السلام عليكم

مشكلتي إني مطلقة فعليا من ثلاثة شهور بس عاطفيا من ثلاث سنوات كنت أعيش مع أبو عيالي بس شي كمربية للأطفال وأصرف عليهم بعد

القهر والمشكلة الأساسية إن ألحين عياله عندي وأقول عنهم عياله لأسباب بتعرفونها بعد شوي هم عندي صح بس من اللي يتحكم فيهم وبمدارسهم هو يعني هاذيل هم اللي طلعت بهم من ها الدنيا ما أقدر أعلمهم على كيفي في المناسبات العائلية ع طول ياخذهم لأنه من الأهل وما أفرح في ها المناسبة
في الإجازات بداية الويك إند ياخذهم وبنهايته يجيبهم يعني ما أتهنا معاهم في الويك إند وأتم بروحي
جوازاتهم عنده أوكي لو أريد أسافر معاهم لازم أستأذن قبل وجربت قبل ها المرة ورفض

زواجاتهم من ألحين وهو يخطب لبنتي وحدد لها المعرس وولدي خلاص حدد له العروس وأنا برايي

إنزين ليش بروحي مطلقة ومالي لا عم ولا خال ولا أب ولا أخ من لي بها الدنيا باكر لو كبروا حتى عرسهم ما بفرح فيه وراحوا من عندي خلاص وتميت أنا بروحي في بيتي ولا أحد عندي وهو بيتزوج وبيرتاح

أموت وأعرف ليش المجتمع ظالم مع المطلقة بروحها تعبانة لازم تقتلونها والله من كثر ما أفكر في المرضوع إستوى دوم عندي صداع وشهيتي للأكل معدومة وضغطي دوم أعلي من 150 ها وأنا بعدني ما كملت الثلاثين مب حرام

لو بتقولون عني إني منتهية قولوا لو بتقولون عني أني ميتة جسم بلا روح وبدون قلب بعد قولوا لأني ما أحس عمري أم أبد أحس عمري مربية ما أضربهم ولا أعصب عليهم بس أطالعهم و وأتذكر إنهم بعد كم سنة بيختفون من عندي

الاشراف:عذرا.تم تعديل العنوان ليتضح المضمون