السلام عليكم جميعا
بنتي عمرها سنه ونص, وطلعلها اربع اسنان وضرسين فوق, وكمان اربع اسنان وضرسين تحت ما شا الله
المشكله انها في الفتره الأخيره ماهي متقبله الفرش ابدا
حاولت افرشلها على الخفيف بس هي ابدا ماهي راضيه تفتح فمها
حاولت اني انا افرش اسناني معاها واقولها شفي ماما ايش تسوي ياسلام اسنان ماما حلوه, برضو ما تفتح فمها الا يدوب
الحاله هذي من تقريبا شهر
حاولت اني ما افرشلها كذا يوم, بس خايفه على اسنانها من التلوث طبعا,
لأنها ما شاء الله تبارك الله شهيتها مفتوحه وتحب تاكل كل شي.
انا افرش لها دائما على الخفيف ومرتين في اليوم
ايش السبب الي يخليها كده؟
ممكن في السن هذي في اسنان ثانيه طالعه واللثه متحسسه منها؟
ايش ممكن اسوي؟ اعرضها على دكتور اسنان وهي في هذي السن؟ مع اني متأكده انها راح تسوي مناحه في العياده
ياريت لو نصايح من دكتوره نانو, مع اني ما اعرف اذا من تخصصك بس نصايح عامه واكون شاكره لك عزيزتي
12-02-2009, 01:43 AM
ضوابط المشاركة
العرض الشجري