السلام عليكم و رحمة الله و بركاته

حبيت أستشيركم بموضوع المشاية من النوع يلي بمسكها الطفل و بمشي ... هل هي مفيدة و بتساعد الطفل على المشي خطوات صحيحة لما يبلش يوقف ؟؟ أو ما الها ضرورة ؟؟ و ياريت أي حد استخدمها يحكيلنا رأيه .. و شكرا للجميع

__________________

نعم عزيزتي مفيده بس بشرط تكوني واقفة عنده عشان مايمشي بسرعة ويطيح

__________________
اللهم لك الحمد حمدا كثيرا

شكرا أختي على ردك السريع وبارك الله فيكي

__________________

انا وقت ابني اتعلم المشي كنت بسورية
و كان ابني يمسك الكرسي اللي أهلي بستخدموه للكومبيوتر (له عجلات صغيرة) كان يدفعه و يمشي معه لكن الكرسي كان سريع على الأرض المالسة و كان لازم ابقى بجانبه
كان كتير يساعده لما يدفع الطاولة لأنها أكتر احتكاك بالأرض و بالتالي بتبقى على سرعته لكن كانت مشكلتها الضجة !!!!!!!
راح الوالد يبحث في الأسواق على مشاية متل اللي حطيتيها بالصور و للأسف لم يجدها
و كان زعلاااااااان لأنه نفسو يتعلم حفيده المشي و بطريقة آمنة
بالنهاية الحمد لله مع الصبر عليه بدفع الكرسي والطاولات و الأقارب اتعلم
لكن ما بتلزمك أكتر من شهر او بالكتييييييير شهرين و بكون تعلم يمشي و ما رح يستخدمها
فإذا أخدتيها إعارة من أحد أقاربك أو صديقاتك أفضل ما تشتري وحدة جديدة

__________________
.
.

استودعتك أهلي في سوريا يا من لا تضيع ودائعه

معليش تشتريها وتحتفظ فيها لاخوانها واخواتها اللي ان شاء الله جايين بالطريق

اسفه عالتطفل

__________________

ماريا كيف ما بتلزم الا شهر او شهرين ؟! المشايات الجديدة صارت أكتر من استخدام في منهم ممكن يصيروا سيارات بسوقهم الأطفال و في عليهم ألعاب تعليمية متل الأحرف الأبجدية و الأرقام و أصوات الحيوانات و بتبقى معهم لعمر 3 سنوات .. ان شاء الله الله يقومك بالسلامة و تستخدميها لبنتك

كريستالا هاد ان شاءالله رح أعمله رح أجيبها و أخليها لإخوانها .. الله يرزقنا و يرزقك و يرزق كل الناس بالذرية الصالحة

__________________

الله يسلمك يا رب
شكرا عالدعوات الحلوة
انا قصدت وظيفة الجر ما رح يستفيد منها إلا شهرين بالكتير
حسب سرعة تطوره في المشي
لكن طبعا اذا معها ألعاب تانية رح تستخدميها أكتر و أكتر
متل ما قالتلك انا ما مجربتها بصراحة ما بعرف شو فيها

__________________
.
.

استودعتك أهلي في سوريا يا من لا تضيع ودائعه

هههه و لا يهمك تطفل لطيف
معك حق
للي ناوي الانجاب قريبا و عنده مخزن ببيته ما يتردد بشراء أي شي للطفل خاصة الطفل الأول

__________________
.
.

استودعتك أهلي في سوريا يا من لا تضيع ودائعه

يلي فهمته من حكيك انه ممكن تساعد الطفل على المشي... انا كل ما أروح أشتري وحدي لبنتي أحتار أخاف انه ما تكون مفيدة وتتركها وما تستخدمها بس تعبيلي البيت كرسي سيارة و كراجة و مشاية... قولت بدي أخد رأيكم قبل ما أشتريها و أشوف آرائكم ..

__________________

الدراجة اللي بيجلس فيها الطفل جلوس غير مفيدة
لكن أي شي بجره الطفل جر و هو ماشي رح يكون مفيد طالما هو آمن يعني احتكاكه بالأرض يكون كبير بحيث ما يكرج بسرعة و الطفل مو ملحق يركض وراه
أتمنى تكوني فهمتي قصدي
انا ما كان عندي منها و لا بعرف كيف تستخدم بصراحة
لكن متل ما قلتلك كان ابني يعشق جر الطاولة و الكراسي كانت كتير تساعده ينتقل من مكان لمكان

__________________
.
.

استودعتك أهلي في سوريا يا من لا تضيع ودائعه