السلام عيكم

انا عجبني تفاعلكم مع المشاكل اللي تنطرح وتبذلون قصارى جهدكم لحلها

واتمنى انكم تساعدوني بمشكلتي لان فعلا محتاجه لكم

انا متزوجه من 3سنين وعندي طفل

مشكلتي مع زوجي الله يهديه
ابحاول اقولكم كل اللي عندي وابيكم تحكمون بكل عدل

من تزوجت وحياتي كلها مشاكل وكل مشاكلنا حول الفلوس
وابطرح بعض المشاكل علشان تقدرون تحكمون


اخر مشكله صارت بيننا
انا صار لي يمكن خمس شهور او اكثر ابي كوايه بخار وكل شهر يقول الشهر الجاي
لحد ماصار الالسبوع اللي فات رحنا لمحلات الاجهزه
ودخلنا كل المحلات وبالنهايه قال ماعجبتني ولا اشتراها<بالله وش رايكم>وترى الحين ماعندي الا كوايه محترقه من تحتوقيمه كوايه البخار250 <ياربي ماادري وش اسوي فيه>

تخيلو كل مابغيت شي يرفض ولا يجيبه

وفي الاجازه بين الترمين كنت طفشانه من بعد الامتحانات
قلت له خلنا نسافر قال تبين نروح لدبي <انا من تزوجت خاطري اسافر خارج السعوديه>
لما قالي طرت من الفرحه
ولما شافني متحمسه للسفره قالي ادفعي 2000 ريالوهو راتبه 6000 شهريا
<تخيلو كني خويه ماني زوجته>

انا لما قالي كذا عصبت ورفضت ادفع قلت اذا بتسافر بي سافربي على حسابك

طبعا زعل لاني قلت هلكلام
انا تعبت نفسيا وصرت كل يوم انام وانا ابكي طبعا هو مايدري ولو درى مايهمه

وبعدها قعدت اترجاه واتطلبه
قلت احس نفسي مخنوقه احس بنفجر تكفى سافر بي اي مكان
وبعد ايام من الترجي قال بسافر بك لجده خمس ايام
قلت اوكيه قمت وجهزت الشنطه وهو طلع بعدها دق علي وانا قاعده اظبط الاغراض
قال خلاص بنخليه بكرى<يعني ماراح يبقي شي من الاجازه>
المهم انا جاني احباط المهم لما سافرنا جلسنا 3ايام ورجعنا <تخيلو قاعده اجهز الشنطه عالبالي اننا بنطول بالنهايه يوم رايح ويوم جاي ويوم جلسنا بجده>

لكن يوم صار فيه سفره لاصدقاءه انواع الحماس راح حلق وضبط نفسه وجاء عندي وقالي جهزي الشنطه انا يوم شفت حماسه لسفره اصدقاء عرفت اني مااعني له شي لان بسفرتنا ترجيته بالنهايه كل يوم يقول بكرى نمشي ومن حماسه لسفره اصدقاءه قالي ابسافربك الرياض الاسبوع الجاي ولما جاء الموعد قالي كسل نسافر<من جد يقهرني>




وغير كذا لما اقوله اشتري خضروات وفواكه ودجاج ودي اطبخ يقول مو لازم اصلا انتي ماتطبخين بس تتكلمين مع انه ماجرب
وهو مسكني جنب اهلي تخيلو اهلي يخلون لنا من غداهم يعني اذا رحت عندهم العصر الاقي امي مسويه لي غدا كل يوم تخيلو والله اتفشل يعني اكلي عند اهلي دايم احس اني صرت عله عليهم مع انهم ماعمرهم قالو شي ويفرحون بي

وهو ياكل برا عند اصدقاءه انا بصراحه متضايقه من هالشي
وصار فتره امي ترسل لنا غداء انا وهو وياكل عادي لكن بعد فتره قالي قولي لامك لاترسل لنا غداء


وفوق كل هذا جاف معي لابعد الحدود
اقصد بمعاملته معي بالبيت ماكني زوجته كني اخته

والله اني البس واتزيين له لكن ماعمره جاء هو باسني وقرب مني يعني اذا كنا جالسين عند التلفزيون او قالي كلام حلو او يعلق على لبسي
لكن اذا بغى شي بالفراش قرب مني بكل صمت وجلس يلمس بدون اي كلمه
وانا دايم اقرب منه اجي اجلس بحضنه وهو قاعد عند الكمبيوتر فيقولي بعدي شوي ابقراء <انواع البرود>

وبالفراش انا اتكلم واعلق وهو مايتكل ابد

يعني لو هو مشبعني عاطفيا كان اتغاضى عن مشاكله عند الفلوس


تكفون وش رايكم انا عن جد تعبانه لدرجه صار عندي القولون العصبي من الوضع اللي انا فيه
انا لو يحس فيني ويكفيني عاطفيا كان تهون على ولا تقولون كلميه لان اكثر من ثلاث مرات كلمته وترجيته وقلت اسلوبك معي مايصلح ودي احس بالامان وانا بحضنك
لكن لاحياه لمن تنادي


وش رايكم انا افكر انفصل عنه لاني اشوفه مستحيل يحاول يغير نفسه على كثر ماكلمته مافكر يحاول
ا

دري طولت عليكم لكن ماعندي الا انتم بعد الله يسمعني ويعطيني حل



الاشراف /من فضلك سارعى بتغير الصورة الرمزية فهى مخالفة ( صورة نساء )

والله حبيبتي ماحبيت امر بدون ما اقول شئ ولا املك لكي الا الدعاء
الله يارب يوفقك ويهدي لك زوجك ويحنن قلبه عليك ويسعدكم ويرضيكم دنيا واخرة

الله يصلح حاله لكن الانفصال ليس بحل
غيره من الرجال اخطائها اكبر فهناك شارب الخمر ومدمن المخدرات والزانى
اصبرى كان الله بعونك

السلام عليكم

اختي سامحيني جدا متعب ومرهق ولكن موضوعك يهمني ومشكلتك اقلقتني قليلا

لذا سارد عليك بوقت لا حق باذن الله

واتمنى ان يفيدك الاخوان هنا

لذا اسئلك

مهمه الاجابات ..

1 - هل انتي موظفه ؟؟ ولك راتب .؟؟
2 - هل زوجك بخيل - اعذريني على اللفظ - ؟
3 - هل اول حياتك الزوجيه كنتم سعداء ؟؟
4 - هل زوجك يكثر السفر للخارج ؟؟؟
5 - هل زوجك يسهر كثيرا خارج البيت ؟؟
6 - هل زوجك حنون و غيور ؟؟
7 - هل زوجك يهتم بنفسه وبك وبابنكم ؟
8 - لماذا تاكلي من عند اهلكم ؟؟
9 - ثلاث سنوات زواج ولا طبخ من البيت اشلون ؟ فسري المنوضوع ؟؟

10 - هل زوجك جاف الطبع ....وكيف كانت تربيته ؟؟

11- هل يقول لك كلام عاطفي ولو بالمناسبات ام لا يقل شيئا ابدا ؟؟

12 - كيف هي علاقتكم بشكل عام ؟؟

سارد لا حقا لكني احس بصداع ادعوا لي

مع السلامه

جزاك الله خير

شكرا لتفاعلك

فرررررررررررج الله همك وأعانك على ما ابتلاك ..

لكن بالغالب صفات الجفاف وقطي نصف تكلفة السفر وكل المعيشه كثييييييييييير نسمع شكاوي نساء منها فوسعي صدرك : (

عليك بالدعاء بالثلث الأخير من الليل بقول .. اللهم اجعل زوجي وذريتي قرة عين لي وأجعلهم للمتقين إماما ..

أصلح الله أحواااااااااااالك وجميع المسلمين

الشكوى لله

جزال الله خير الله يهديه

والله مقدر اقول شي بعد اجاباتك على الاخ سيف المهند

الى هذه الدرجه الثلاجه فاضيه ما فيها اكل

الله يهدية ان شاء الله

زوجك متعود على العزوبية كثير

يمكن الرجال متملل من البيت والجو الروتيني

غيري في حياتك شوي خلى جو البيت مرح وضحك ومزح

واجلسي معه جلسه مصارحه ومناقشة جادة يمكن ينفع فيه ان شاء الله

واطلبي من امك لا عد ترسل لكم اكل ابدآ

خليه يجوع من جد عشان يعبي ثلاجتكم اكل وغيرة

وفي النهايه مقدر اقول الا الله يهدية ان شاء الله

ويجعله قرة عين لكي

__________________





نبذة عن اطفال ذوي صعوبات التعلم