السلام عليكم ورحمة الله وبركاته

الصراحة اترددت كتير قبل لا اكتب المشكلة اللي انا فيها

وانتو قولولي معايا الحق ولا لأ

يوم الاربعاء الماضي كان عندنا فرح بس من جهة اهلي

وانا قبلها بيوم كنت بايته عندهم

واتفقنا انا وزوجي على اساس بعد الفرح لما يخلص يجي ياخدني

المهم جا الربوع ورحت الفرح وعادي

وبعد ما رجعت خلاص غيرت لبنتي وجهزت اغراضي واتصلت بيه اقولوا انو احنا خلاص جاهزين .. وطبعا المعروف ولامعتاد عليه انو افراحنا عموما تخلص غلى 3 ان كترت 4

المهم اتصلت عليه الا صار يزعق ويصارخ ليش متاخرة لهذا الحد كان نمت عندهم ومن الكلام دا


انا مرةاتصدمت لانو لا هو اول فرح احضره زي كدا بالعكس دايما اصلا كدا الافراح سواء كانت من جهة اهلي ولا من اهله

ولانو من زمان انا ما حضرت افراح لاهلي هو قام يسوي كدا
رغم انو الفترة الماضية كانت كلها افراح من جهة اهله وتناخر زي كدا واكتر بس ما كان يهرج ولا يعلق ولا شي

انا الصراحةوصلت معاي منه وعدت اقلو انت زعلان عشان رحت مع اهلي ولا لما كنت اروح مع اهلك ما كنت تهرج وايش اتغير يعني المهم اتشادينا بالكلام وانتهت المكالمة
وا عاد جاني ولا اخدنا ولا شي

المهم اليوم اللي بعدو بنتي تعبت مرة جاتها نزلة معوية وكانت من الصباح الله يكرمكم ترجع .. لما جا الظهر اتصلت عليه وقلت تعال بنتك مرررة تعبانة وديها المستشفى ..تتخيلوا ايش ردو

سالني قالي ايش فيها قلت له كيت وكيت ..قاللي لا تخافي مجرد برد وانا لما اقوم من النوم اشوف اوديها ولا لا

انا خلاص مررة انقهرت منه يعني النوم اهم من بنته

المهم رحت مع اخويا المستشفى والحمد لله صارت بخير

طبعا هو اصلا ماصحي غيرالليل وما اتصل ولا سال ولا شي الا اخر الليل

المهم عدا الخميس وعدا الجمعة وجا السبت وهو ولا يتصل و لا شي بالمرة

المهم انا قعدت بيني وبين نفسيقلت يمكن انا غلطانة في انيي اناخرت رغم اني ما حس كدا قلت يابنت الناس اتصلي عليه انتي واسالي

اتصل واتصل واتصل .... مايرد بالمرة حتى ما يرجع يدق تاني

الين اليوم الاتنين واحنا على الحال دا الظهر ارسلت له رساله قلت يمكن يتصل او اي شي ((انا لليوم اعطيت وكفيت ووفيت ولحد هنا كرامتي ما تسمح ماراح اتصل لك تاني ولا عاد اتصل ولا شي((

طبعا الىالان لارد ولا شي ابداا

تتوفعووا هو ايش في راسو لاني تعبت مرررة مرررة


الاشراف / عفوا تم تعديل العنوان ليكون بالفصحى

وعليكم السلام ورحمة الله وبركاته
اختى الكريمة... حاولي انك تفتكري يمكن زعل منك من شي صار قبل كذا وهو كان كاتم بقلبه...حاولي
بس من راي انك غلطي بالرساله الي ارسالتيها له...
كان المفروض ترسيليله تقوليله انا في ايش زعلاتك يمكن انا سويت شي من دون قصد او انتي فهمت مني شي غير الي اقصده

انا من راي انك تهدي كم يوم بس لاتطولي وترجع ترسيليله كلام حلو زي مثلا تقوليله ما شتقتلي انا وبنتك بس قولي في ايش انا مزعلتك ياقلبي..ومن هالكلام

واتوقع انه مازعل من رجعتك من الفرح اكيد كان زعلان من قبل وخذ تاخرك في الفرح حجه يمكن والله اعلم ....
والله يوفقك ... ويسخرلك زوجك

مشكورة اختي تالا ماقصرت بس والله انا قعدت مع نفسي كتيير

وقعد ت افكر يمكن انا زعلتو في شي

بس ما طلع معيا شي

حبيبتي حتى لو فرضنا إنه زعلان
في شيئ إسمه اسلووووووووووب

اختي..
الرجال مخهم مقلوب تذكري هذا دايم هذا اولا..
ثانيا ..اذا ماكنتم متخاصمين قبل الفرح فا نصيحه مني اتركيه ولاتدقي لين ماهو يتصل وتهدا اعصابه ..عشان مايصير شد بالكلام ويكبر الموضوع وهو تافهه..
اذا كان زوجك يشرب او يدخن فا اعذريه لانه ماراح يكون في وعيه..
والله يعينك عليه ويعينني على الي عندي..

انا مع كلام اختي بسمة اصبري لين يدق هو عليك
شكر خاص للاخت بسمة صراحة ردودك تثبت رجاحة عقلك وثقلك أدام الله عليك نعمه اني احببتك في الله

اسال الله ان يهدي زوجك ليشعر بقيمة الجوهرة اللي عنده

امييييييين يارب

تسلمين اختي asaif613 .. احبك الله الذي احببتيني فيه
امين يارب العالمين الله يسمع منك ويهدي ازواج الجميع ..ويبعد عنا كل شيطان مارد ..

وش دعوة مخهم مقلوب هذا مفهوم خطاء وعدلي مفهومك يا اخت بسمة

عليك با الصبر وارسلي رساله شوق ان شاء الله تحنن قلبه لك

ولا تعاندي مثله خلى قلبك كبير عشان ما تكبر المشكله

تحيتي لك

__________________





نبذة عن اطفال ذوي صعوبات التعلم

لا أملك إلا الدعاء

أسأل الله أن يفرج همك وأن يفرج كربك


عليك بالدعاء


دعاء الهم والحزن:
- " اللهم إني عبدك ابن عبدك ابن أمتك ناصيتي بيدك،ماضِ في حكمك ، عدل في قضاؤك ،أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ،وجلاء حزني وذهاب همي "
- " اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال " .


دعاء الكرب
-"لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب العرش الكريم" .
- " اللهم رحمتك أرجو فلا تكلني إلى نفسي طرفة عين ِ وأصلح لي شأني كله لا إله إلا أنت " .
- " لا إله إلا أنت سبحانك إني كنت من الظالمين"
- " الله الله ربي لا أشرك به شيئاً "

شوفي اختي لا ترسليله ولا يرسلك ..

البسي عباتك وخذي بنتك وخلي واحد من اخوانك او ابوك يرجعك على بيتك ..

وصدقيني اذا شافك راجعه البيت وانت رايقه وهاديه و تتعاملي معه وكأن ما صار شي راح يعتذر عن اسلوبه معك ..

لا تتأخري ارجعي لبيتك .. الوحده ما لها الا بيت زوجها ..

وحلي مشاكلك وانت في بيتك واوعي تطلعي من بيتك وانت زعلانه لانه رجعتك راح تصير صعبه ..

وكل ما طالت المده وانت في بيتك اهلك راح تتعقد المسأله اكثر ..

ارجعي لبيتك اختي في اسرع وقت و كبري عقلك وحلي مشكلتك بهدوء لانه اساسا انا ما اشوف انه فيها اي مشكله ..