السلام عليكم ورحمة الله..

صباح الورد وعيدكم مبارك خالي من القنابل الفتاكة التي مزقتني صباح العيد

الحمد لله والله مبسوطة وزوجي علشان ما اتكلم في ظهره عسل وطيب وصبووووور

وحلو

وقصتي تقول

في صباح العيد واول عيد اعيد أنا وهو لوحدناااااااااااااا.... يعني بسطة ما وراها..

صحيت الصباح وجهزت له قهوة الصبح وطلع يصلي الفجر ورجع علشان يلبس ثياب العيد ويروح للمصلى

طبعا حرمت نفسي ما اطلع معاه علشان يرجع والفطور جاهز والعود يفوح في العمارة..

جهزت الفطور ولبست وطلعت قمررررررررر وجهزت هديته إللي هو ما فكر (والله اعلم عنه يهدي لي)

وهذي سفرة الفطور وهديتي له..





المهم جاء وفتح الهدية وافطر وشكرني..

وبعدين سألته ( وهنا بعد قليل بتنفجر القنبلة) وش رايك بالفطور و صباحية العيد وإحنا لوحدنا..

قال : حلوة الله يجزاك خير بس العيد ماكملت فرحته..

قلت ليه ماني ماليه عينك..

والهدية ماهي عاجبتك

والكيكة سهرانة الليل علشانها..

وفي النهاية تقول العيد مايكمل إلا مع الاهل..وخمس سنوات نعيد معاهم وانا بعيدة عن اهلي ولا قلت لك

عيدي ما يكمل إلا مع اهلي..خايفة اجرح مشاعرك..

المهم سكت ولا قال كلمة..

باالله إيش رايكم في رده على سؤالي ؟؟

ومين معاه حق ؟؟

وهو إللي اختار إنا نعيد هالسنة بعيد عن اهله..

وفي النهاية يقول العيد ما تكمل فرحته إلا مع الاهل

انتظر ارائكم وحلولكم المعقولة واتقبل عزائكم في اشلائي المتناثرة بعد قنبلة العيد..