بسم الله الرحمن الرحيم

بختصر و بدش الموضوع على طول

انا وبعد سنة و3 شهور قررت الانفصال عن زوجي الحبيب (بطلب مني)

و(بموافقه) شكلية منه ..صج احبة وامووت فيه وهو نفس الشي .. بس هالشي

لازم يصير ..خبرت امي واختي الكبيرة.. و لقيت قبول منهم مع طلبهم مني الصبر

وعدم الاستعجال لعلمهم بمدى قوة الحب الذي يربط بينا.. (تزوجت عن قصة حب خيالية)

المشكلة اني ويعد كل هالوقت صدمت بزوجي الحالي اللي تغير.. وينه كان ووينه صار..

انا ماعرف اشلون اتكلم عنه وهو حبيب قلبي وتصعب علي حالته.. بس ومثل ما قلت لأمي

احس اني عايشة وياه وميته.. علاقتنا ببعض مثل اول واكثر من ناحية الحب بس من ناحية

ال(...) ياربي احسه مربوط عني او عين وحسدتنا .. بصراحه كنت في بداية زواجي ومن فرحتي فيه كنت

أتكلم عنه بكل مكان عند صديقاتي.. وأخواتي.. وتفاخر فيه .. وأغيض اللي غاضوني قبل لا آخذه

واللي قالوا لي انه مايحبني.. عاد مرات بقصد ومرات بدون قصد.. وانا من النوع اللي بقلبي على لساني

وبصراحه أحس اني تماديت .. وذكرت اشياء ما تنذكر عنه وعن حنانة وعلاقتنا و أسرارنا.. وحتى سريرنا

وحبه و عشقه الاسطوري وما سميت عليه. واللي زاد الطين بله .. اني ماحسبت احساس غيرة ولا شي

مع اني كنت اشوف هالنظرات اللي من هالنوع ويمكن كنت استفزها لناس معينه..وكان هالشي يعجبني

حتى اني هنا بالمنتدى ماخليت شي ماقلته عن علاقتنا.. والنتيجة لا حول ولا قوة الا بالله ..زوجي

تغير علي .. انربط لسانه.. وانعمت عيونه.. وصار فاتر مشاعر.. وماعاد يقعد معاي مثل اول ..وما قام يدلعني

مع انه لو اروح بيت هلي أبات والا شي يموت ويجيني ولا يخليني أبات..و صار لي اسبوع حتى ماطل علي

وكنت رايحه على اساس ما ابيه وابي اتطلق..ولا حظت من فترة يعني كذا شهر ان العلاقة ولوهي نادرة

(نادرة من قلب, يعني خلال السنه هاذي 2 والثالة أمس) ما تحصل الا ببيت هلي كلمته قال يحس الغرفة

كتمه على وسعها .. ماعرفت كيف افسر هالكلام .. بس المشكله كل من يدخل عندنا ما يذكر الله من

روعة المكان.. وغرفتي ببيت هلي جدا عادية ولا فيها جو .. الزبدة اني خلاص ماعدت اقدر اعيش معاه

بهالبرود ما تعودت.. ما اقدر اهضم الوضع واتقبل شحه وذبوله .. والأمر من ذي حالته معاي ياقلبي ماقدر

أشوف انكساره جدامي .. وانعزاله .. أحس اني اصعب عليه الوضع .. حبيت استسلم وأعلن نهاية هالحب

اللي مالحقنا انتهنى فيه .. وعلى فكرة خالتي كانت معارضه هالزواج ووفقت بوجها وهي تفشلت لانها

سوت المستحيل عشان تفركش هالحب (الظاهر كانت تبيه) وهي مطلقة مرااات ولا تحب غيرها يفرح ..و انا

خايفة عشانها راعية مشاكل وطبوب .. سترك يا رب عاد انا هالحين رجعت له من بعد اسبوع قطيعه امي و ا

ختي هدوني وواسوني و عقلوني وحنا اصلا (أول مرة نفترق اسبوع من سنة) ولا عارفه شاسوي وشلون

اتعامل معاه وانا اللي خذلته وطلبت الطلاق وهو الحين ولا متغير علي ولا زعلان مني .. مادري اذا عنده

الموضوع عادي لو اهو نفسه مصدوم مني.. ولا لي قلب يعد كل اللي سويته افتح معاه هالموضوع أحسه

تعبان .. بالله قولو لي شاسوي.. هل آتطلق منه وانا أحبه لو أصبر عليه يمكن ربي يشفيه

وهل طلبي منه الطلاق و اخبار هلي بمشكلته سيؤدي الى تدهور العلاقة بينا اكثر .. واكثر .. او

الى المبادرة بالاصلاح وفتح صفحه جديدة من قبله ... نسيت اذكر اذا كان لذلك اهمية زوجي مطلق وعنده

عيال من قبل .. بس العيال عند امهم ولا يجيب طاريهم ابد..


ردودكم تكفون قبل لا اتكلم وياه وأشوف اللي بخاطرة .. أبي ارتب أفكاري معاه .. أبي اقول شي مفيد

تعبت كل مرة أبي اتكلم معاه افتح الموضوع واتكلم وابكي ويضيع مني الكلام .. وتضيع الفرصة .. وارجع

اتحرى اكلمه وكذا كل مرة ..

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

طيب مافكرتي تاخذينه وتروحون لشيخ يقرا عليكم ؟؟؟ ماهو معقول سنه ونص وانتو ساكتين على هالحال ،، لااا وتفكرون بالطلاق بعد !!! بصراحه ولاتزعلين ؟ مسألة انك تحبينه مادخلت مزاجي .

والله فكرنا نروح لشيخ يقرا علينا بس كل مانقول بنروح تستجد اشياء وخبرك مشاغل الحياة

لا معقوله ليش مو معقوله اللي يحب يعذر والحب يصنع المستحيل صبرنا على بعض وصبرت عليه ولا

حسسته بشي وانا ماعندي مشكله بس افكر ابي يهال منه يملون حياتنا لو غير موضوع ولا افكر اصلا

آتطلق ولا شي .. وعلى قولتك ما حبه الا امووووووت في تراب ريووووله هذا ريلي تاج راسي فديته

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

واااااااااااااااضح وضوح عين او نفس اقري واشربي ماي مقري عليه ورشي سدر ببيتكم وافتحي سورة البقرة وداومي عليها ..
صدقيني انا وزوجي كنا كيذا انا بغرفة وهو بغرفة وكل واحد يبكي من الضيقة والكآبة الي فينا وقريت البقرة ورحنا عند شيخ ورجعنا احلى مما كنا عليه ..

__________________
وإني لأرجو الله حتى كأنني ... أرى بجميل الظن ما الله صانعُ .

تسلمين يالغالية وان شاء الله باخذ بنصيحتج واداوم عليها ..

والف سلامه عليج وعلى زوجج . الله يهنيكم ببعض وبيعد عنكم العين والحسد يا رب

شكرا لمشاركتج الطيبة من قلب طمنتيني ..

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

حبيبتي عن جد صعبتي علية بس قرار الطلاق هذا احس فيه انانية منك مع كل احترامي
الرجال مبين انو تعبان نفسيا و هو بعد زعلان على حالو و المشكل اللي بيناتكم هاذ ما لازم تتعاملين معه بهالطريقة اولا لازم تجربي تكوني وردة فعيونو و تخليه يشوف الانوثة كلها مجتمعة فيكي و من كلامك حسيت ان زوجك مو ناوي انو يطلقك لانو اولا ما ثار عليكي ونفذ طلبك و تركك فبيت اهلك اسبوع من غير سوؤال ممكن حاب يخليكي لوحدك علشان تعقلي و لما شافك رجعتي لبيتك حمد ربو و قال الحمد لله رجعت و عقلت و ما حب يجيب معاكي طاري الموضوع علشان ما يظايقك و علشان يخليكي براحتك و يحسسك انو نسى الموضوع و قلبو كبير و مسامحك حبيبتي شوفي الموضوع من ناحية ايجابية لا تاخذيه من الناحية السلبية بس ترى هذا ينغص عليكي عيشتك حاولي تجذبي زوجك باي طريقة و جربي تقري عليه القران و ترقيه قومي فتالي الليل و طلبي من رب العالمين يفرجها عليكي و عليه حصني جوزك منتي قلتي بفمك انك انتي اللي قعدتي تقولي عن كل الخصوصيا اللي بيناتكم لكل الناس اطلبي ربنا لو به سحر يفكو
مع كل تمنياتي لك بالتوفيق لا انصجك بالطلاق لانك راح تندمي اشد الندم لانك راح ترمي نفسك بيدك للتهلكة
اما بالنسبة لمسالة انك بتضيعي فرصة اللي بتكلميه فيها بالبكي
حقول لك على طريقة فعالة بتعملها واحدة من صحباتي لما بتحب تناقش جوزها و هي بتنسى و بيضيع منها الكلام
بتاخذ ورقة و قلم و بتكتب الكلام اللي عايزة تقولو على شكل عناوين كبيرة او نقاط كل نقطة بتتطرق ليها على حدة يعني بتكتب جملة او تنين تفتكر بيهم الكلام و بيكونو على شكل النقطة رقم 1 و2 و3 4 لغاية ما تخلص و بتجيب نتيجة معاها
و لو انا مكانك يا حبيبتي حستحمل دا بيتي و زوجي و ححاول اوقف مع زوجي فمحنتو علشان في النظري الدنيا حلوة جدااااااااا و اللي بيحريها هي الايام القاسية و الظوروف الي بتذبحنا و بنواجهها لان بعد كل ليل نهار ما فيش ليل من غير نهار
و الحياة الزوجية اخد وعطاء
و اتمنى اني اكون افدتك لان كلامي كتير
و عندي افكار حلوة لو حابة نتكلم راسليني عالخاص
اختك سارة
ملاحظة انا عمري 17 سنة علشان خايفة تراسليني و بعدين تقولي انتي ليه مقلتيش في ناس بتهمهم مسالة السن دا في نظرهم العمر قد العقل
سلامات لك
و اتمنى انك تتخذي القرار الصح دي حياتك و تعاملي مع مستقبلك بمنتهى الحذر
تمنياتي بالتوفيق
لا اله الا الله

تسلمين يالشيخه ماشاء الله عليكي عقل وركادة الله يتمم عليكي
بالنسبه لموضوع الخاص المنتدى لا توجد فيه ميزة الخاص .. حسب علمي

انا صبرت وتحملت وايد عشانه مقدرة ظروفه.. وماظني طلبي للطلاق ومواقفته هو ولو غصبا عليه الا
احساسه هو نفسه بمعاناتي .. لاني قبل لا اعذبه انا اللي اتعذب اكثر .. والا ايش يكون احساسك
وانتي ساكنه ببيت هله وطالعه ونازله يسالونك متى العيال .. و يفكرون العيب منك!! وش شعورك وانتي تشوفين خواتك الاصغر منك الله يسعدهم ويهنيهم كل وحدة معاها عيالها وحامل ولا ماتبي عيال؟!



والله المسأله عندي اصعب مما تتصورين .. لا حول ولا قوة الا بالله


شكرا لمرورج ولنصائحك المفيدة وراح احاول ما استعجل

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

يا أختي طالما عارفة إنه المسألة حسد .. سوي عزومة في بيتك واعزمي كل من تتوقعين إنه بيحسدك وخذي فناجينهم كلهم واشربي من وراهم إنت وزوجك وإن شاء الله بتروح العين ويعافيكم ربي..

وإذا صعب عليك ها الأمر ..أرسلي أحد قدام باب بيوت إللي شاكة في حسدهم وخليه يمسح على عتبة بيتهم بمنشفة أو أي شي ثم انقعيه في موية واستحمي بيها إنت وزوجك .. والله يرفع عنكم يا رب..

واذهبي انت وزوجك لبيت الله واعتمروا واشربي من ماء زمزم وامسحي على جسمك منه بنية الشفاء فهو لما شرب له..

وتوبي إلى الله والجأي إليه فما فعلتيه من نقل أسراركما الخاصة محرم كما قال رسولنا عليه الصلاة والسلام..

دعواتي لك بالشفاء..

جزاج الله ألف خير انا من زمان ودي أسوي هاذي الطريقة بس ما عرف شلون
لأني بصراحة اعرف من اللي يحسدني واقدر اوصل لهم بس الطريقة نفسها مو فاهمتها
جعله الله في ميزان حسناتج.. ويا رب يرزقني عمرة .. واسوي اللي قلتيلي عليه
وتووووبة خلاص ماعيدها .. والله يصبرنا يا رب .. شكرا لسعه قلبج وتسلمين

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

اظن يااختي ان العين صابتكم والسبب منك الله يهديك
الحل اللحين انك تداومين على قرائة القرآن على نفسك وكذلك زوجك أو عند شيخ يقرا عليكم
وتطلقي منه طلقه وحده بس وأعلنيها للناس لعل وعسى تروح العين عنكم وبعد العلاج بالرقيه ارجعوا لبعض بعد ماتغيرون
بيتكم
الله يفرج همك ويبعد عنكم كل مكروه

__________________
(( ومن يتق الـــلــــــه يجعل له مخرجـــــا ويرزقـــــــه من حيث لا يحتسب))

(( ربي لاتذرني فرادا وأنت خير الوارثين ))