الطفل يسال على والده ؟ او يحس بالحرمان منه ومن حنانه ؟ 3-شلون تكون ردة فعلكم لما تشوفون احد قريب يتزوج ويعيش سعيد؟لاني الاحظ اني انقهر حيل واصب عصبيتي على بنتي 4-تحسون ان ما في احد مقدر احزانكم وانه الكل مهتم وملتهي بنفسه و انك فقط الحزينه؟ 5- اصبحتوا تحسون انكم تكرهون اهلكم ؟ 6-تفكرون بالزواج من شخص ثاني والا لا؟ طيب اذا نعم وين يروح الحب الاول وهل بالامكان تجاوزه؟ 7- تجيكم حالات تحسون بيها بالذنب تجاه ازواجكم المتوفين لانكم زعلتوهم في يوم من الايام .؟ وشلون تتجاوزون هذا الشعور القاسي؟ 8-تحسون انكم ما عدكم حظ لانكم ترملتوا ؟ وتبدون تحقدون على الكل والالا 9- شلون اتجاوز حاجاتي النفسيه والعاطفيه لزوجي واتقبل الواقع الم؟ 10-طيب تفكرون انكم تحبون ازواجكم المتوفين جدا وتحبوا تكونوا زوجات لهم بالجنه وبنفس الوقت تحتاجون انه تتزوجوا شخص ثاني يلبي احتياجكم للحب والحنان وعليهذا الاساس راح تخسروا ان تكونوا زوجات لازواجكم المتوفين بالجنه؟ والا ما خطرت على بالكم هي المعادله الصعبه؟ 11- شلون اعوض بنتي عن وجود الاب ؟وما اخليها تحس باي نقص ؟طبعا مو قصدي ماديا لاني ماديا ما عندي اي مشكله ماديه ؟ 12-شلون اتجاوز الاحساس باني سبب وفاة زوجي بانتقادي الدائم له ولهذا السبب الله حرمني منه

__________________