السلام عليكم ورحمة الله وبركاته
وضعت مشكلتي لتعطوني آرائكم وارى نظرتكم في الموضوع
مصيبتنا الكبرى في هذه الدنيا زوجة ابي ,امي منفصلة عن ابي من صغرنا انا واخواتي ,
المهم زوجة ابي شريره مرررررررررررره وما تخاف الله
تحسب الدنيا دائمه لها عندها الصحه والأولاد والمال وساكنه في قصر ،بس ماهي مخليه أحد في حاله دائما تفتري وتكذب علينا ونسكت ولا نسوي مشكله علشان ابوي وأخواتي وأخواني من ابوي
ونقول خلاص هي سفيهه وما ينفع معها الا الحقران
بس .....هيهات انها تسيبنا في حالنا وهذا وحنا متزوجات كل وحده في بيتها،تدبر من ورانا حتى انها تكلمت في عرض وحده من خواتي وقذفتها طبعا مو قدامنا لأ تنشر عند الناس يعني كل شي تقوله وتسويه نسمعه من برا ومن مصادر موثوقه انها قالت وكانت أختي بتسوي مشكله بس اللي خلانا نسكت ان لو قلنا لها وحاسبناها حتنكر وتزيد وينتشر الموضوع لأنها حتقول قالوا اني قلت......وهل من مجره
يعني بدل ما نلم الموضوع ح نفجره وخافت اختي على حياتها وقالت (حسبنا الله ونعم الوكيل)
الشيء اللي يقهر اننا كنا نعاملها زين لانها زوجة ابي وام اخواني اللي نحبهم رغم ما تسويه فينا والله عمايلها ماحد يتحملها ولو اقولها بالتفصيل
ممكن اكتب 20 صفحه
المهم ان ابوي ما يسمع لها فينا ,بس يقول المثل (كثر الدق يفك اللحام )والعيار اللي ما يصيب يدوش
اخيرا أثرت في ابوي وصدقها طبعا انصدمنا وزعلنا وراضيناه وبينا له انها كذابه طبعا قال خلاص لكن باين عليه انه متأثر بكلامها
لأنها عنده دائما تبكي وتصيح أنها مسكينه ومظلومه وطبعا حنا الشريرين لأننا ساكتين
يعني الغلط عندنا
لدرجة انها صارت تتميرض قدامه وقدام عيالها علشان يحزنوا عليها
طبعا يستحيل حركاتها تسويا قدامنا اوقدام واحد من عيالها يعرف حركات امه
طبعا هنا اكتشفنا سكوتنا عن عمايلها خوفا من اننا نغث ابوي او نسبب المشاكل كان غلللللللللط لانها منكده عليه وتزن عليه وتكذب براحتها وتتمسكن وتاخذ راحتها لأنها متأكده اننا ما حنتكلم
وآخر شي قررنا اننا ما نسلم عليها ولانكلمها كأنها هواء اذا شفناها
خلاص قلنا ما حنحتك معاها علشان ما نعطيها فرصه انها تتقول علينا
من قهرها دخلت امي في السالفه صارت تتكلم مع الناس اننا قليلات ادب وان امنا هي اللي تدزنا وتشحنا (وامي المسكينه ماتدري عن شي ولا لها دخل في علاقتنا مع ابوي وزوجته)آآآآآآآآآه اتمنى انها تموت ونرتاح اذتنا بلسانها موبس حنا حتى خوات ابوي واهله ما سلموا منها ,ونشك انها تتعامل بالسحر لأنكل صديقاتها وهم قليل معروف عنهم التعامل بالسحر ,اللهم اكفناها بما شئت
واستودعتنا الله الذي لا تضيع ودائعه
المهم الحين قررنا اننا نكلم ابوي ونقول له على كل شي القديم والجديد رغم انه قال ما عاد يبغى يسمع شي وحنا الصراحه خايفين عليه من اللي ح نقوله لانها اشياء كبيره
ونخاف انه ما يصدقنا بس يكون يعرف كل سيء في نفوسنا وهو بعدين يفكر
ولا نسكت وخلاص
اطلب المشوره الله يجزاكم خير
والدعاء لنا ان يجعل الله تدبيرها في تدميرها
وان يكف شرها عن ابي وعني وعن خواتي وعن عيالها
وان ينصرنا الله عليها وتكون خاتمتها على قدر عملها
وحسبنا الله ونعم الوكيل وكفى