السلام عليكم ورحمة الله وبركاته
لأول مرة اطرح مشكلة في هذا الموقع الأكثر من رائع والله لايجيب مشاكل بس حبيت استشير ذوي الخبرة والمعرفة بهالامور ..
استقدمت خدامة وجتني قبل شهرين طبعا .... لاني حامل وعلى وشك ولادة وعندي طفل عمره سنتين ونصف بس للأسف جتني كبيرة بالسن مو هنا المشكلة !!
اذا ناديتها جلست سنة ماتنزل لي ومثلكم عارفين الحامل باخر شهر ماتقدر تسوي كل شئ ولدي انا متكفلة فيه وانا اللي أأكله واشربه والبسه ونادر ماخليها تلبسه الا اذا اضطريت حتى لو كان عندي مراجعة في مستشفى اوديه للوالدة الله يخليها لي حتى شغلها مايعجبني اي كلام ولا تسويه مرة وحده على مراحل متقطعة تقول انا اتعب بسرعة ومع كذا مااحاسبها مخليتها على راحتها مع ان بيتي شقة صغيرة مو فيلا ّّ استهلكت ميزانية زوجي بالطلبات شئ من الصيدلية وشئ اكل مفجوعة عليه بس مع كذا ماقلت شئ واخرتها موقف نرفزني بقووووووووة وعجزت انام من القهر وقعدت اكتب المشكلة لكم وافضفض لكم جايين من بيت اهلي واقولها لبسي الولد بيجامة قالت بروح الحمام الله يعزكم واجي وراحت ولا جت واسمعها لين وصلت غرفتها وهي رافعة صوتها وتتكلم زعلانة والله وماحلفتوني اني اعاملها بكل احترام وعن جد قلت لزوجي بسفرها ماابيها وهو ماعارض بس افكر كيف ؟؟ خايفة تضرني وتاذيني لانها لسه ماكملت ولاجت تشتغل الا هي محتاجة او اني انقل كفالتها بس مو عارفة كيف انتو عارفين بعض الخادمات الأجنبيات مايتعاملون الا بالسحر فابغى طريقة اشيلها عن وجهي بدون ماتاذيني عن جد تعبت نفسيتي مو قادرة ارتاح لها ابد

الإشراف : أرجو الإبتعاد عن ذكر جنسيات بعينهـا + توضيح العنوان

__________________

بسييييييييييطه بيعيها على احد ثاني =انقلي كفالتها

وثقي بربك قل لن يضركم شي الا ماكتبه الله لكم

:أختي الكريمة:

أنا أنصحك أنك تسألينها بصراحة : أنت ليش جئت ؟ إذا كان قصدها العمل فاعطيها فرصة لكي تتغير وهدديها إذا ماتغيرت أن زوجك يسفرها .

وعليك بصلاة الإستخارة وكثرة الدعاء أن الله يعطيك من خيرها ويكفيك شرها ، وحصني نفسك وولدك بالأذكار ، ولن يصيبك أذى بإذن الله .

والله يحفظك ، ويسهل عليك الولادة ويرزقك الذرية الصالحة إن شاء الله.

__________________

اختي لك مجال ترجعين الشغاله على المكتب لفترة ثلاث شهور
وايذ مارضو قوليلهم انها مانبغي تشتغل
وبعد لاترخين معاها واجد لانهم مانعطون وجه
((امي عيوني جاتها شغاله تذبح من الوصاخه والكسافه بس من كثرمانكلمها ونشد معاها تحسنت 70%وعلى هذا لين الحين مو عاجبتناعجوز وتبط القلب الله يعينك عليها((بس انتبهي على طفلك منها لان هالاشكال مالهم امان

رجعيها للمكتب افضل شئ 0000 والكبيره في السن ما تنفع اسألي مجرب كانت متعبتني

وما صدقت انها تخلص مدتها وراحت وقالت بترجع وانا رفضت

وجبت شغاله صغيره في السن كانت ممتازه وتتحمل الاطفال والله انها راحت وانا ادعيلها من كل قلبي

الله يكون بعونك ويفرج همك ويسهل عليك الولاده يارب

__________________

أم فوز ومنتظرة وهوى البال وحنين الود ..
يعطيكم الف عافية على مروركم ..
بس حاليا بسكت عنها لين اولد واقوم بالسلامة واذا ماتعدلت راح اسفرها او انقل كفالتها لان الحين رواتبهم ارتفعت وهي لسة على عقدها القديم راح تكون مرغوبة والله يختار مافيه الخيرة المباركة ..

__________________

الله يوفقج وييسر ولادتج ويحفظكم من كل شر ويغنيكم عن هالخادمة ويعوضكم بغيرها وأحسن منها يارب في هالايام الفضيلة كثري من الدعاء... موفقة يالغالية.....

__________________

تاجي حجابي..
يعطيكي الف عافية حبيبتي على مرورك ودعوتك الغالية ..

__________________

الله يهون عليك ويرزقك بخير منها 00والله انهن حظوظ

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

سحابة الصحراء والله انك صادقة حظوظ الخدامات ويعطيك الف عافية على مرورك يالغالية

__________________