السلام عليكم
قبل ماطرح الموضوع حابه الفت نظركم لنقطة مهمة موضوعي يخص وحدة متزوجة من اكثر من 40 سنة
وهي عارفة انها على غلط وتحاول تغير نفسها وماستفادت
فقلت شو رايك انزل موضوع هنا واقرا عليك ارائهم ونصائحهم000

تزوجت بعمر صغير برجل اكبر منها بأكثر من 9 سنوات وكان منصبه كويس في عمله وله اصحاب ومعارف بحكم منصبه
ماكان بينهم لامحبة ولامودة زي الخادمة في البيت
مايضحك بوجهها ولايبتسم وحتى المعاشرة الجنسية قليلة جدا ومع الوقت اصيب الزوج بضعف جنسي واصبح يتعالج والسبب انجاب الابناء لكنه لايبخل عليها بالمصاريف مايغلط عليها بحيث انه يجرحها او يهدر كرامتها لكن طول حياتهم ماحسسها انه قريب منها مع انها حاولت تتقرب لكن مافي فايده
يعني ممكن زوجات اخوانه وخواته واهله يعرفون عنه اكثر مما هي تعرف يعني كان يملك محلات وماكنت تعرف الا من زوجات اخوانه كان يطلع يجي مايبغاها تسأل يدخل البيت بس يكلم امه وخواته وهي نادر مايكلمها واذا كلمها يكون يأمرها امر
كان يسافر من اجل العلاج ولما يرجع يسولف عليها انه زنى وجلس مع بنات!! علما بأنه معاها ولاكأنه يرغب بالجنس000 تسمع من الغير انه ماهو متزوجها الا للابناء!! ومالها اي قيمة بالحياة
صبرت عشان اولادها وبناتها وعانت من رجل يعاملها معاملة خادمة اكل وتنظيف بيت وبس!
ولو حاولت تسولف معاه يتريق ويتهزا فيها

بعد مرور السنين وكبرو اولادهم تقاعد الزوج وزي ماتعرفون الدنيا مصالح بعدو عنه اصحابه يعني بس في الاعياد يشوفهم وصار دايم في البيت وكبر في السن وهزل جسمه
والزوجة لازالت مهتمة بنفسها وكل من شافها قال كيف انت زوجته!
نبت لها ريش وصار لها لسان وحست بالحياة لما كبرو اولادها سافرو بها وطلعوها للدنيا يتمشون معاها يودنها لأي مكان بعد ماكانت شبه مسجونة ايام شبابها
صارت تبغى تنتقم من زوجها00
الزوج هدا وتغير وصار يبغى اهتمام لكبر سنه وهي العكس تماما دايم ترفع صوتها عليه تستحقره
تهزأه امام ابنائه تتهزا بطريقته وتصرفاته
لما ينام تجي تفتح النور وتجلس مع بناتها وتتكلم وتاخذ راحتها يعني حتى نومه ماتهتم فيه
لكن اوقات الاكل مهتمة فيها اذا زعل وصرخ بوجهها تخاف وتحترمه ترحمه احيانا لكبر سنه انه انحرم من اشياء كان يحبها قبل
يعني فيه ايجابيات وفيه سلبيات لكن السلبيات اكثر تحترم الخادمات والسواق اكثر منه
واكتشفت مؤخرا انه يزني << مرة وحدة كشفته بعد ماكبر بسنه
وانقهرت أكثر
دايما تتكلم باسم الدين وتلمح له انك مافيك خير ومافيك دين ومن هالكلام

الزبدة اشوفها تصلي الليل كل يوم تصوم بين فترة وفترة تتصدق دايم
السنة تؤديها وبكل اهتمام لكن الوااااااجب؟ معاملة الزوج!!
احاول انصحها تقول ماحسيتي بللي حسيت فيه مانكويتي ماحتريتي
اقولها احتسبي الاجر تتوب يوم وترجع بكررررة

انصحوها؟؟ خايفة عليها يجي يوم ويموت زوجها وتتندم!!

__________________
اللهم لك الحمد والشكر
"ولئن شكرتم لأزيدنكم"