أخواتى هادخل على مشكلتى وبجد قولو اعمل ايه
وهل اقدر احل المشكله ام لا

نظرا لظروفى الحاليه من حزن حبيت اطلع اللى جوايا
قبل ان اموت او اصيب بجلطه او شلل
انا ياجماعه كنت بحب واحد واتخطبنا
وهو كان بيحبنى حب لايتصوره بنى ادم
فوق خيال كل البشر لدرجة انى بحس انه بيحبنى اكتر مابحبو وعلى فكره ده احساس متبادل يعنى انا كمان بحبو جدا وهو كل حياتى وجوزى وابنى واخويا وصديقى
وعمرى كله
وحبيته وهاحبو وهاموت احبو
المهم انا وهو دايما بيحصل بنا مشاكل فى نقطه واحده لاتتغير
وهى انى عصبيه ومابحترموش وبجرحه
طبعا هو اللى بيقولى كده لما بنشد مع بعض
مع ان عمرى ماحسيت انى جرحته او اهانته
لكن كنت بعتذره ونتصالح ونرجع تانى زى العسل
ويجع تانى يحصل مشكله وهكذا ........
زى اى حد مرتبطين
لكن فى المشكله القبل الأخيره قالى لازم تعرفى ان فى فرق بين راجل وست
ولازم تعرفى انى راجل لا اسمح لاى مخلوق يكلمنى بالشكل ده والعصبيه دى
رغم انى استحملتك كتير
بس تاكدى ان لو غلطك اتكرر هايكون هو اخر مشكله تمر
لانى هانهى العلاقه واستحاله تانى تشوفينى فى حياتك

مهم بعد اقل من 20 يوم حصل مشكله بسبب انى بحس انه مباقاش ملهوف زى زمان عليا
وقولت والله كلام كتير فيما معناه انى هاقلل حبى نحيته عشان ارجع امتلك قلبى من تانى
بـــــــــــس
لقيته بيقولى انا فعلا كان عندى حق لما قولت ان الغلطه الجايه ننهى العلاقه
قولتلو قصدك ايه عايز تسبنى؟
قالى يعنى انا يافلانه اهون عليكى
قولتلو مش انا اللى قولت هاسيبك ده انت اللى قولت انك هاتسبنى
المهم قالى انا ماشى عايز حاجه









فى عز مااحنا شدين طبعا العصبيه وصلة لقمتهااااااااا
المهم قولتلو لو مشيت يعنى سبتنى
قالى شوفى اللى انتى عايزاه اعمليه
قولتلو ربنا لايسامحك
قالى كمان بتدعى عليا
يعنى عدم احترام وصوت عالى وبتدعى
انا فعلا استحاله اكمل معاكى
وقفل التليفون وخلص الحوار على كده
كان فاضل حوالى اسبوع على عيد ميلادى
لقيته بيكلمنى بعد المشكله بخمس ايام على النت
بيقولى كل سنه وانتى طيبه
كلمته حلو جدا قولتلى بعد غياب خمس ايام المفروض تتصل مش تكلمنى على النت
قالى اتصل ليه
قولتلو يعنى ايه
قالى فلانه علاقتنا انتهت وخلينا اصحاب احسن
طبعا قريت الكلام ده حسيت ان الدنيا بتلف بيا ومش قادره حتى أقف على رجلى او حتى اكتب حاجه
غير بس فضلة اقولو بعد الحب ده كلو نبقى اغراب
قالى انتى اللى وصلتينا لكده
قولتلو حرام عليك تسبنى انا وانت استحاله هاننسى بعض لان حبنا كبير
قالى بعد المشاكل دى لازم ننسى بعض احسن مايجى يوم نكره بعض
وفى نهاية الكلام وانا ميته من العياط وعماله اخليه يحس اد ايه صعب الفراق
قالى فلانه احنا مش ينفع نكمل مع بعض
وارجوكى سبينى اقوم
قولتلو اللى ينسانى يبقى لازم انساه

وطبعا الهدايه لسه معايه
على فكره احنا كان كلها كام شهر والموضوع يتطور إلى كتب كتاب

ارجوكم قولولى اعمل ايه
مع العلم هو بيحبنى اوى اوى
وانا عارفه انه كمان تعبان نفسيا
حلو المشكله ارجوكم
على فكره الكلام ده كان يوم الخميس بليل
وعيد ميلادى السبت
وماكلمنيش تانى بعد الخميس
انا بمووووووووووووووت ادخلو خففو عنى

__________________

عايزه مساعده بسرعه

__________________

اختى المصرية ....... حبيبتي استعذي بالله يا بنتى .......... ارحمي نفسك ......... أنسي اللي حصل بينك وبينه من مشادات ............لو كان فيه خير ليكى ان يرجع هيرجع ..........بس تغلبي نفسك وتكتبي انك تعبانك وهو بيدخل المنتدى وانا لاحظت انه بيدخل ويشوف الكلام دة .........بتعملي كدة لية ............ لية بتبيني امامه انك ضعيفة وبتحبيه اوي وووو ..........ماهو عارف ......... سبيها يا بنتى هو لو بيحبك صديقني هيرجع
يلا قومي اغسلي وشك وصلى ركعتان ونامي ............. وراكى ان شاء بكرة الكلية وركزي في مذكرتك اكتر هتلاقي نفسك شوية شوية هترتاحي وتنسي الوضع ..........والله حاسة بيكى ........بس حرام عليكى نفسك

واعذرني تصرفكم مع بعض مش ناضج ابدا ............التهديد المستمر ما بينيش بيت يا ماما انما بيهده

انا مابقتش قادره اقف على رجلى
ده غير عينى اللى اختفت اصلا من الورم من فوق ومن تحت بسبب البكاء
وغير البقع الزرقا اللى ظهرة فى جسمى بسبب الحزن















والله انا قرب قلبى يقف خلااااااااااص
محتاجه ردود وحل
انا فعلا محتاجه ليكم
بلاش تدخلو وتطلعو لان مشكلتى كبيره جدا
انا بموووووووووووووت

__________________

بصي يامصريه سبيله مهله كده يفكر وماتتصليش بيه

لو هو اتصل اسأليه احنا ايه وضعنا دلوقت لازم نحدد موقفنا

وفهميه ان كل المخطوبين لازم تحصل مشاكل بينهم عشان يفهموا بعض


وانك عمرك ما قصدتي تجرحيه وانه فهمك غلط وكده


يااااااااااااااااااااااااااااااااااااااااااااااااا رب يحنن قلبه عليكي وترجعوا لبعض واحسن من الاول كمان


بس ان شاء الله لو فيه نصيب مش كل مشكله تحصل تجيبوا سيره انكم تسيبوا بعض


لان ده حيتطور بعد كده بالتهديد بالطلاق ومش حلوه الخصله دي

يعني لو في اي مشكله بينكم خلو ليها اي حل بس الانفصال مش من ضمن الحلول ابدااااااااا


يارب يعينك لي عوده مره اخرى

__________________

للاسف يااختى

انا عارفه انه بيحبنى
وواثقه فيه ثقه عمياء
ومحتاجه مساعده منكم عشان
بجد انا مش قادره اعيش
كده
انا مش مصدقه اللى حصل
لو هاصدق انه ينسانى يبقى سهل انساه
لكن هو مش هاينسانى ولا انا هانساه

__________________

العيب او خصلة الانفصال
دى على فكره كانت فيا انا
والظاهر انه اتعدى منها
لكن هو اول مره فى حياته يقولهالى
عشان كده انا مصدقه فعلا انه ناوى ينسانى


بس انا واثقه انه مش هايقدر

__________________

طالما عيب فيكى ...............يبقى حاولي تبعدي عنه شوية يا بنتى وريحى اعصابك

كثرة البكاء بيجب صداع بيورم العين والقعدة على النت كفاية كدة قومي من الجهاز عليشان بيتعبك اكتر

قومي خديلك حمام دافي ........... وخديلك حبة مسكنة للصداع ونامي

انا واثقه انه راجع ليكي بس هو شكله بيعلمك ازاي تحترميه وتعرفي قيمته

بس اوعي تجيبي سيره الانفصاااااااااااااااااااااااااال ابدا

ريحي نفسك ولو ليكي خير معاه ربنا حيسهل اموركم

__________________

مش قادره اعمل اى حاجه
ومش قادره اغمض عينى خااااااااااالص
ولو نمت ساعتين لازم احلم احلام وحشه

وبالنسبه للصداع
فألمه اخف من اى ألم حاسه بيه دلوقتى

__________________