السلام عليكم

ابشركم انا انحلت مشكلتي مع خطيبي وصرت اتكلم معاه واسولف غير اول

وطحت في مشكله امر منها الي هي

قالي انتي وحده ناشفه ماتتكلمين كلام حلو ترى السوالف ماتفيد
ابي كلام معسول ومثير ابي دلع ابي كلام....(انتو افهمو ايش يبي)

بكلامه هذا تحطمت انهميت وتعبت من التفكير

كره اكلمه بس حبي له مصيطر علي تعبت وتعبت وتعبت


فيدوني ايش الحل معاه وكيف البنت تتدلع بالتلفون

مثل ما يدلعك

بصراحة مريت بتجربتك و وكان خطيبي مثلك و الحمدلله عديتها

يعني سمعيه كلمات الحب

قولي حياتي حبيبي بين الكلام مثلا و مدي الكلمات

فجاة وهو يتكلم قولي تدري ان صوتك حلو

و جي يعني

الطبيعى يكسب
يعنى خليكى احسن بطبيعتك ولازم هو يحبها كده
لكن لامانع انك تتعلمى الزوووق وحسن الكلام
لكن دلع بلا دلع بنات
بكرهو بحس انه مصطنع
لكن الطبيعى بيخلى كل الدنيا تتعلق بيكى مش خطيبك وبس
ياترى فهمتينى
اتمنى ذلك

__________________

حبيبتي اول شي الله يوفقك ان شاء الله
وثانيا حبيبتي هدي اعصابك
والدلع يالغاليه مو انك تقولين كلام يهز حياك (انتي فاهمتني )
حاولي تتدلعين بس انتبهي تبينين له سوي نفسك دلووووعه كذا من الله
اول مايكلمك قولي مثلا ( هلا عمري هلا حياتي هلا دنيتي ) بس تتدلعي وانتي تقوليها
قولي وش سويت اكلت شربت شبعان جوعان احد مضايق اذ قالك الحمد لله قولي اهم شي انت عندي
حسسيه انك تحبينه موووووووت
والله اذ سويتي شي واحد وسمعتي كلامي شوفي شلون راح يتغير معك
الرجال يحب يموت باللبنت المعجبه فيه
حسسيه انه احلى واروع واذكى واشطر واحد بالعاااااااااااااااااااالم هذا كله وانه لو جابو لك كل الرجال العالم مايملى نظرك
الا هو
دلعيه دلليله بادليه الاحاسيس بس بالعقل اذ قالك كلام جنسي اسكتي واذ قال ليه ماتردين علي قولي انا استحي ياعيوني
لاتزعل مني انا مشاعري كلها معك لكن ماني عارفه شلون اعبر لك



فهمتني ؟؟
خليك ذكيه دلعيه بحدود المعقول انا عارفه انتي وش تستحين منه بالضبط انا بنت زيك وفاهمتك لكن الرجال وقت الخطوبه
والملكه تكون مشاعره متهيضه شوي وده يعبر عن شعوره
انتي لا تخسري خطيبك وحاولي تتدلعين بالكلام كانك طفله بس لا تخلينه يحس كانك انتي كذا طبعك اضحكي وخليك مرحه ودلووووعه واحيانا مجنووونه وشوفي وش راح يصير
اكسري بعض الحواجز عندك بس كل شي بالعقل تقدرين والله تعطينه كل الي يبي وانتي بكامل حياك وانوثتك
يلا انا معك وبنتظر وبشوف شطارتك
وانا عارفه انك قدها وانك ست البنات وست الدلع يالحلوووووووووووه يالمزيووووووووووونه

اختك الدبه ساحرة النظره

syntax &المصرية مشكورين

بس ابي طريقه لدلع هذي وكيف اقول الكلام الحلو ابي امثله

مشكورة ساحرة النظره وماقصرتي في الرد


لا اليوم ببشرك ان شاء الله بس دعواتك يا ختي لا تبخلين علينا فيها

اممممممممممم........

شوفي انتي ادلعي دلع بنات مو اكثر

لاني كنت في مثل حالتك بعطيك امثلة زيادة


يعني اول ما يتصل خل يكون في صوتك نبرة فرح وقولي هلا والله

و اذا سالك عن اخبارك قولي تمام وبصحة و عافية دام سمعت ها الصوت

واساليه عن اخباره وشغله....... كيف صحة الحلو...... كيف كان الدوام يا بطل

ولما تناقشينه ....... ليش يا عمري انزين حياتي حبيبي وانا بعد اقول جي


ومراات استهبلي و اتصلي عليه واقعدي اضحكي بلا سبب وحجتك توتر دراسي مثلا

كوني مجنونة معاه واطلبي منه ايس كريم او مصاص

سوي روحك بنت صغيرة وانه هو ابوك


دلعي اسمه





اتصلي فيه قبل ما تنامين وقولي يا ( اسمه الدلع) انا بنام اللحين تامرني بشيء؟؟ تصبح على خير

لا تنسى اذكار النوم والوضوء......... صحيني لصلاة الفجر

بس مو كل يوم من فترة لفترة



لما تشتاقين له وينقطع عنج فترة طويلة ...... قولي تدري شو اتمنى..اني اتحول عصفورة صغيرة
و اطير اطيير اطييير و اوصل عندك...... بس علشان اشوفك و اتطمن عليك

جزاك ربي خير اخيتيsyntax، اختي نصحتك روحي دوري مسجات حب ، واختنا اكتي اشيا اكثر عشان نستفيد للمستقبل واختي ادعي بالصلاه انكي تكوني قره عينه

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

قوليله لما تطلع بيتنا يظلم لأن القمر مشى، هاي شفته في منتدى، وقوليله انت احسن (اسمه بدلع ) في العالم كله، اموت في وفي عينك وقولي كل شي تحبينه فيه للأسف هاي اللي قدرت احصله بروحي نفسك ماعرف كلام حب ما عندنا تجارب عشان كذا ما نعرف نقول

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

شكراعلى الردود