مواصفات العريس ليست كما احلم به
السلام عليكم ورحمة الله وبركاته
والله اني جالسه اكتب وانا ابكي
بس تكفون قولو لي أنا وش فيني ..
قبل فتره خطبني واحد كبير بالسن يمكن 36 وشكله أكبر من كذا
وطرحت مشكلته بالمنتدى أخر والكل أيدني اني مااوافق لني بعد شفته الشوفه الشرعيه كرهته من كل قلبي
وكانت نفسيتي زفت ذيك الايام
المهم كرهت شي اسمه زواج صرت أخاف اذ أحد خطبني
بعد السالفه بفتره
زوجة أخوي كلمتني عن اخوها بالرضاعه وقالت أنه يقول
وده يتزوجك لكن هو مسكين ماتوظف لين الحين وحالته حاله
المهم أنا بصراحه كان أخوها يعجبني مره
والله أحس أني كنت أدعي الليل والنهار بس ابي اتزوجه
والحين فجاه دق واحد على ابوي قبل يومين
وقال أحنا سمعنا عنكم ونبي نجي نخطب
انا تازمت نفسيتي لني الكبيره واكيد جاين يخطبوني
المهم انا قلت لزوجة اخوي زي الي المح لها وين اخوك
قالت والله العظيم يافلانه أنه ماتوظف لين الحين ونفسيته زي الزفت
وابوه رافض يبيه يتزوج بنات عمه وهذا الشي قسمه ونصيب
يعني كانها تقول لاتعلقين نفسك فيه
انا سويت نفسي عادي بس قلبي زي النار من كثر القهر
المهم
أمس جو ذولي الي يبون يخطبون
وانا اتسمع عليهم من وراء الباب
وسمعت كل كلامهم مع ابوي
ماشاء الله مره محترمين بصراحه
انا كنت واقفه وراء الباب لني كنت ابي اشوفه
عشان ماادخل بمشاكل مع ابوي
وشفت الولد
هو مو حلو ولاشين
عادي
لكن عكس كل المواصفات الي
انا تمنياتها بزوجي واحس هالمشكله
مسببه لي ارق والله احيان أسال نفسي
ليه انا مو زي البنات يفرحون أذ احد خطبهم
وانا اذ انخطبت كاني بموت والله لااكل ولانوم زي الناس
حتى خواتي وامي متضايقين من حالتي
يقولون ليه كل هالبكي والصياح
انا ماقلت لااهلي اخاف يقولون انتي تتشرطين
والله العظيم أنا احس شكل الرجال يلعب بمشاعري
دور كبير واخاف أذ تزوجته مااقدر احبه لن شكله مو عاجبني
والله غصب عني هالشعور
أنا كان نفسي على الاقل انه طويل ونحيف
وجاني العكس قصير مو مره ومليان
تتوقعون أني بقدر احبه
لني رومنسيه وبقوه ودائم أتخيل واتخيل اشياء رومنسيه
مع شخصيه بخيالي وماحد جاء نفس الي ببالي الا اخو زوجة اخوي
احس اني لوتزوجته كيف اعيش معه جوء رومنسي
وانا مو عاجبني شكله
احس احيان اني مراهقه لسا مع ان عمري 23
لكن والله انا ماكتب لكم لني ادلع لاوالله اني جالسه ابكي
واحس خلاص كل شي من حياتي بينتهي اذ تزوجت
احس انه بيحرمني من النت والاشياء الي احبها
واحس اني ماراح اقدر اضمه واحس بالحنان
مدري ليه كل الاحساسيس
هل هي طبيعيه ولا أنا فيني شي ..؟؟
ارجوكم لاتبخلون علي ساعدوني
26-10-2008, 01:34 PM
ضوابط المشاركة
العرض الشجري