السلام عليكم اخواني واخواتي.....
معليه بكثر عليكم كلام بس أنا محتاجه أنكم أتساعدوني.....

أنا مخطوبه صار لي أربعه أشهر... والحمد الله في البدايه حياتنا سعيدة... ومليئه بالحب...
والي تقدم لي انا احبه وهو يحبني لاني انا اللي جريت وراه إلين وصلت له وخليته يموت فيني مو يحبني بس جننته...
وخطيبي امريحني كثير كل طلباتي مجابه مع اني ولا مره طلبت منه شي ضحى علشاني بأشياء كثيره وانا ضحيت بس هو لانه شاب أكيد بيكون أكثر مني تضحيات..
المهم أنا كنت أكلمه قبل الخطوبه من وراء أهلي واهلي عارفين بس انهم ساكتين لأجل حبي... وهو يكلمني من وراء اهله واهله مايدرون بس انا اللي تعلقت فيه من البدايه يعني أحبه حب جنوني مستواي الدراسي نزل كنت بالثانويه بس الحمد الله تخرجت منها بسلام...
أمي تعرف ان هو يحبني بس ساكته علشان ماتصير مشاكل وابيوي تجيه الفواتير عاليه والسبب أنا وهم خطيبي جاته الفواتي جامده تقطع القلب بس حاول انه يسددها كلها علشاني أنا... وأنا مقدره كل شي بس هو الحين يتحداني بتضحياته ويقول لي أنت ماضحيتي لأجل ولا قدمتي لي أي شي.. قلت له أهم شي ضحيت فيه أن حبيتك حب عمر حد ماحبه اتخبى عن أهلي واكلمك قابلتك أكثر من مره ولا احد يدري عني والله العظيم أني احبه ولا عمري راح أنسى هالحب ولا راح ابتعد عنه ولاراح انساه.. بس ليه الحين هو يتصيد علي المشاكل ..
كنت أكلمه بعد الخطوبه من جوال أمي لان ماعندي جوال صار ضغط على جوال أمي مكالماتي أنا لخطيبي وزميلاتي ومكالمات أمي لأهلي... قال لي ابوي خلاص راح أطلع لك شريحه واستعمليها مؤقتاً إلين خطيبك يوفر لك جوال... قلت أن شاء الله لكن خطيبي نسى وعده لي أنه راح يشتري لي جوال وراح يطلع لي رقم من عنده.. طيب سكتنا على الموضوع إلين ماصار إلا الخير...
صار يجيني أرقام غريبه على الجوال مااعرفها الي أعرفه أرد عليه والي مااعرفه ماارد ... بس صار أزعاج كثير على جوالي أحترت أقول لأهلي خايفه أنهم يسببون لي مشكله .. وإذا قلت لخطيبي راح يكبر المشكله أكبر ممااتوقعها..
إلين ماأكبرت المشكله بصورة ماتتوقعون أتهمني بأني خاينه وان لي علاقات سابقه وان لي ماضي سيء..
بكيت وتعبت من البكاء صارحته بأني مااعرف شي ولا لي أي سوابق..
وعالم طفولتي ليس من الماضي كل طفل وطفلة لهم ماضي طفوله سعيدة...
لكن هو جعلها طفوله تعيسه لي ... طلبت منه تغيير الرقم لأن عليه أزعاج مستمر قال أنتي السبب لاتردين على أي أحد قلت له أنا ماأرد ولكن أحيانا بجهاله مني.. أرد لان معي اهلي فلا أريد أنهم يسألون من هذا المتصل فأجعل أمي او أخي يردون على الأتصال ولكن دون فائدة ... أتهمني خطيبي بأن ليته ماخطبني ولا يبيني زوجه له وليته ماحبني كل هذا الحب ويتمنى ينساني بس موقادر لاني أنا وعدته أنه مايتخلى عني مهما كانت الأسباب ضدي ... قال لي أبنس لكن ماراح انسى جروحك ولاظلمك ولاخداعك...
قلت له أنا صغيرة يمكن ماافهم بالحياة كثير ولا أعلم بما يدورفيها..
تحملت الأهانات والقسوووووووه الي تخرج من شفاته... وقلت لأن أحبه مستعدة أتحمل حتى لو يقتلني بيده ويعذبني والله لأجل عيونه وحبي له راضيه بكل الي يسويه...


ابيكم ادلوني كيف اتعامل معه الحين .. وازيد حبي له أكثر وكيف أضحي علشان أشياء هو يجبرني اني أفعل أشياء أنا مااقدر أني أسويها ظروفي ودراستي تمنعني...احيانا عن مقابلته كثير ... ؟؟؟ واذا مخطيه بأشياء قلولي ونبهوني وعلموني الصحيح....!!
ولا تبخلون علي من دعواتكم انا محتاجه لأحد يدعيلي...

انا صغيرة لكن مو كثيرأفهم الحياة في نفس نظريتي.. عمري19 سنه ومريضه بالسكر...
وخطيبي سليم الحمد الله....وهو من أقاربي...

آسفه أذا اكثرت عليكم الكلام.... شاكره لكم أحبابي..

تحياتي
المعذبه وردة حمراء.....