أحبائي

بنتي عمرها ستة شهور .. ما استخدم وسيلة لمنع الحمل غير الرضاعة

الشهر الماضي جاتني الدورة بتاريخ 25/12/1428 والموافق 4/1/2008

يعني الدورة متأخرة علي هذا الشهر .. أنا دورتي كل 28 يوم

بس ما أحس بأي حاجة من أعراض الحمل .. فياترى أنا حامل ولا لا

وأعمل التحليل المنزلي ولا أستنى كمان شويتين ؟

ادعولي حبيبباتي ما أكون حامل .. وإن ربي مايكلفني فوق طاقتي

لكم كل الود

الله يحفظك يا أخني تالينا ويارب يكون الحمل لي - مادامك ماودك - ادعيلي أختي تعبت من الانتظار

بس على فكره - لا تخافي لانو اللي اعرفه انه هذا بسبب ارتفاع هرمون الحليب لانك ترضعي عشان كذا تلخبطت الدوره عادي لاتخافين وللتأكد حللي في البيت ولك جزيل الشكر___

علشان ماتخافي عملي تحليل منزلي بس الرضاعه تعمل لخبطه في الهرمونات بس فيه رضاعه تمنع الحمل وفي رضاعه ماتمنع الحمل للتأكيد عملي التحليل

تالينا لاتقولي كذا( ادعولي مااكون حامل) حتى لو انه مو من قلبك والله يكتب لك اللي فيه الخير .....

__________________

الله يسلمكم كلكم وربي يرضى عليكم ويوفقكم ويسعدكم دنيا وآخرة

سيدة برتقالة والله دعيت لك ياقلبي من غير ماتقولي

يااااااااااارب يرزقك الذرية الصالحة انتي وكل مين يتمنى يااااااااارب

ميا تسلمي ياقلبي عالنصيحة وان شاء الله ما اقول كدا ثاني بس والله حملي متعب وخايفة ما اقدر اهتم ببنتي وانا هنا في غربة أهلي مو معايا

بس أبشررررررركم ياجماعة اليوم صارت الاشارة حمراء والحمد لله

ربي مايضيع عبده ولايكلفه فوق طاقته .. الحمد لله يارب

وتسلمووووووووولي جميعاً على ردودكم