انا بتكلم اليوم على لسان صديقه لي .. تقول صديقتي وهي متزوجه من 12 سنه تقريبا ولديها 3 ابناء .. تقول زوجي يخوني و هي متأكده بس ما تقدر تواجه زوجها لان هو محذرها من عدم التفتيش من وراه .. يعني الزوج 24 ساعه مجابل الانترنت وتقول لم ادخل عليه فجأه اشوف بعض الصور الخليعه وترى آثار على الكلينكس مما يدل ان يمارس الجنس بالنت او العادة السريه ( والعياذ بالله ) وعنده صور بنات ومتأكده انه يكلم بنات ولا يسمح لها بان تلمس الموبايل ابدا ولكن هي بالخفاء استطاعت ان ترى بالموبايل بعض المسجات الوارده من بنات وفيها كلام جنسي يدل على ان الزوج رايح فيها .. وتقول ما اقدر اواجهه لاني لو قلت له بقول لي محد قالك تفتشين وراي وممكن يزعل او تصير مشكله هي في غنى عن المشاكل .. وساعات يقول لها بروح رحله عمل الى منطقه ثانيه بالدوله تحتاج ان يتغيب يومين .. ولم تشوف موبايل زوجها ترى انه متواعد مع وحده من صديقاته بانه سيكون بالمكان الفلاني .. واذا قالت الزوجه للزوج ان اكيد تروح حق بنات ولا تواجه بانها تشك بتصرفاته يضحك ويقول لها انتي تتوهمين ومافي شي وانتي كله تتخيلين حتى لم تدخل عليه وتشوف الصوره الخليعه اللي هو يشوفها تقوله شنو هذا يقول تتوهمين على قولتها يمكن لو شفته بالغلط وعلى فراشي راح يقول لي هذا مو انا انت تتوهمين .. المسكينه حالتها لا توصف فهي الحين تعاني كثيرا وليس بيدها شي .. صارت عصبيه سريعه التنرفز وحالتها حاله وبصراحه انا وخواتها خايفين عليها ..

انا اتمنى انكم تلاقون لنا حل في التعامل مع هذي الاصناف من اغلرجال كيف تقدر تغير حالة زوجها كيف تواجهه اذا امكن الامر شنو لازم تسوي .. ساعدونا بلييييز ..


على فكره قبل لا انهي كلامي ترى صديقتي هذي زوجه من الدرجه الولى بشهادة الجميع يعني ام ومربيه ممتازه وست بيت ماهره وعيالها ديم مرتبين وهي دايم مرتبه وبيتها نظيف في اي وقت تدخلون وموناقصها شي ابد وهذا الكلام بشهاده الجميع وعلى فكره ترى ما عندها خدامه بس بصراحه مو مقصره بشي ابد .. ولم سالتها يمكن مقصره بالفراش مع زوجك .. تقول والله اني على طول البس واتسنع له ومتى ما يبي عمري ما قلت له لا ودايم احاول ارضيه و كل بين فترة وفترة اسأله انا مقصرة معاك بشي .. دايم يقول لها لا بالعكس انا ما القى مثلك وليش تسالين هذا السؤال تقول علشان لو في نقص اكمله لك يقول لا انتي ما تقصرين .. وهي منصدمه طيب مدام مافي نقص ليش تعمل هذا الشي ما نعرف الجواب

بس اسفه طولت عليكم بس محتاجه حلول منك لو سمحتوا ؟؟

__________________
Nweerh

السلام عليكم ورحمة الله وبركاته

انصحي صديقتك انها تكلم اقرب انسان لزوجها يقدر يأثر عليه
واذا مانفع الكلام انصحها انها تطلب الطلاق ولا انو لا سمح الله ينقل لها مرض بطال
وانتي زي ماقلتي انها زوجه الأولى هو الخسران حيخسرها بتصرفاته دي

والله يصبرها...

أختك:
على البال

شكرا على نصائح بس المشكله هي تخاف ان لو تطلقت ان ياخذ منه عيالها وهي لا تستطيع العيش بدونهم .. وشي ثاني اشلون تطلب الطلاق شنو السبب ؟؟ تقول له انت خنتني وهذا الدليل راح يقول لها انتي تتوهمين ومحد قال لك تفتشين باغراضي وراح تنقلب السالفه عليها .. وزوجها ليس له اصدقاء كثار وما اعتقد ان احد يقدر يأثر عليه لان هو داهيه مو اي احد يأثر فيه .. بالنسبه للمرض .. هو دايم يعمل فحص دوري لنفسه خوفا من الامراض ومره زوجته كشفت لديه الوقاي الطبي مع العلم انهم ما يستخدومنه ولم قالت له شنو هذا بحكم انها كانت تنظف له السياره قال هذا لرفيجي مو لي .. وانكر السالفه

__________________
Nweerh

تطنشه وتعيش حياتها ولا كأن شي صاير...

لان في وضع كهذا لا يوجد حل غير هذا الحل...

فعلا تربي اولادها وتتجنبه اكتر يمكن يحس لا تتعب اعصابها الي زي ده لا يتبكي عليه وله رب هو الي سيحاسبه موش هي تفوض امرها لله وربنا يهديه لنفسه ولها

اللـــــــــــــه يعينــــــــــــــها..

معقول في ناس بهالشكل؟؟؟؟

طيب هي وين أهلها؟؟ ليش ما يتدخلون؟؟؟

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

السلام عليكم
مع احترامي للجميع وحلولهم بس الرجال ماينفع معهم الا المكيده يعني عندها حلين الاول انها تدخل عالم النت وتبين له انها مشغوله عنه بالنت وتحاول تبين له انه عندها اشياء ماتبغاه يعرفها والرجال يحبون الي يطنشهم ويجرون وراه بس خلي بالك راح يشك فيها يعني تسوي الخطه هذي بحذر (وتجيب خدامه علشان تتفضاله اذا فعلا تبي تد لها )
الحل الثاني انها تسوي زي طاش ماطاش وتوهمه باي طريقه ما انو لاسمح الله مريض من الافعال السيئه الي يسويها لانو لو كان لاسمح الله يخونها راح يبين عليه ويخاف ولاتضحكون من حلولي لوووول

أختى فى الله نويرة مشكلة صديقتك دينية اكثر ماهى اجتماعية لان مايفعله الزوج دال على عدم التزاماته بشرع الله وندعو الله ان يفرج هم صديقتك والحل ان تدعوا له بالهداية والتوبة وخاصة فى اوقات الاجابة فالضرر عليه اكثر مما عليها لان الله رقيب على افعاله والحل الثانى عليها بالصبر وان لاتظهر له اى غضب او تناقشه بامر افعاله مثله لايخاف الله

ومن يتق الله .. ومن يتق الله .. ومن يتق الله

يجعل له مخرجا من كل هم وضيق ويفرج كربته

عليها أن تبدأ بنفسها

تبتعد عن كل شيء حرمه الله .. وتتقرب إلى الله بالطاعات

والله سوف يعينها من حيث لا تحتسب .. من حيث لا تحتسب

لا نسأل ونقول كيف سيفرجها ملك الملوك .. هذا سؤال يدل على ضعف الإيمان

ولكن نتيقن أن الله سيفرجها

هذا ما لدي .. ولا نقول إلا الله يعينها ويفرج كربتها

عفواً .. هنا مكانه المناسب .