حابه اخذ رايكم في شغله

انا ساكنه مع اهل زوجي مثل مو انتو عارفين

الشغاله سافرت وشغل البيت تقريبا كله على راسي والله صعبه اني اخلي الشغل على ام زوجي وانا موجوده وطبعا انا ادرس يعني يادوب اخلص شغل البيت واذاكر كلمتين وانام

طبعا ماعندي لابتوب لان بنتي كسرته
كلمت زوجي اني احتاج للابتوب زوجي قال لي تحملي شوي بدون لابتوب طبعا انا وافقت ما ابي اضايقه

طبعا كان فيه نقاش مع اهلي وكلهم عصبوا علي انتي تشتغلي في البيت كامل وش راح تستفيدي؟التعب كله عليك والبقيه جالسين ومرتاحين؟ولازم تطنشين بشغل البيت وتضغطي على زوجك عشانم يشتري لك لابتوب لازم يريحك من ناحيه مو كل التعب عليك من جميع النواحي

انا مو مقتنعه بهذا الكلام ام زوجي حرمه كبيره شلون اخلي الشغل عليها وزوجي حاليا حالته الماديه ماتسمح له يشتري لي لابتوب وش اسوي

اطيع اهلي ولا اطيع نفسي

وانا عارفه اذا نفذت كلام اهلي راح تصير لي مشاكل مع زوجي وانا احب زوجي ما احب تصير بينا مشاكل

انا داخليا مطنشه بكلام اهلي المهم عندي رضا ربي ثم زوجي

بس اذا عاندتهم مايصير علي اي اثم؟؟؟

شوفي ياحبيبتي اذا زوجك قالك بشتري لك وانتي عارفة مادته ماتسمح له اللحين اصبري عليه وماعليك من اهلك ويش قالوا يسوون سالفه عشان لاب توب ..
والشغل لاتجهدين نفسك فوق طاقتها اشتغلي قد مااتقدرين هو ان شاء الله بميزان حسناتك لكن لايكلف الله نفساً الا وسعها ..
وبالنسبة للاثم من قال لا آدري آفتى ..
لكن ماافيه معصية للخالق انتي عارفة مصلحة نفسك ..

__________________
وإني لأرجو الله حتى كأنني ... أرى بجميل الظن ما الله صانعُ .

اصلا اهلك ايش دخلهم بعلاقتك مع اهل زوجك ؟!


خلاص انتي عاجبك الوضع كذا خليك زي مانتي وبصراحه انت فعلك هو الصواب

مو معقول حرمه كبيره تشتغل والبنات الشباب جالسين

وكله باجره ان شاء الله

ومايدمر البيوت الا التدخل الخارجي والتحريض بدعوى نخاف عليك ونبغى مصلحتك

وبالنسبه للابتوب اصبري وان شاء الله زوجك مايقصر معك.

__________________

على فكره اهلي يقولوا لي اذا جى زوجك لاتعطيه حقوقه الشرعيه كنوع من الضغط عشان ينفذ لك اللي تبيه اصلا انا رفضت هالفكره وحراااام علي ما اتصور ان في حريم يفكرون كذا وحاولوا معي بس انا رفضت رفضا قاطعا وكمان قالوا لي اني على طول اقول له انا تعبانه من شغل البيت وما ابي اشتغل وهم رفضت الفكره تراها والله صعبه

ماشالله عليك

من كلامك واضح انك زوجة عاقلة وناضجة ومحافظة على استقرار حياتها الزوجية
بس كنصيحة حاولي قدر الاامكان انه ماحد يعرف اللي يدور بينك وبين زوجك من امووور حتى لو كانت بسيطة
لكي تعيش حياة مستقرة
اهلك كيف عرفوا بامر اللابتوب وبامر شغل البيت؟ من قال لهم؟

بيتك هو زوجك وبنتك وبس اسعديهم يسعدوووك

وبالتوفيق لكي دائما

حبيبتي شوفي انا ماقريت ردود البنات عليكي لاني مشغولة بس بقولك كلمة وحدة واسمعيها من أخت لك شوفي اذا كان اهل زوجك يستاهلون يعني ناس ينفع معاهم الطيب واذا سويتي شي يشوفنه ويذكرونة اشتغلي ولاتعلمين اهللك بس انتبهي يككون الشغل علي حساب وقتك مع زوجك او انك تهملينة علشان الشغل ماخذوقتك حاولي تجمعين بين الشغل واهتمامك لزوجك
وانتي ام المفهومية

اختي

الدنيا داين تدان

و اهلك لهم حقوق عليك

بس مو من ظمنها انهم يهدمون بيتك

اذا اقترحو عليك هلاقتراحات العجيبه
اسالي والدتك ترضى انها تعمل هلشي مع والدك
او
كل من يحرضك


وهناك كلمه سحريه يحبها الاهل
و الحل اتطلق و ارجع لكم لهلسبب؟؟؟

هلاا والله ..
غريبة .. ليش ينصحونك كيذا ..
كيذا بيقسى عليك ..
وكيف زوجك بيضحي عشانك وبيجبر خاطرك وانتي تقسين عليه ..
علاقتك بزواجك لااحد يتدخل فيهاا ..

__________________
وإني لأرجو الله حتى كأنني ... أرى بجميل الظن ما الله صانعُ .

توته وزوجها بيض الله وجهك وكثر الله من امثالك ماشاء الله عليك تبارك الله

قمة العقل و الطيبة وكرم النفس

وربي بيعوضك خير وراح تشوفي ثمرة تعبك في تسهيل أمورك من دراسة ونحوه و يزيد غلاك عند زوجك لما يشوفك تساعدي امه الكبيرة في السن وبعد سنوات عندما يكبروا عيالك ويتوفقون بزوجات يحطونك فوق رؤوسهن

وبما أنك عرفتي اهلك وطريقة تفكيرهم اللي راح تدمر بيتك لا تعلمينهم بأسرار حياتك واذا سألوا عن امروك انت وزوجك قولي الحمد لله على احسن حال

وبالنسبة للابتوب زوجك ما رفض بس ظروفة ما تسمح مؤقتاً واذا فرجت معه راح يفرحك به من دون ما تطلبينه

اشكر الجميع ع المرور

بس والله شي يقهر

يعني اذا حابين يتدخلوا المفروض يتدخلوا في اعمار بيتي مو هدمه