ما رأي حواء بالرجل البيتوتي؟
السلام عليكم
اليوم جلست اختي معي وفتحنا نقاش اتمنى ان تشاركونا فيه لنستفيد من بعضنا
طبعا بدأت النقاش وقالت انت ما تطفش من النت؟
قلت لا واذا طفشت فتحت التلفزيون واذا ماعجبني فيه شي عادي انام
قلت وش الطاري؟
قالت انا اليوم قارنت بينك وبين زوجي ولقيتك بيتوتي مرره بعكسه
قلت وش احسن قالت لا ضرر ولا ضرار
وانت بتتزوج طبيبه يعني بتكون مشغوله بالمستشفى وبالبيت
يعني لازم تطلع شوي وتتمشى وتتركها براحتها( تشتغل-تتكشخ-تكلم اهلها او صحباتها-
تنام-تطبخ-تسوي اي شي نفسها فيه)
بس جلوسك بالبيت راح يزهقها ويحسسها بتأنيب الضمير اذا قصرت في حقك
قالت شوف زوجي واخواني كل يوم يطلعون بس انت غريب جدا00ماتطلع الا للضروره
قلت انا كذا وهذا طبعي
قالت اعرف بس راح يسببلك مشاكل بكره وبتشوف كلامي
الحين وشرايكم؟
وين اروح طيب اذا انا ما احب الازعاج والزحمه؟
ولا احب جلسات الشباب لانها اغلبها تافه وماتخلا من محظورات؟
هذا غير اني اتعب اذا طلعت مشوار فأحب اجلس بالبيت
سؤالي لبنات حواء؛:
هل تفضلين زوجك يجلس بالبيت او يطلع؟
انا اسمع من زملائي بالعمل مشاكل بسبب سهراتهم برا او حتى خروجهم للتنزه فقط!!
__________________
انا لو هي على كيفي نسيتك
نسيتك مثل ما قلبك نساني
ولكن قلبي يوم اني هويتك
اذا صديت عن حبك عصاني؟!!
10-11-2008, 02:07 AM
ضوابط المشاركة
العرض الشجري