مرحبا للجميع

بدخل في الموضوع على طول

زبدة الموضوع اهلي يتشرطون من ناحية الناس الي يجون يخطبوني ومرات يرفضون وانا مالي علم بالموضوع اساس

اسبابهم سطحية جدا وتافهه ومحرجة منها لأنها تعبر عن تفكير أهلي ، لكن بقولها لكم وهي تتلخص انهم مو بنفس قبيلتنا !!

قبل فترة خطبني واحد من جميع النواحي تمام لكن رافضين اهلي عشان هالسبب
مع ان عمري اللحين 27 سنة وبنظرهم صغيرة للحين وكل ماتكلمت مع امي بالموضوع قالت يرزقك ربي !

ابدا ماقدرت اعدل تفكيرهم وصرت أحس بأنانية منهم همهم بس انفسهم لو قارناها بالمصلحة وهي زواج بنتهم

قريت كذا مره عن فوائد الاستغفار وقراءة سوره البقرة وصرت استغفر باليوم تقريبا 1000 مره ومرات اقرا سورة البقرة وأملي بالله كبير

والله العظيم صرت انحرج من صديقاتي الي يخطبوني لإخوانهم مدري ايش ارد عليهم اقولهم اهلي مشترطين واحد نفس قبيلتنا !!

والله العظيم نفسيتي من سيئ لأسوء ودخلت كتبت للفضفضة وان شاء الله ألقى حل عندكم

اذا ماعندكم حل لو دعوة بظهر الغيب

الله يرزقك واعلمي ان الله اذا قدر لك نصيبك مااحد راح يرده ابد بس توكلي الله وعلمي ان مااصابك لم يكن ليخطئك وما اخطأك لم يكن ليصيبك حفضك الله ووفقك توكلي على الله فقط واعلمي ان نصيبك لسى ماجاء واذا جاء ما احد يقدر يرده لان الله كاتبه لك فارضي بقضاء الله وقدره وفقك الله

عزيزتي .. عمرش 27 سنه وانتي مو صغيره صراحه

حاولي تكلمين امش بجديه .. وخلج جريئه شووي

وفهميهم مدى خطورة الرفض .. وادا ماتقدرين تسوينها


اتفقي مع وحده ترتاحين لها وخليها تتكلم عنش !!


لاتسكتين اولا انتي مو صغيره وثاانيا هدا حق من حقوقش

والله مايرضى ..

الله يهدي اهلش .. ويفرج همج وبلواش ياارب

امك تقول يرزقك ربي ... قولي لها ربي رزقني وانتو وقفتوا في طريق رزقتي
ذبحتنا مسائل القبيله يالخليج رغم اني قبيلي الا اني امقت السوالف ذي ولا عندي استعداد أقدم خطوه أو أعيدها عشان خاطر القبيله تحترق القبيله واسمها
الحمد لله والشكر قبيلي وعرفت نسبي وخلاص يكفي كذا وش ابي اكثر من هيك قبيلتي والا اسها بيدخلني الجنه...؟؟

ما أدري متى تذهب هذه العقول القديمه..

طبعا كلامي مو على الجميع لكن انا اتكلم عن بعض الناس وهم مجودين حوالينا ..

الله يوفقك وجميع المسلمين والمسلمات

قولي لامك كلميها وادعي ان الله يهديها

والله وضع غريب جداجدا

لازم تتكلمي مع اهلك وتبيني لهم مدى حاجتك للزواج زي اي بنت ممكن يحسوا شوي

__________________

طارقH

a & s

عازف الأوتار

زوجةأحمد

الله يجزاكم خير كلكم على كلامكم ودعائكم لي من جد فرحتو قلبي بردودكم

والله العظيم كل ماتكلمت مع امي زاد عنادها ، طبعا الوالد مستحيل افتح معاه مواضيع مثل كذا أولا لأن الحوار مقطوع بينا وبينه بمثل هذي المواضيع ثانيا استحي اتكلم معاه بنفس الموضوع

وأمي الله يهديها رافضة ، حاولت وتكلمت معاها بأكثر من طريقة تقتنع بوقتها وبعدها تغير رأيها

قلت لها انا مو صغيرة عشان تتحكمون وتتشرطون بالزوج وكل صديقاتي الي عندها ولد والا ثنين وغير كذا ان اكرمكم عند الله اتقاكم ليش هالعصبية القبلية وش فيكم شي زيادة عن باقي الناس

لكن أملي بالله كبير ومسألة النصيب مؤمنة فيها لكن الواحد لازم يبذل الأسباب

اختي العزيزه ليه ما تكلمين عمتك او خالتك اوجدتك اي وحده منهم اقرب الى نفسك وترتاحين لها دخليها بالسالفه

خليها تتفاهم مع امك وتوضح لها الامر

ولاتنسين الدعاء اختي

اسأل الله لكٍ التوفيق والسداد

__________________

اللهم اجعل لي فرجا ومخرجا من امري


................................


بين الاستغفار رددي اللهم اجعل لي فرجا ومخرجا من امري


ولا تنسي الصلاة على النبي


والله قلبي عندك


الاخت green222 المرجو منكِ فتح رساله باسمي في قسم مراسلة الاداره وشكرا

__________________
http://live.gph.gov.sa/
اللهم اني استودعك اولادي

الحل بكلام المصطفى عليه الصلاة والسلام ، من جاءكم من ترضون دينه وخلقه !!! وليس من ترضون قبيلته و نسبه !!!

الله يكون بعونك و ان شاء الله ربنا يرزقك الزوج الصالح الذي يسعدك ، والله يهدي أهلك ...

بالتوفيق ...