انا كنت نزلت الموضوع ده قبل كدة بس من غير صور فقلت انزله تانى بس بالصور للتوضيح و اطلب من المشرفة انها تحذف الموضوع السابق

اليكم الطريقة و المقادير

اول حاجة نجيب كيلو جمبرى مقشر و نفتح الظهر عشان ننظفه (و دى حاجة مهمة جدا فى كل انواع الجمبرى عشان انا سمعت من واحد سماك ان الكيس اللى فى ظهر الجمبرى بيجيب فشل كلوى) و نفتح الظهر بالشكل ده



و نشيل كيس الرمل بالشكل ده لحد ما نتأكد ان ظهر الجمبرى نضيف





و بعدين نحاول فتح ظهر الجمبرى اكتر لحد ما يكون شكل الجمبرى مبطط مثل صدور الفراخ المخلية بالشكل ده





و بعدين بنغسله و نتبله بالتتبيلة اللى فى الصورة و هى عبارة عن
صويا صوص حوالى 2 ملعقة كبيرة
ملعقة كبيرة كمون
2 ملعقة كبيرة بهارات سمك مخلوطة ( انا بجيبها اكياس جاهزة)
ملعقتين صغار ملح
من 6 الى 7 فصوص ثوم مدقوق
عصير ليمونة




و نتبل الجمبرى بالتتبيلة دى و نتركه حوالى ساعة ليتشرب مذاق التتبيلة

بعدين نحضر خلطة البانية و هى حوالى كوب دقيق
2 بيض + 1\2 كوب لبن + ملح + فلفل



بقسماط و نضيف عليه بعض الكمون



و بعدين نحط الجمبرى فى الدقيق و نغلفه كويس



و بعدين نحطه فى خليط البيض باللبن



ثم بالبقسماط



و نجهز الكمية كلها ثم نحمرهم فى زيت غزير و يكون جاهز



و بالهنا و الشفا و ان شاء الله تجربوه و تدعولى







الإشراف: تم تعديل العنوان


indienne

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة