زوجي وديونه وعصبيته والفقرررر!! - منتدى عالم الأسرة والمجتمع

19-02-2004, 05:39 PM

ام تغريد

عضو جديد

تاريخ التسجيل: Feb 2004

المشاركات: 3

زوجي وديونه وعصبيته والفقرررر!!

السلام عليكم ورحمة الله وبركاته

الى جميع اعضاءالمنتدى الكرام

اناماكتبت هالموضوع الا ابغى افضفض عن اللي بنفسي وتشاركوني همومي من غير ماغثكم

وانامالجئت الا لهذالمنتدى الا يوم اني شفت طريقة ردودكم وتعاونكم مع بعض
فحبيت تبدون رايكم وتساعدوني بمشكلتي
ربما حليتو عقدتنا!!

مشكلتي ان زوجي شديد العصبيه امس جالس يشرب قهوه وانسكب الابريق على الفرشه
وقامت قيامته وجلس يسب ويشتم الابريق والفرشه واللي شراها

واللي عمل القهوه ((طبعاانا))

يعصب على اتفه الاسباب
وانا ابتعدعنه لاعصب وتلقوني في زاوية الغرفه ابكي من شدة حزني والالم

اناتحملت عصبيته لاني عارفه ان العصبيه كلهامن الديون
تخيلو
اني مره قلت له يشتري فوط صحيه للاطفال((اعزكم الله)) ورفض وقال موجايب لاحليب ولافوط صحيه ولا شي!! وترك البيت

ورحت فتشت جيبه ومالقيت في المحفظه غير عشرين ريال !! سرقت عشره وخليت له عشره

ورحت شريت الفوط ((لبنتي)) ويوم جاء كنت خايفه يذبحني عشان الفلوس

سويت نفسي مريضه

الين اليوم الثاني

ولاراح الدوام ماعنده فلوس بنزين!!لمدة يومين
واخيرا وصل الراتب

وصاريعطيني وجه يوم استلم الراتب

وكل مره على ذالحال
وابي اشتري لي حذاء رفض

يعني

ديون وراناورانا
والعصبيه باي مكان وبكل وقت
وتخيلو مره سجنوه الشرطه على شان دين

مدة شهرين

واشتكيت حالنا للأمير وبغى يدفع لنا الدين..وفرحناوجلست اصيح من الفرحه وبنعيش بسلام حالناحالكم وناكل رز ودجاج مو بس رز يدخل بطنا لكن....انقطع علينالتلفون لان مادفعناالفاتوره ...ولاصارشي منهم!!

واليوم اراسلكم من بيت اهلي اللي رماني عندهم من شان نتغدى ونتعشى عندهم ويصرفون علينا!! الين يجي الراتب مره ثانيه

وهذا حالي مع زوجي
وحياتنا المكلله بالكآبه
وهذا سلسلة حياتي كلها
والباقي على الله
والخافي اعظم بس مابغيت اطوووووووووووول عليكم
<<<<<اللي عنده حل وشلون ننظم امورنا وحياتنا ولاعنده راي يساعدنا

ولاتقولون ارجعوللمسؤول
لان زوجي الحبيب
تهاوش مع سكرتير المسؤول وعفس الدنياولادفعو لنا ولاقرش!!

تعديل ـ وليد7

التعديل الأخير تم بواسطة ام تغريد ; 19-02-2004 الساعة 05:42 PM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 04:37 PM.

روابط سريعه